Te Tetere ni Moaningabongin te Tabati

Nanon te Atua Bwa E na Kairiko Nakon Mweengana

Te Rongorongo are e Kaeweaki

Iroun Unimwaane Patrick Kearon

Man te Kooram n Abotoro n te Tengaun ma Uoman

Tamnei

Patrick Kearon

Ana babaire ni kabane te Tama ibukiia natina aika tangiraki e bon karaoia bwa e na uotiia aomata ni kabane n oki nakon mweengana. …

Tao nanon aei bwa ai akea tuua ni kaira aron maiura? … Tiaki, ae bon Tiaki. … N aanaki i aon Ana angareirei ni kabane ni maiuakinan kainibaire aika a rietaata rinanon te maiu ae raoiroi bon te kakao ibukin rikirakem, n onikan te onimaki iroun Kristo, nakon bitakin te nano ae korakora. …

Ngkana ti kakoaua nanon te Tama n ana babaire are bon ibukin kamaiuara, kaboakira, ao n nanoangakira, ao n anganiira te kukurei, tera nanon te Nati are Mairouna ao e kakoroaki bukin te baaire ae korakora aei? …

Ana kantaninga Iesu bon ana kantaninga te Tama n atataiaomata! E tangiria bwa e na kona ni karaoaki aei nakoia Natina ni kabane bwa a na karekea tokin ana kouru n te babaire aei—te maiu ae akea tokina ma Ngaiia. Akea temanna ae e na katinanikuaki man te konabwai mai ieta aei. …

Te Tia Kamaiu, te Tia Kawakin Tiibu, e nako n ukoukoriia Ana tiibu aika a bua ni karokoa E kuneiia. …

Tiaki, E aki karaoi bwaai aika a na bonota ao n tuuki kawaira, E kanakoi mairoura. E aki katinanikuko; E butimwaiko bwa ko na rin. …

Aei te rongorongo ae kakukurei! I aki kona ni kaota aron au kakaitau ibukin koaua aikai. Ana banna te Tama, Ana babaire, Ana kantaninga, Nanona Ae tangiria bon ibukin kamaiuara, n angani ngkami te rau, ni kairi ngkami, ao nake kam tangiriia, nakon mwengana.

Kinaa Unimwaane Patrick Kearon

Bungiaki n Tuurai 18, 1961 i Carlisle, Cumberland, Engiran.
E maeka i Arabia ibukin tabeua ririki ma ana utu.
E moana reireina n te kuura n reirei i Engiran ngke 10 ana ririki. “Kabotauaki ma Harry Potter ngke e mena i Hogwarts,” ngke e mena n te kuura n reirei. “E bon matoatoa.” Ma, i Arabia ao Engiran, e taku, “I kaaitara ma mwaitiia aomata aika a kakaokoro” ao “n reiakin rinanon taneiai bwa te kakaokoro ae bubura e rangi n tikiraoi, ao n tamaroa! E a tia ni kaonaki maiu iaon are i kantaningaia man reitakiu ma aomata mani katei ao koaua aika a kakaokoro man mwakoron nako te aonaaba.”
E tenaaki tabon waena n te tikaobian ngke e itiua ana ririki ngke a mwananga ni kaembwa.
Ngke ruaiwa-ana-ririki inanon te rereua i Arabia, e reireinaki iroun tamana ni kabuti kaa.
E bwabetitoaki n tain te Kiritimati n te 1987 n ana ririki ae 26.
E kaitibo ma buuna, Jennifer, ngke e roko i London mai abana n reirei. A mareaki n te Oakland California Tembora n Tianuare 1991.
Iai aman natiia: Sean (are e mate n ataeina), Elizabeth, Susannah, ao Emma.
E mwakuri n te United Kingdom, Saudi Arabia, ao te United States n taabo n karao bwai aika mwaiti. Ngaia ma kainabana ngkoa a kabuta oin aia bitineti iaon te itoman.
E kamatoaki bwa te Mataniwii ni Kabuta n Eberi 3, 2010.
E weteaki nakon te Kooram n Abotoro n te Tengaun ma Uoman n Ritembwa 7, 2023. “Te wewete ae tabu aei e bon rangi ni kakamaaku ao ni kananorinanoai,” e taku. “N na katuka au onimaki ni kabane iroun te Tia Kamaiu ngkai I ukoria bwa tera ae e kainanoai bwa N na riki iai ao n tibwaua au kakoaua n Ana tangira ao te ota. … I Tangiria. N na kataia ni beku Irouna nakon au kabanea n tamaroa.”