Te Tetere ni Bwakantaain te Tabati
Kimwareirei n te Bwaintituaraoi ni Kiingin te Nakoanibonga
Te Rongorongo ae Kaeweaki
N akean kiing n te nakoanibonga, akea temanna ae kona ni karekei otenanti aika a kakaawaki ao berita aika a tabu ake a kabaeira ma aika a tangiraki iroura n akea tokina ao n kariaia maekara ma te Atua. …
A anganiira te kariaiakaki kiing n te nakoanibonga n anga kakabwaia ni kabane ake a beritanaki nakon Aberaam ao n tauraoi nakoia mwaane ao aine ake a kaawakin aia berita aika a tabu. Mwakuri n tembora aikai a katauraoi kakabwaia aika a rangi n tamaroa nakoia ni kabane natin te Atua, n aki taraia bwa n te tabo raa ke ningai ae a maeka iai, ke a maiu ngkai. …
Kiing n te nakoanibonga ake a kaokaki nakon te Burabeti Iotebwa Timiti a kona ni karekea aomata n tatabemaniia nako mwaane ao aine ake a kawakin aia berita n ni kimwareirei n te aro ae moan te kamiimi ae onoti n aron kakabwaia n te maiu n tamnei. …
Tariu ao mwaneu aika kam tangiraki, aio au berita. Akea te bwai ae na kona ni buokiko riki n taua ni kamatoa te kai te biti irarikin te nebonebo i nanon te tembora ni katoatai nakon are ko bon kona. Akea te bwai ae na kamanoko riki n am tai ni kaitibooaki ma bubu n nang ae rootongitong man te aonaaba. Akea te bwai ae na kakorakora am kakoaua iroun te Uea Iesu Kristo ao Ana Mwakuri ni Kamaiu ke ni buokiko ni kamataata riki ana babaire te Atua ae tamaroa. Akea te bwai ae na kabebetea riki tamneim i nanon taai ni maraki. Akea te bwai ae na kauka rikikarawa. Akea!
Te tembora bon te moan mataroa nakon kakabwaia aika a korakora ake e katauraoi te Atua ibukira n tatabemaniira nako, bwa te tembora bon ti te tabo n te aonaaba are ti kona ni karekei iai ni kabane kakabwaia ake a beritanaki nakon Aberaam. …
Ti na kimwareirei ni kaokan kiing n te nakoanibonga are e karekea nakoim ao nakoiu te kimwareirei i nanon kakabwaia n tamnei n tatabeua nako are ti tauraoi ao n tau ni karekei.