Te Tetere ni Moaningabongin te Tabati
Te Korakora, Ni Kaokiokan Tamaroan Ana Reirei Kristo
Te Rongorongo ae Kaeweaki
Karinna, iroun Malory Fiso
Marurungin tamneira e bon karikaki “inanon maanin ara tai ni maiu ngkana ti okiokira mwanean ana reirei Kristo.” Karaoana, Beretitenti Russell M. Nelson e reirei, karaoan te “mwaakaroiroi kakaraoan te kokoaua” [Tokanikai man Kangaangan te Aonaaba ao Karekean te Rau,” Riaona, Nobembwa. 2022, 97]. Eang, te moan kanoa n ana reirei Iesu Kristo—n aron te onimaki iroun Iesu Kristo, te rairannano, karaoan te berita ae tabu ma te Uea rinanon te bwabetito, karekean ana bwaintituaraoi te Tamnei ae Raoiroi, ao te teimatoa ni karokoa te toki a bon aki kantaningaaki bwa tetaina karaoakia, ke n taraaki bwa baika a tia aroia. …
Ara onimaki iroun Iesu Kriisto e kainanoa wantongaana n te bong koraki. E bon wantongaaki man te tataro ni katoa bong, kamatebwaian koroboki aika a tabu ni katoa bong, te kakaitau ibukin ana akoi te Atua ni katoa bong, te rairannano ni katoa bong, ao iriiran ana wirikiriki te Tamnei ae Raoiroi ni katoa bong. …
E marurung naba tamneira ngkana ti ongeaba nakon ana tua nako te Atua ao n raira nanora. …
Te kanoa are imwina n ana reirei Kristo bon te bwabetito, are e raonaki ma te bwabetito n te ran ao, rinanon te kamatoaaki, are bon te bwabetito n te Tamnei ae Raoiroi. E ngae ngke ti te taina te bwabetito, ma ti kakaboua ara berita n te bwabetito ni kanakin te toa. …
Ngkai e bati korakoran te Tamnei ae Raoiroi inanon maiura, ti karekea iroura anuan te Tia Kamaiu ma te rikirake ao te nikoraoi. … Ao ikanne are ti a karekea iai mwaakan karawa are ti kainnanoia ibukin te teimatoa ni uaa te toki. …
I kaoi ngkami bwa kam na kaokioka man kanikoraoa maiuakinan ana reirei Kristo, ao ni buokiia aomata inanon kawaia.