“Pe o le a Ou Fia Faauo ea Ia te A’u?” Mo Le Malosi o le Autalavou, Iuni 2024.

Pe o le a Ou Fia Faauo ea Ia te A’u?

Saunia e Jessica Zoey Strong

Mekasini a le Ekalesia

Tilotilo i le faaata—i le tulaga sa’o lava.

Pe na i ai se taimi na e moomoo ai maimau pe ana fai e se uo se mea i se tulaga e ese teisi atu? E pei o le aapa atu atili ia te oe, e le taufaalili tele ia te oe, pe lagolago oe i se mea? E taua le i ai o ni uo lelei. Ae muamua, atonu e fesoasoani le avea ma se uo lelei.

Taimi mo ni manatunatuga faaletagata lava ia: O oe ea o le ituaiga uo e te fia faauo i ai? Pe o e mulimuli ea i le faataitaiga a Iesu Keriso i au faauooga?

Sei o tatou tilotilo i le fa’ata. Fesili ifo ia te oe lava i nei fesili taitasi, ona vaai lea pe mafai faapefea ona avea oe ma se uo lelei atu.

Ata

o le ulu ma le fa’ata

O a mea e faia e au uo lea e te talisapaia?

Manatunatu: Toe tuu atu ia i latou nisi o a latou lava mea lelei. O a ni mea latou te lelei tele i le faiga e te manao e fai mo i latou?
O le a se mea e te moomoo maimau pe ana amata ona fai e au uo?

Manatunatu: Nai lo le faatalitali ia i latou, o le a se mea e mafai ona e amata faia? Atonu o le a fesoasoani lea.
O le a se mea e te moomoo maimau pe ana tu’u le faia e au uo?

Manatunatu: TAOFI. Ae e te lei taulai atu i o latou sese, o a ni vaega o na mea e manaomia ona e tu’ua e oe lava?
Mata o le a se tala a au uo, o le a se mea e fiafia i ai e uiga ia te oe?

Manatunatu: Taula’i atu i ou malosiaga! E mafai faapefea ona e faia soo na mea?
Mata o le a se tala a au uo, o a mea e mafai ona e galue ai ina ia avea oe ma se uo lelei atu?

Manatunatu: O le a se mea se tasi o le a ese lou faia ina ia avea ai oe ma uo sili e mafai ona avea ai oe?

E faamoemoe sa i ai sou fiafia i le tilotilo i le fa’ata. Toe tasi lava le fesili—o le fesili e sili ona taua:

E mafai faapefea ona avea atili oe e pei o le Faaola, o Iesu Keriso, i au faauooga?