Te Tetere n Ingabongin te Kaonobong
A Na Nakoraoi Bwaai ni Kabane Ibukin Berita aika Tabu n te Tembora
Te Rongorongo ae Kaeweaki
Tariu ao mwaneu, I kaotia ma te nanorinano bwa ngkana ti nakon te tembora, ti kona ni kauringaki n rikin raoi tamneira ae akea tokina, reitakira ma te Tama ao Natina ae rine, ao nanora are ti tangiria bwa n tokina ti na oki nakon mweengara are i karawa. …
Iaan ana kairiiri Beretitenti Nelson ae kairaki iroun te tamnei, e a tia te Uea ni kabirimwaaka, ao e na reitinako ni kabirimwaaka, katean tembora ni kabutaa te aonaaba. Aio are e na karekea nakoia natin te Atua taian otenanti ni kamaiu ao ni karietataaki ao ni karaoi ao ni kawakin berita aika tabu. …
Iriirakin karaoan otenanti n te tembora ni katoatai e kona ni karika tein aron te kakaonimaki nakon te Uea. Ngkana ko kawakin am berita aika tabu n te tembora ao n ururingii, ko kaoa ana iraorao te Tamnei ae Raoiroi ni kakorakorako ao ni kaitiakiko. …
Bon rinanon te berita ni kabaebae n te tembora are ti kona ni karekea iai te kakoaua n reitakin te utu are e na reitinako imwiin te mate ao n teimatoa n aki toki. Karinean te mare ao berita aika tabu n te utu are a karaoaki n Ana tembora te Atua a na karekei kamanoakira man buakakan te nano ni bangaomata ao te kainikatonga. …
A na roko nakoira ni kabane kakatai, kangaanga, ao uruaki n nano. Bon akea temanna ae e na aki rootaki man “te bwai ni kateketeke n te iriko.” [tara 2 I-Korinto 12:7–10]. Ma, ngkai ti nakon te tembora ao n uringii ara berita aika tabu, ti kona n tauraoi ni karekei bon oin kairara mairoun te Uea. …
Tariu ao mwaneu aika kam tangiraki, I kaota au kakoaua bwa bon akea te bwai ae kakaawaki riki nakon karinean berita aika tabu ake ko a tia ni karaoi ke ko na karaoia n te tembora.