Sabado sa Gabii nga Sesyon
Matinud-anon hangtod sa Kataposan
Mga Kinutlo
Forgiven [Gipasaylo], ni Greg Olsen
Minahal nga batan-ong mga higala, karon gusto nako nga direktang makig-istorya ninyo—ang kabatan-onan sa Simbahan. …
Samtang si David migamit og usa lamang ka bato aron patyon si Goliat, siya nag-andam og lima. …
Unsa kaha kon ang matag bato ni David nagrepresentar og kalig-on nga atong gikinahanglan aron magmadaogon sa atong kinabuhi? Unsa kaha kadtong lima ka bato? Akong gihunahuna kini nga mga posibilidad: …
Una, ang bato sa akong gugma alang sa Dios. …
Ang atong gugma alang sa Dios ug ang atong suod nga relasyon Kaniya maghatag kanato sa kalig-on nga atong gikinahanglan aron mausab ang atong mga pagbati ug mga tinguha ug mas sayon nga mabuntog ang atong mga hagit.
Ikaduha, ang bato sa akong hugot nga pagtuo sa atong Manluluwas, si Jesukristo. … Ang pagkaadunay hugot nga pagtuo ni Jesukristo nagpasabot nga hingpit nga mosalig sa Iyang kaalam, Iyang tayming, Iyang gugma, ug Iyang gahom sa pag-ula alang sa atong mga sala. …
Ikatulo, ang bato sa kahibalo sa akong tinuod nga pagkatawo. …
Ang tanan mausab kon ako makahibalo kon kinsa gayod ako. …
Ikaupat, ang bato sa akong inadlaw-adlaw nga paghinulsol. …
Walay lain nga makapalingkawas kay sa pagbati sa kapasayloan sa Dios ug pagkahibalo nga kita limpyo ug napahiuli Niya. …
Ang ikalima nga bato mao ang bato sa akong pag-akses sa gahom sa Dios. …
Unsaon nato pagtinguha niini nga gahom ni Jesukristo? Ang pagsunod sa atong mga pakigsaad ug pagpadako sa atong pagtuo ni Jesukristo mao ang yawe.
Ako sa pagkatinuod nangandoy nga si David maadunay usa pa ka dugang nga bato; ug kana mao ang bato sa akong pagpamatuod. …
Minahal nga mga higala, si Kristo nagmatinguhaon sa pag-uban kanato sa panaw sa atong kinabuhi. …
… Adunay kamaya sa pagkahimong disipulo ni Jesukristo.