Te Tetere ni Bwakantaain te Tabati
Katomaan Tuua Aika Uoua Ake a Korakora
Te Rongorongo ae Kaeweaki
Ti na tuoi tuua aika uoua aika moan te korakora aikai, ake a kaotaki ao n taekinaki n ana kaeka Iesu Kristo. Ni karaoana iroura, ti na katamneia n ara iango tamnein te buriiti ae rianako tamaroana aei.
Te moan, ko na tangira te Uea ma nanom ni kabanea, tamneim, ao wanawanam.
… Tangiran te Uea ae moamoa mai i nanom—n aroarom. E tuangko te Uea bwa ko na tangira ma tamneim ni kabanea—ko na tangira ma nanom ni kabanea—ao kabaneana, n tangira ma am iango ni kabane—wanawanam ao korakoram. …
… I kona n tangira Tamara are i Karawa ao Iesu Kristo, are e na kairai ngkanne nakon te tataro, kamatebwaian koroboki aika tabu, ao te nebonebo n te tembora. Ti tangira te Tama ao te Nati rinanon kabwakaan kabwianibwai, katabuan te bong ae te Tabati, maiuakinan te riai ao te maiu ae e itiaki, ao te ongeaba. …
Tangiran te Uea e kairi nakon te kukurei ae akea tokina!
… E aki tabwanin tangiran te Uea ngkana ti aki tabeakiniia kaain rarikira. Te tangira n tangiriia aomata bon ibukiia ni kabane natin te Atua n aki taraia bwa te mwaane ke te aine, aroia, tera aia reeti, te namakin n tangira, aia karekemwane, te ririki, ao te katei. …
… Ni karaoan te buriiti ae tinetine bwa e na mwakuri nakon are bon ibukin kateana, a riai ni kaai ni mwakuri inanon te aro ni inanoi. N aron anne, arora n iriira Iesu Kristo e boboto i aon korakorara ao ara konaa n maiuna te moan ao te kauoua n tua ni kabaeranti ao ni kakaonimaki nako iai ni kauoua. …
… Ke a tabekakirake nanora ao ara iango n tangira te Uea ao n taraia ake i rarikira n tangiriia raora.