Te Tetere ni Moaningabongin te Tabati
Tataro, E Mena Ikekei
Te Rongorongo ae Kaeweaki
Tera bwaintangira aika ko kona n tataro ibukiia? A mwaiti, ma n te bong aei, I tangiria n tibwai teniua: …
Te moan, Tataro bwa kona Ataia
Tera ae ko riai n ataia? …
Ngkana ko ataia bwa Tamara are i Karawa e maiu ao E tangiriko, ko kona ni maeka ma te ninikoria ao te onimaki! …
N tabetai ko kan ataia bwa bukin tera e riki nakoim te bwai ae kangaanga ke bukin tera e aki reke te kakabwaia are ko tataro ibukina. N angiin te tai te kabanea n tamaroa n titiraki n butiia Tamara are i Karawa bon tiaki bukin tera ma tera?. …
… E na kairiko Tamara are i Karawa ngkana ko butiia tera ae ko kona ni karaoia ao tera ae ko kona n reiakinna.
Te kauoua, Tataro bwa Kona Rikirake
E tangiria ni buokiko Tamara are i Karawa bwa kona rikirake! …
Ko tangiria n rikirake i nanon te taotaonannano ao te kokoaua? Ko tangiria n rikirake n te konabwai? Tao ko mama ao ko tangiria n rikirake n ninikoria. “Tataro, e mena ikekei.” Rinanon Tamneina, nanom e kona ni bitaki, ao ko kona ni karekea te korakora. …
Te kateniua, Tataro ni Kaotia
Ko kona n tataro ibukin te ibuobuoki bwa kona kaota ana tangira Tamara are i Karawa nakoia aomata. Rinanon Tamneina, e na buokiko Tamara are i Karawa ni kina temanna ae e nanokawaki bwa ko aonga ni kona ni karaua nanoia. E kona ni buokiko ni kaota Ana tangira man kabwaraan aia bure tabeman. E kona n anganiko te ninikoria ni beku ibukin temanna ao n tibwaia nakoia bwa ngaiia natin te Atua. …
Tibwaa te bwai are ko tangiria ma Tamara are i Karawa.