Gabriela R.

Guadalajara, Mekisiko, 17 tausaga

Ou te sau mai Guadalajara, Mekisiko. Ou te fiafia e ‘ai i meaai masani a Mekisiko, aemaise lava le tlayudas (o totila lapopoa e i ai i luga ona teuteuga tofo lelei), ma le faamanatuina o le Aso Tutoatasi o Mekisiko atoa ai ma le Aso o e ua Maliliu.

Talu ai nei lava, na tatalaina ai le faaipoipoga a o’u matua. I le taimi muamua, sa ou lagonaina e pei o a’u sa sese, ae ua ou iloa e leai. Afai o loo e feagai ma se mea talitutusa faapena, faamolemole ia e iloa e le o sou sese foi. Ua ou aoaoina o le faitauina o tusitusiga paia e fesoasoani, ma e lelei le mafaufau e vaai se fomai o le mafaufau po o le faataitaia o ni mea fou e pei o le taoina o ni meaai, tusia o ata, po o le faamalositino.

E ui ina sa faigata tele lenei mea na ou o’o iai, ae ou te le o toe popole. O le alu i le lotu, faalogo i le Atua, ma le tausia o Ana poloaiga ua fesoasoani ia te a’u e faateleina ai lo’u faatuatua.

O nisi taimi pe a e feagai ma se mea faigata, e faigofie ona e faataumamaoina oe lava mai le Atua. Ae a o ou anapogi ma tatalo faatauanau, sa ou tumau i le ala sao. Ou te iloa e alofa Ie Atua ia te a’u.