O Se Faavaeo se Molimau

Saunia e Brynn Wengler

O Mekasini a le Ekalesia

o se tamaitai talavou o loo folafola piliki tetele o se faavae

O se molimau o se mau faaleagaga lea e tuuina mai e le Agaga Paia. O le tuuina atu o lau molimau o lona uiga o le faasoaina atu o mea e te talitonu e moni i isi. E anoanoai auala e faia ai lenei mea. O se tasi o auala atonu o le faasoa atu lea o mea e te talitonu i ai i le lotu i le taimi o le sauniga molimau. Pe a e taliina fesili a se uo e uiga i mea e te talitonu i ai, po o le mafuaaga foi e te faia ai ni filifiliga patino, ua e faasoa atu foi lau molimau.

E le afaina pe afai e le o i ai sau molimau o le talalelei atoa i le taimi nei. Amata i mea e te talitonu i ai ! E mafai ona e fausia auauai lau molimau a o e a’oa’o, iloa aafiaga faaleagaga i lou olaga, ma ole atu i le Atua e fesoasoani ia te oe ia iloa le mea moni e ala i le Agaga Paia (tagai i le Moronae 10:3–5).

E pei ona aoao mai Elder Gary E. Stevenson o le Korama a Aposetolo e Toasefululua, o upumoni nei e lima e mafai ona e fausia ai luga lau molimau:

O le Atua o lou Tama Faalelagi; o oe o Lona atalii/afafine. E alofa o Ia ia te oe.
O loo soifua Iesu Keriso. O Ia o le Alo o le Atua soifua ma lou Faaola ma le Togiola.
O Iosefa Samita o se perofeta a le Atua na valaauina e toefuatai le Ekalesia a Iesu Keriso.
O Le Ekalesia a Iesu Keriso o le Au Paia o Aso e Gata Ai o le Ekalesia toefuataiina a le Atua i le lalolagi.
O le Ekalesia toefuataiina a Iesu Keriso o loo taitaiina e se perofeta soifua i aso nei.

(konafesi aoao Oke. 2022 [Liahona, Nov. 2022, 112]).