Te Tetere ni Bwakantain te Kaonobong
Katiteuanaaki ma Kristo
Te Rongorongo ae Kaeweaki
Mai nakon Kristo, iroun Casey Childs
Te riki n teuana ma Kristo ao Tamara are i Karawa e kona n reke rinanon ana Mwakuri ni Kamaiu te Tia Kamaiu. …
Bwaai aika a kainnanoaki ibukin te bwabetito, ngkai a rangi tamaroa, bon kanikina aika onoti. A karimoa te nanorinano i matan te Atua, te nano ae uruaki ao te tamnei ae raraoma, te rairannano man bure ni kabane, ni katoka iaora aran Iesu Kristo, n teimatoa ni ua te toki, ao ni kaotaki man ara mwakuri bwa ti karekea Tamnein Kristo.
E kakaawaki bwa bwaai ni kabane ake a kantaningaaki ibukin te bwabetito bon bwain te tamnei. … Bon titebo baika a kainnaoaki irouia aika a kainano ao aika kaubwai.
Akea te reeti, te aine ke te mwaane, ke rikiaia ae kainnanoaki. …
Ngkai ti anganaki “katotongan” te Atua, kanga akea nanon kabwarabwaraan kaokoroara. …
… Ni karekean kakabwaia man ana Mwakuri ni Kamaiu te Tia Kamaiu, ti riai ni kamatoaira ni kamwakuri inaomatara n rinea Kristo ao n irii Ana tua nako. …
Te kabanea ni kakaawaki n rinerine e kona ni karaoaki irouia aomata ni kabane n aki tarai aia tarena, konabwai, tibwangaia, ke kaubwaia. …
Ngkai ti kaitarai kangaanga n te maiu, a mwaiti bwaai aika a riki aika ti aki kona n tiani. … Bwa rinerine aika a rangi ni kakaawaki, bon iai ara kona n tiani. …
Ni bwainakin te tua, aroaro, tauakin te aro, ao maiuakinan te etieti, ti karekea te mwaaka n tautaeka. Ara onimaki ao neboan te Atua te Tama ao te Nati, Iesu Kristo, bon rinerine ake ti karaoi. …
Ti riai ni kataia ni kariniia aomata i nanon ara mronron ni katiteuanaaki. …
Ti katiteuanaaki inanon ara tangira ao ara onimaki iroun Iesu Kristo bwa natin Tamara are i Karawa ae tatangira. Oin kainakina ni koaua bon te katiteuanaaki ma Kristo.