“E Leai Se Mea e Faapea ona Silisili ona Logolelei ma Suamalie e Pei o Lo’u Olioli” Mo Le Malosi o le Autalavou, Iuni 2024.
O Upu e Ola Ai
“E Leai Se Mea e Faapea ona Silisili ona Logolelei ma Suamalie e Pei o Lo’u Olioli”
Na aumaia mai i se lauga o le konafesi aoao o Aperila 2023
O le olioli o se uiga faaleatua. E sili atu ona maoae, siitia, tumau, ma suia ai le olaga nai lo soo se mea faamalieloto po o le toafimalie e mafai ona ofo mai e le lalolagi.
O le togiolaina, e le Faaola o Iesu Keriso ma ala mai ia te Ia, ua mafai ai ona maua le olioli.
O ata na tusia e Katy Dockrill
O leOlioli e O’o mai e ala i le Salamo Faamaoni
O le salamo e aumaia ai le olioli aua e saunia ai o tatou loto e maua le tosinaga a le Agaga Paia. Ina ia faatumuina i le Agaga Paia o lona uiga ia faatumuina i le olioli. Ma ina ia faatumuina i le olioli o lona uiga ia faatumuina i le Agaga Paia
O leOlioli e Oo mai e ala i le Fesoasoani Atu i Isi ia Salamo
I le mavae ai o lo tatou lagonaina o le olioli lea e sau mai le salamo faamaoni, e masani ona tatou mananao e faasoa atu lena olioli i isi. Ma a oo ina tatou faia, e faateleina lo tatou olioli.
O leOlioli E Oo mai e ala i le Omai ia Keriso
O le tulimata’iga autu a Iesu Keriso, o Lana “galuega ma [Lona] mamalu,” (Mose 1:39) o le fesoasoani lea ia tatou maua se atoaga o le olioli ia te Ia.
O le salamo i aso taitasi ma omai ia Iesu Keriso o le ala lea e maua ai le olioli—olioli i talaatu o le mea tatou te mafaufauina. O le mafuaaga lena ua tatou i ai iinei i le lalolagi.