Sabado sa Hapon nga Sesyon
Agi og Suporta sa Nagtubo nga Henerasyon
Mga Kinutlo
Ang tibuok ward mapanalanginan ug malig-on samtang ang mga miyembro magtutok sa nagtubo nga henerasyon. …
Ang kabatan-onan makakat-on sa sundanan sa pagpadayag samtang moapil sila kanato sa proseso sa pagsiksik ug pagsunod sa mga pag-aghat aron moserbisyo sa uban. Samtang ang kabatan-onan moduol sa Ginoo alang niining dinasig nga giya, ang ilang mga pakigrelasyon ug pagsalig Kaniya molambo.
Atong ipahayag ang atong pagsalig sa kabatan-onan pinaagi sa pagtanyag og suporta ug direksyon, sa walay pagkontrolar kanila. Samtang pasagdan ug tugotan nato ang kabatan-onan nga magkat-on pinaagi sa pagtinambagay, pagpili og dinasig nga dalan, ug paglihok sa kon unsay ilang giplano, makasinati sila og tinuod nga kalipay ug paglambo. …
Ang atong kabatan-onan mopatingala kanato sa ilang kaisog, sa ilang hugot nga pagtuo, ug sa ilang mga abilidad. Samtang pilion nila ang hingpit nga pagkahimong mga disipulo ni Jesukristo, ang Iyang ebanghelyo motandog sa ilang mga kasingkasing. Ang pagsunod Kaniya mahimo nga bahin kon si kinsa sila, dili lang kon unsay ilang gihimo. …
Ang kabatan-onan karon mao ang usa sa labing halangdon nga mga espiritu sa Langitnong Amahan. Kauban sila sa lig-ong mga tigpanalipod sa kamatuoran ug kabubut-on didto sa kinabuhi sa wala pa kini nga kalibotan. Natawo sila niining mga adlawa sa pagpundok sa Israel pinaagi sa ilang puno sa gahom nga pagsaksi ni Ginoong Jesukristo. Nakaila Siya sa matag usa kanila ug nahibalo sa ilang talagsaong potensyal. Mapailobon Siya samtang nagtubo sila. Motubos Siya ug manalipod kanila. Moayo Siya ug mogiya kanila.