Sabado sa Hapon nga Sesyon
Mas Labaw nga Kalipay
Mga Kinutlo
Subo lang, ingon og alang sa daghang katawhan, ang kalipay lisod pangitaon. …
… Ang pagbati og kasubo dili timailhan sa kapakyasan. Niining kinabuhia, bisan pa man, ang kalipay ug ang kasubo dili magkabulag nga mga managkompanyon. …
Apan, nakasinati sab ako sa akong kaugalingon sa mahimayaong kaadlawon nga mipuno og kalipay sa kalag nga labihan kalisod ang pagpugong niini. Akong nadiskobrehan mismo nga kining malinawon nga kaseguroan naggikan sa pagsunod sa Manluluwas ug pagsubay sa Iyang dalan.
Ang kalinaw nga iyang gihatag dili sama sa unsay gihatag sa kalibotan. Mas labaw kini. Mas labaw kini ug mas balaan. …
Wala itago sa atong Langitnong Amahan ang dalan sa kalipay. Dili kini usa ka sekreto. Kini maangkon natong tanan!
Gisaad kini ngadto sa tanan nga nagsubay sa dalan sa pagkadisipulo, nagsunod sa mga pagtulon-an ug ehemplo sa Manluluwas, nagtuman sa Iyang mga sugo, ug nagatahod sa mga pakigsaad nga ilang gihimo ngadto sa Dios. …
… Kinaiyahan sa tanang yutan-ong butang ang pagkatigulang, pagkadunot, pagkaguba, o pagkabahaw. Apan ang diosnong kalipay mahangtoron, tungod kay ang Dios mahangtoron. …
… Palihog tugoti ko nga mosugyot og pipila ka pagsugod nga lakang niining takos nga panaw sa pagdiskobre og lunsay nga kalipay. …
Sa umaabot nga mga adlaw, mga semana, ug mga bulan, mahimo bang dapiton ko kamo sa:
-
Paggahin og panahon sa sinsero, kinasingkasing nga paningkamot sa pagpaduol sa Dios.
-
Pangita sa makugihong paagi sa inadlaw-adlawng mga panahon sa paglaom, kalinaw, ug kalipay.
-
Pagdala og kalipay sa uban sa inyong palibot. …
Hinaot nga kitang tanan magtinguha ug makakaplag sa mas labaw nga kalipay nga moabot pinaagi sa paghalad sa atong kinabuhi ngadto sa atong Langitnong Amahan ug sa Iyang pinalangga nga Anak.