Te Tetere ni Bwakantain te Kaonobong
Te Kimwareirei are moan te Rietata
Te Rongorongo ae Kaeweaki
E kananokaawaki, bwa, a mwaiti aomata, aika a matoa irouia kuneakin te kukurei. …
… Namakinan te nanokawaki bon tiaki te kanikina ibukin te bwaka. N te maiu aei, ao e kakawaki, bwa a na airiiri n taainako te kimwareirei ao te karawawata. …
E ngae n anne, ao I a tia naba n namakina mimitongin te kimwareirei are kaona nanou ao n teimatoa n tiku. I kunea i bon irou bwa e reke te rau ni koaua are e roko man iriiran te Tia Kamaiu ao n nakonako ni Kawaina.
E kaokoro te rau are E anganiira ma are ti karekea n te aonaaba. E tamaroa riki. E tabu ao man rietaata. …
Tamara are i Karawa e aki karaba nakoira te kawai nakon te kukurei. Bon ti aki te bwai ae karabaaki taekana. E tauraoi nakoia aomata ni kabane!
E beritanaki te kukurei bwa e na reke irouia ake a nakonako i aon te kawai n riki bwa ana reirei Kristo, a iriira bannan te Tia Kamaiu, kawakina Ana tua, ao ni karinea te berita ake a karaoi ma te Atua. …
… A karikaki bwaai nako aon te aba bwa a na rikirake ao ni mane, n mka, n uruaki, ke n tabe ni mauna nako. Ao bon akea tokin te kimwareirei, ibukina bwa bon akea naba tokin te Atua. …
… Taiaoka anganai au tai n kanakoi tabeua kawai ni kunea te kimwareirei i nanon te maiu ae itiaki. …
Inanon boong, wiiki, ao namwakaina aika i mwaira, I kaoiko bwa ko na:
-
Kabanea am tai ma nanom ni koaua, ni kekeiaki ni kaaniiko ma te Atua.
-
Nanomatoa n ukorii n taainako ana kaantaninga, te rau, ao te kimwareirei.
-
Uota te kimwareirei nakoia aomata ake irarikim. …
Ti riai ni ukora ao ni kakaea te kimwareirei are moan te rietaata are roko man ara kakaonimaki nakon Tamara are i Karawa ao Natina ae ana Rikitemanna ae tatangiria.