Dominggo sa Buntag nga Sesyon
Pag-ampo Lang
Mga Kinutlo
Unsa nga mga gasa ang inyong mahimong iampo? Adunay daghan, apan karon gusto ko nga mopakigbahin og tulo: …
Una, Pag-ampo aron Makahibalo Kamo
Unsay kinahanglan ninyong mahibaloan? …
Kon kamo nakahibalo nga ang Langitnong Amahan tinuod ug nga Siya nahigugma kaninyo, kamo makapuyo nga may kaisog ug paglaom! …
Usahay kamo tingali gusto nga makahibalo ngano nga ang usa ka lisod nga butang nahitabo sa inyong kinabuhi o ngano nga wala ninyo nadawat ang panalangin nga inyong giampo. Kasagaran ang labing maayo nga ipangutana sa Langitnong Amahan dili ngano apan unsa. …
… Ang Langitnong Amahan mogiya kaninyo kon kamo mangutana Kaniya unsa ang inyong mahimo ug unsa ang inyong makat-onan.
Ikaduha, Pag-ampo aron Molambo Kamo
Ang Langitnong Amahan gustong motabang kaninyo nga molambo! …
Gusto ba kamo nga molambo sa pasensiya ug sa kamatinuoron? Gusto ba kamo nga molambo sa usa ka kahanas? Tingali maulawon kamo ug gusto nga molambo sa kaisog. “Pag-ampo lang!” Pinaagi sa Iyang Espiritu, ang inyong kasingkasing mausab, ug kamo makadawat og kalig-on. …
Ikatulo, Pag-ampo aron Mapakita Ninyo
Kamo makaampo alang sa tabang nga mapakita ninyo ang gugma sa Langitnong Amahan ngadto sa uban. Pinaagi sa Iyang Espiritu, ang Langitnong Amahan motabang ninyo nga mabantayan ang usa ka tawo nga magul-anon aron inyo silang mahupay. Siya makatabang nga mapakita ninyo ang Iyang gugma pinaagi sa pagpasaylo sa usa ka tawo. Siya makahatag ninyo og kaisog sa pagserbisyo sa usa ka tawo ug mopaambit kanila nga sila anak sa Dios. …
Ipakigbahin ngadto sa Langitnong Amahan kon unsa ang anaa sa inyong kasingkasing.