Te Tetere n Ingabongin te Kaonobong
Te Bitaki ae ai aron te Ai ae Raba i Nanora
Te Rongorongo ae Kaeweaki
Tariu ao mwaneu, I kakoauaa bwa e ongo ara tataro te Atua ni kabane ake ti taekin ao e na kaekaira ni kaineti ma ana babaire are E a tia n iangoi ibukin kororaoira. … Bon ti te Atua ae ataa bukina bwa bukin tera a kaokoro kaekan tataro ma ake ti kantaningaia—ma I berita nakoim bwa a bon ongoraeaki ao a bon kaekaaki nakon Ana tangira ae aki bwabwaka ao ana tai.
Ngkana ti “bubuti n ae riai” [2 Nibwaai 4:35] ao e na akea tokina bwa n ningai, iaa, ke tera ae ti na tataro ibukina. …
… Ti riai n tataro i bon iroura, n ara utu, ao n taabo ni kabane. E na riki te tataro bwa nangoara man taian kariiri, ao ngkana iai taai aika ti namakinna bwa ti na aki tataro, ti kona n ataia bwa e bon aki roko te kaantaninga anne mai iroun te Atua, are E tangiria ni kan reitaki n taainako ma natina. … Ngkana ti aki ata arora n tataro, ti riai ni waaki, ao n reitinako, ni karokoa e na kairiira nakon tataro ake ti riai n atong te Tamnei ae Raoiroi. …
N tokina, ti kona n noora ana katooto te Tia Kamaiu are aki toki n tataro, n taainako. …
Ni kaitaraa tokanikain Kristo i aon te mate ao Ana bwaintituaraoi nakoiu ae ngkai man tabeua riki wiiki ke namwakaina n te maiu aei, I kaota au kakoaua bwa bon iai te maiu i mwiin te maiu aei ao ti riai ni babaire raoi ibukin uaiakinan te roko iai.