Te Tetere ni Moaningabongin te Kaonobong
Kam na Karina te Uea are Iesu Kristo
Te Rongorongo ae Kaeweaki
E tangira te reitaki Tamara ae nano ma Natina mwaane ao aine ni kabane, ma anne bon ara rinerine. Ngkai ti rineia bwa ti na kaniira riki ma Ngaia rinanon te berita ae tabu n te iraorao, e anganiira te kariaiakaki bwa ti na kaaniira riki ma Ngaia ao ni kakabwaiaira raoi.
Iesu Kristo bon boton berita aika tabu ni kabane ake ti karaoi, ao kakabwaia man berita aika a tabu a reke man Ana mwakuri ni Kamaiu.
Te Bwabetito man te kateboaki e bon tei bwa te kanikinaa ike ti a rin iai i nanon te berita ae tabu ma te Atua. Man kateboakira i nanon te ran ao manga otirakera ngaia bon te kanikinaa i aon maten te Tia Kamaiu ao manga utina nakon te maiu ae boou. … N te Nu Tetemanti ti wareka ae kangai, “Bwa kam bane ni karina Kristo ngkami akana kam bwabetitoaki nako nanoni Kristo kam a karina Kristo” [I-Karatia 3:27]. …
Te otenanti ae te toa e kaineti naba nakon Te Tia Kamaiu. Te kariki ao te ran a tei ibukin irikon ao raraan Kristo are e a tia n anga ibukira. … Ngkai ti karaoa te mwakuri man kanakin ao nimakin kanikinaan irikona ma raraana, Kristo e a rin naba i nanora [see Ioane 6:56]. …
Ngkai ti karaoi berita aika tabu ma te Atua i nanon Ana auti te Uea, ti karaka nanon ara reitaki ma Ngaia. Bwaai ni kabane ake ti karaoi i nanon te tembora e kaeineti nakon ana babaire Tamara ibukira, are e bon kaineti ni koaua nakon Te Tia Kamaiu ao Ana mwakuri ni kamaiu. …
… Ara kaamenti n te tembora e kauringiira ae Te Tia Kamaiu ao kakabwaia man Ana mwakuri ni Kamaiu e na kamanoira i nanon maiura. Ngkai ti katokai i aora te kaamenti n te nakoanibong ae tabu ni katoa bong, te kanikinaa ae tamaroa anne e riki bwa mwakoron maiura teuana. …
… I kakoauaa bwa korakoran kakabwaia man te reitaki n te berita ae tabu anne a bon manena karekeaia.