Dominggo sa Buntag nga Sesyon
Ang mga Pulong Mahinungdanon
Mga Kinutlo
Ang mga pulong mahinungdanon! …
Subo lang, ang mga pulong pwedeng mahimo sa walay pag-amping, sa kinalit, ug makasakit. …
Sa laing bahin, ang mga pulong makahatag og kadaogan, kamalaomon ug kamadasigon. Makaaghat kini aron kita makahunahuna og balik, makasugod og balik, ug makatultol og balik sa atong dalan. Ang mga pulong makaabli sa atong mga panghunahuna sa kamatuoran.
Mao nga, una ug labaw sa tanan, ang mga pulong sa Ginoo mahinungdanon. …
Ang pagtuo ug pagpatalinghog sa pulong sa Dios mopaduol kanato ngadto Kaniya. …
Ikaduha, ang mga pulong sa mga propeta mahinungdanon.
Ang mga propeta nagpamatuod sa kabalaan ni Jesukristo. Nagtudlo sila sa Iyang ebanghelyo ug nagpakita sa Iyang gugma alang sa tanan. …
… Ang mga pulong sa propeta mahinungdanon sa Ginoo ug kanato.
Ikatulo, ug labihan ka importante, mao ang kaugalingon natong mga pulong. …
… Mao nga pagmatngon unsay inyong isulti ug unsaon ninyo kini sa pagsulti. Sa atong mga pamilya, ilabi na sa mga bana, mga asawa, ug mga anak, ang atong mga pulong makahiusa kanato o makabulag-bulag kanato.
Mosugyot ko og tulo ka yanong hugpong sa mga pulong nga pwede natong magamit sa pagtangtang sa kahapdos sa mga kalisdanan ug mga panaglahi, mobayaw, ug mopaneguro sa usag usa.
“Salamat.”
“Pasayloa ko.”
Ug “gihigugma ko ikaw.” …
Mosaad ko nga kon kita “magbusog sa mga pulong ni Kristo” [2 Nephi 32:3] nga modala ngadto sa kaluwasan, ang mga pulong sa atong propeta nga naggiya ug nag-awhag kanato, ug ang kaugalingon natong mga pulong nga namulong kon si kinsa kita ug unsay gihuptan nato nga mahinungdanon kaayo kanato, ang mga gahom sa langit modagayday ngari kanato.