Sabado sa Hapon nga Sesyon
Pagkausa ngadto ni Kristo
Mga Kinutlo
Come unto Christ [Duol ngadto ni Kristo], ni Casey Childs
Ang pagkausa ngadto ni Kristo ug sa atong Langitnong Amahan maangkon pinaagi sa Pag-ula sa Manluluwas. …
Ang mga kinahanglanon alang sa bunyag, bisan bug-at, apan lahi ang pagkayano. Kasagaran naglakip kini sa pagkamapainubsanon sa atubangan sa Dios, usa ka masulub-on nga kasingkasing ug mahinulsolon nga espiritu, paghinulsol sa tanang sala, pagdala ngari nato sa ngalan ni Jesukristo, paglahutay hangtod sa kataposan, ug pagpakita pinaagi sa atong mga buhat nga gidawat nato ang Espiritu ni Kristo.
Mahinungdanon nga ang tanang kwalipikasyon alang sa bunyag mga espirituwal. … Ang kabos ug ang adunahan adunay pareha nga espirituwal nga mga kinahanglanon.
Walay mga kinahanglanon sa tribo, gender, o kultura. …
Mahitungod sa atong “pagkapareha” sa atubangan sa Dios, dili na importante ang paghatag og gibug-aton sa atong mga kalainan. …
… Aron makadawat sa mga panalangin sa Pag-ula sa Manluluwas, kinahanglan nga kita positibong mogamit sa atong moral nga kabubut-on sa pagpili ni Kristo ug sa pagsunod sa Iyang mga sugo. …
Ang labing mahinungdanong mga pagpili mahimong himoon hapit sa tanan bisan unsa pa ang mga talento, mga abilidad, mga oportunidad, o ekonomikanhong mga kahimtang. …
Samtang mag-atubang kita og mga kausaban sa kinabuhi, daghan nga panghitabo nga gamay ra o kita walay kontrol. … Alang sa labing importante nga mga pagpili, kita adunay kontrol. …
Apan mahitungod sa baroganan, pamatasan, relihiyoso nga buhat, ug matarong nga pagpuyo, kita ang nagkontrolar. Ang atong hugot nga pagtuo ug pagsimba sa Dios nga Amahan ug Iyang Anak, si Jesukristo, usa ka paggpili nga atong himoon. …
Kinahanglan nga paningkamotan nato nga maapil ang uban sa atong grupo sa panaghiusa. …
Nagkahiusa kita pinaagi sa atong gugma ug pagtuo kang Jesukristo ug isip mga anak sa mahigugmaong Langitnong Amahan. Ang sukaranang kinaiya sa tinuod nga pagkasakop mao ang pagkausa ngadto ni Kristo.