“O le a tonu lava le mea tatou te folafola atu pe a tatou papatiso?,” Mo Le Malosi o le Autalavou, Iuni 2024.
Tuusao i le Mataupu
O le a tonu lava le mea tatou te folafola atu pe a tatou papatiso?
Papatisoga, saunia e Annie Henrie Nader
Ua aoao mai i tatou e tusitusiga paia afai tatou te papatiso, tatou te osifeagaiga (pe folafola atu) ina ia naunau e tauave i o tatou luga le suafa o Iesu Keriso, auauna atu i le Atua, ma tausi Ana poloaiga (tagai i le Mosaea 18:10; Mataupu Faavae ma Feagaiga 20:37, 77).
Ua tatou aoao foi i tusitusiga paia, o le papatisoga e fesoasoani ia i tatou e faataunuu ai lo tatou manao “ia o mai i le saogalemu o le Atua, ma ta’ua o ona tagata” (Mosaea 18:8). I se isi faaupuga, o se tasi o mafuaaga ua tatou papatiso ai o le tatou mananao e auai i le Ekalesia a Iesu Keriso ma olioli i le alofa ma le avea ma ni o, lea e oo mai i le lotogatasi ia Keriso.
O le tautinoga e auauna atu i le Alii ma tausi Ana poloaiga e mafai ona aofia ai le tele o mea i o tatou olaga atoa. Mo le faataitaiga, e aofia ai le iai ma “o outou loto e faanoanoa faatasi ma e e faanoanoa; ioe, ma faamafanafana atu ia te i latou o e e manaomia le faamafanafanaga, ma tutulai o ni molimau a le Atua i taimi uma ma i mea uma, ma i nofoaga uma” (Mosaea 18:9