Dominggo sa Hapon nga Sesyon
Ang Pagpamatuod ni Jesus
Mga Kinutlo
Unsa ang pagpamatuod ni Jesus?
Kini mao ang pagsaksi sa Balaang Espiritu nga Siya ang balaanon nga Anak sa Dios, ang Mesiyas ug Manunubos. …
Lapas niini nga pagpamatuod mao ang pangutana, Unsa ang atong mabuhat niini?
Ang mga manununod sa celestial nga gingharian “makadawat” sa pagpamatuod ni Jesus sa kahingpitan niini pinaagi sa pagpabunyag, sa pagdawat sa Espiritu Santo, ug sa pagbuntog pinaagi sa hugot nga pagtuo. …
Unsa ang buot ipasabot sa pagkamaisogon sa pagpamatuod ni Jesus?
… Ang pagkamaisogon sa pagpamatuod ni Jesus siguradong naglakip sa pag-amuma ug sa pagpalig-on niana nga pagpamatuod. Ang tinuod nga mga disipulo dili mobaliwala sa daw ginagmay nga mga butang nga makapatunhay ug makapalig-on sa ilang pagpamatuod ni Jesus, sama sa pag-ampo, pagtuon sa mga kasulatan, pagtuman sa Igpapahulay, pag-ambit sa sakramento, paghinulsol, pagpangalagad, ug pagsimba diha sa balay sa Ginoo. …
Ang pagkamaisogon nagsugyot usab og pagkadayag ug pagsangyaw ngadto sa kadaghanan mahitungod sa iyang pagsaksi. …
Usa ka aspeto sa pagkamaisogon sa pagpamatuod ni Jesus mao ang pagpatalinghog sa Iyang mga mensahero. …
Ang pagkamaisogon sa pagpamatuod ni Jesus nagpasabot sa pag-awhag sa uban, pinaagi sa pulong ug ehemplo, nga magmaisogon usab, labi na niadtong anaa sa atong kaugalingong mga pamilya. …
Usa sa kataposang aspeto sa pagkamaisogon sa pagpamatuod ni Jesus nga akong hisgotan mao ang atong indibidwal nga pagpaningkamot sa personal nga kabalaan. …
Ang akong imbitasyon mao ang paglihok karon aron sa pag-angkon sa inyong luna isip usa ka tawo nga maisogon sa pagpamatuod ni Jesus.