Te Tetere ni Moaningabongin te Tabati
Berita aika Tabu ao Mwioko
Te Rongorongo ae Kaeweaki
Te berita bon te motinano ni kakoroi bukin mwioko. Motinano aika a onoti a kakaawaki ibukin kabutan maiura n tatabemaniira ao ana kakamwakuri te botanaomata. …
Ngke e roko tain Kaokan bwaninin ana euangkerio Iesu Kristo, e wetea te burabeti te Atua, Iotebwa Timiti. … [Ana Boki Moomon] anne bon moan te korakora ibukin kaokakin te euangkerio ae bwanin, n raonaki ma ana babaire te Atua ibukiia Natina, ao ana Boki Moomon e kaonaki ni booki ni kakoaua ni berita ae aika tabu. …
Berita aika a tabu bon aan kaokan te euangkerio. Aio e kaotaki n ana moan mwaneka te Uea are e kaira te Burabeti bwa e na kaira barongaan Ana Ekaretia. …
Ana Ekaretia Iesu Kristo Ibukiia Aika Itiaki ni Boong Aika Kaitira e a katei tembora ni kabutaa te aonaaba. Oin te kantaninga bwa a na kakabwaiaia natin te Atua n nebonebo n te tembora n tibwangaia ae e tabu ao mwaaka ma kakabwaia aika a onoti ni kabaeaki ma Kristo ake a karekei man berita aika a tabu.
E kinaaki ana Ekaretia Iesu Kristo bwa te ekaretia ae e katuruturui karaon berita aika a tabu ma te Atua. A mena berita i nanon otenanti nako n te kamaiuaki ao karietataaki ao ake a karaoaki i nanon te Ekaretia ae e kaokaki aei. Te otenanti n te bwabetito ao berita aika a tabu ake a irekereke ma ngaiia bon bwaai aika a kainnanoaki ibukin te rin n te abanuea are te tiretio. Otenanti ao berita ake a irekereke n te tembora bon bwaai aika a kainnanoaki aika kakaawaki ibukin te karietataaki n te abanuea are te tiretio, are bon te maiu ae akea tokina, “te bwai n tituaraoi ae moan te korakora mai i buakon ana bwai n tituaraoi nako te Atua” [Reirei ao Berita aika Tabu 14:7]. Anne ana boto n iango Ana Ekaretia Iesu Kristo ibukiia Aika Itiaki ni Boong aika Kaitira.