Te Tetere ni Bakantain te Tabati
Tembora, ana Auti te Uea ake a Kateaki ni Kabuta te Aonaaba
Te Rongorongo ae Kaeweaki
Ko a tia n iangoia bwa e aera te Uea e kairiia Ana burabeti bwa a na waaki ngkai ni katei Ana auti aika tabu i aon te aba, Ana tembora aika mimitong? …
… Teuana bukina bwa ti mena ibuakon kangaanga ma kataaki n te aonaaba aei, ao E a tia ni berita bwa e na kakorakoraiia ao man kakabwaiaiia Aika Itiaki ake Ana aomata ni berita a koro bukiia. …
I nanon ana auti, ao ti entaute ma te mwaaka mai karawa. Ara onimaki iroun Iesu Kristo ao ara tangira Ibukina e a kamatoaaki ao ni kakorakoraaki. Ti reiakinna bwa tina Tangiria riki. Ti na ataa rikira n tamnei ao te kaantaninga ibukin te maiu. Ngkana ti kakaonimaki, ao ti na kakabwaiaki ma te kamanoaki man taian kariiri ao kamangaongao. Ti namakina ana tangira Te Tia Kamaiu ngkai E tabekiirarake man ara kangaanga ao rawawatara. Ti otangaaki ma mwaakan te Atua. …
Raou aika kam tangiraki, ngkana e uarereke am tai n rooroko n te tembora, ti a karekea n taainako ara tai n nebonebo inanon ana auti te Uea. …
Te tembora bon Ana auti raoi te Uea. I berita nakoimi bwa ngkana kam roko ao n tataro n Ana auti ae tabu, ko na otangaaki ma Mwaakana, ao Arana e na mena i aom, Ana anera ana tararua i aom, ao ko na rikirake i nanon ana kakabwaia te Tamnei ae Raoiroi. …
Ni bong aika mangaongao ao ni kaiangatoa, I kakoauaa bwa tembora bon Ana auti ao e na buokiira ni kateimatoaira, ni kamanoira, ao ni katauraoira imwain te bong are mimitong, ma Ana anera aika mimitong ni kabaneia, e na okira kaintokanueana ara Tia Kamaiu, ma mwaakana, ao mimitongina ae korakora.