Te Tetere ni Bwakantaain te Taabati
Te Koaua ibukin Iesu
Te Rongorongo ae Kaeweaki
Tera te koaua ibukin Iesu?
Bon am koaua mairoun te Tamnei ae Raoiroi bwa boni Ngaia natin te Atua, te Mesia.ao te Tia Kabooira. …
Iaon te koaua aei: tera ae ti na karaoia ma te koaua aei?
Taan bwaibwai n te abanuea ae te tiretio a “karekea” te koaua ibukin Iesu n ae bwanin rinanon te bwabetito, karekean te Tamnei ae Raoiroi, ao te tokanikai rinanon aia onimaki. …
Tera ae nanonaki n te kakaonimaki n te koaua ibukin Iesu?
… Te kakaonimaki nakon am koaua ibukin Iesu bon ribanakin ao kakorakorakin am koaua. Taan iriira Iesu ni koaua, a bon aki kaki taekan bwaai aika a uarereke ake a kateimatoa man kakorakoraa aia koaua ibukin Iesu, n aron te tataro, warekan koroboki aika a tabu, tabuan te Tabati, kanakin te toa, te mwakuri n ibuobuoki, te beku, ao te nebonebo n ana auti te Uea. …
Nanona naba bon te kakaonimaki ni kaotiota am koaua nakoia aomata. …
Teuana iteran te kakaonimaki n te koaua ibukin Iesu bon te ongora nakoia ana taan uarongorongo. …
Nanon te kakaonimaki nakon te koaua ibukin Iesu bon kaungakiaa aomata, n ara taetae ao ara mwakuri, bwa a na kakaonimaki naba, riki kaain ara utu. …
Teuana iteran te kakaonimaki n te koaua ibukin Iesu are N na taekinna bon ukoukoran te maiu ae tabu i bon iroura. …
Au kakao nakoimi bwa kam na waaki ma ngkai ni karekea kinaakimi bwa aomata aika a kakaonimaki n aia koaua ibukin Iesu.