Sabado sa Buntag nga Sesyon
Pagsalig sa Pakigsaad pinaagi ni Jesukristo
Mga Kinutlo
Minahal nga mga kaigsoonan, kadto sila nga nakaangkon og tiunay nga pagsalig sa mga pakigsaad nga gihimo diha sa balay sa Ginoo pinaagi ni Jesukristo naghupot nianang usa sa labing gamhanan nga mga kusog nga atong makuha niini nga kinabuhi. …
Unsaon nato pag-angkon nianang maong pagsalig pinaagi ni Jesukristo? Moabot kini pinaagi sa pagpaubos, sa pagsentro sa atong mga kinabuhi diha sa Manluluwas, pagpuyo sumala sa mga baroganan sa ebanghelyo ni Jesukristo, pagdawat sa mga ordinansa sa kaluwasan ug kahimayaan, ug pagtahod sa mga pakigsaad nga atong gihimo uban sa Dios diha sa Iyang balaan nga balay. …
… Nasayod ko nga kon ang Ginoo makakita bisan og gamay lang nga tipik sa tinguha o gamay nga kidlap sa matarong nga paningkamot pinaagi sa atong pagkaandam nga mosentro sa atong mga kinabuhi ngadto Kaniya ug sa mga ordinansa ug mga pakigsaad nga atong gihimo diha sa Iyang balay, mopanalangin Siya kanato, sa Iyang hingpit nga paagi, og mga milagro ug malumo nga mga kaluoy nga atong gikinahanglan.
Ang balay sa Ginoo mao ang dapit diin kita mausab sa mas taas ug mas balaan nga mga paagi. … Akong ipaneguro kaninyo nga ang pag-angkon sa espiritu diha sa balay sa Ginoo ngari kanato makausab kanato, sa hingpit. …
Ang nagpadayon ug nagkadaghan nga pagtukod og mga templo magpadayon sa pagpahinam, pagdasig, ug pagpanalangin kanato. Apan ang mas importante, samtang atong usbon ang atong pagpangandam sa pagsulod sa templo, atong mausab ang atong kasinatian diha sa templo, nga maoy mousab sa atong kinabuhi sa gawas sa templo. Hinaot nga kining kausaban mopuno kanato og pagsalig sa atong balaanong mga pakigsaad nga gihimo uban sa Dios pinaagi ni Jesukristo.