Dominggo sa Hapon nga Sesyon
Pagsumpay sa Duha ka Dagkong Sugo
Mga Kinutlo
Susihon nato ang matag usa sa duha ug labing dagko nga sugo, nga gipadayag ug gilitok sa pagtubag ni Jesukristo. Sa atong pagbuhat niini, himoa nga ang imahe sa talagsaon nga binantingan nga taytayan, inubanan sa madanihong mga tower nga nagbuntaog padulong sa langit, mopahunahuna kaayo kanimo.
Ang una, ang paghigugma sa Ginoo sa tibuok mong kasingkasing, kalag, ug hunahuna.
… Ang paghigugma sa Ginoo nga magsentro og una sa inyong kasingkasing—sa inyo gyod nga kinaiyahan. Ang Ginoo naghangyo nga kamo mohigugma sa tibuok ninyong kalag—sa tibuok ninyong pagkatawo—ug sa kataposan, sa paghigugma sa tibuok ninyong hunahuna—inyong kaalam ug salabotan. …
… Akong higugmaon ang Langitnong Amahan ug si Jesukristo, nga mosangpot sa pag-ampo, pagtuon sa kasulatan, ug pagsimba sa templo. Kita mohigugma sa Amahan ug sa Anak pinaagi sa pagbayad sa mga ikapulo, pagbalaan sa Adlawng Igpapahulay, pagpakabuhi og mahiyason ug putli nga kinabuhi, ug kamasulundon. …
Ang paghigugma sa Ginoo mosangpot sa mahangtoron nga kalipay!
… Ang paghigugma sa Ginoo dili kompleto kon pasagdan nato ang atong mga silingan. Kining paghigugma sa uban naglakip sa tanang anak sa Dios sa walay pagtagad kon lalaki o babaye, sosyal nga kahimtang, kaliwat, sekswalidad, kinitaan, edad, o kostumbre. …
… Aron matuman ang tuyo sa lig-ong mga kable sa taytayan, ang matag tower kinahanglan nga pareho gayod ang pagtambayayong. Sa samang paagi, ang atong abilidad sa pagsunod ni Jesukristo mag-agad sa atong kalig-on ug gahom sa pagsunod sa una ug ikaduhang mga sugo nga magkabalanse ug parehas nga debosyon. …
… Hinaot nga ang atong mga kasingkasing ug mga hunahuna mabayaw pataas sa paghigugma sa Ginoo ug molugway sa paghigugma sa atong isigkatawo.