Te U Fie Kaungāmeʻa Nai mo Au?

Fai ʻe Jessica Zoey Strong

ʻŪ Makasini ʻa e Siasí

Kiʻi sio ki he sioʻatá.

Te U Fie Kaungāmeʻa Nai mo Au?

Download e PDF

Kuo ʻi ai nai ha taimi kuó ke fakaʻamu ai ʻe fai ʻe haʻo kaungāmeʻa ha meʻa ʻe kiʻi kehe? Hangē ko haʻane tokoniʻi lahi ange koe, ʻikai fakamataliliʻi maʻu pē koe, pe poupouʻi koe ʻi ha meʻa? ʻOku mahuʻinga ke ʻi ai ha ngaahi kaungāmeʻa lelei. Ka kimuʻa iá, ʻe ala tokoni ke ke ʻuluaki hoko ko ha kaungāmeʻa lelei.

Taimi ke ke vakavakaiʻi koe: Ko e faʻahinga kaungāmeʻa nai koe ʻokú ke fie kaungāmeʻa mo iá? ʻOkú ke muimui nai ki he sīpinga ʻa Sīsū Kalaisí ʻi hoʻo feohi fakakaungāmeʻá?

Tau kiʻi sio angé ki he sioʻatá. ʻEke pē kiate koe ʻa e ngaahi fehuʻi takitaha ko ʻení, pea vakai ki he founga te ke lava ai ʻo hoko ko ha kaungāmeʻa lelei angé.

ʻulú mo e sioʻatá

1. Ko e hā ha meʻa ʻoku fai ʻe hoʻo ngaahi kaungāmeʻá ʻokú ke houngaʻia ai?

   Fakakaukauloto: Toe fakafoki ha niʻihi ʻo ʻenau leleí kiate kinautolu. Ko e hā ha meʻa ʻoku nau fakahoko lelei ʻokú ke loto ke fai maʻanautolu?

2. Ko e hā ha meʻa ʻokú ke fakaʻamu ʻe kamata fakahoko ʻe hoʻo ngaahi kaungāmeʻá?

   Fakakaukauloto: Ko e hā ha meʻa te ke lava ʻo kamata fakahokó, kae ʻikai tatali kiate kinautolú? Mahalo pē naʻa tokoni ia.

3. Ko e hā ha meʻa ʻokú ke fakaʻamu ʻe tuku hono fakahoko ʻe hoʻo ngaahi kaungāmeʻá?

   Fakakaukauloto: TAʻOFI. Kimuʻa peá ke tokanga taha ki heʻenau ngaahi fehalākí, ko e hā ha meʻa ʻi he ngaahi meʻa ko iá ʻoku fiemaʻu ke ke taʻofi ʻe koé?

4. Ko e hā ʻe pehē ʻe hoʻo ngaahi kaungāmeʻá ʻoku nau saiʻia ai ʻiate koé?

   Fakakaukauloto: Vaʻinga fakatatau mo ho ngaahi mālohingá! Te ke lava fēfē ke toutou fakahoko ke lahi ange ʻa e ngaahi meʻa ko iá?

5. Ko e hā ha lau hoʻo ngaahi kaungāmeʻá ki ha meʻa te ke lava ʻo fai ke ke hoko ai ko ha kaungāmeʻa lelei ange?

   Fakakaukauloto: Ko e hā ha meʻa ʻe taha ʻe kehe haʻo fakahoko ke ke hoko ai ko e kaungāmeʻa lelei taha te ke lavá?

ʻOfa pē naʻá ke fiefia ʻi hoʻo sio ki he sioʻatá. Ko e fehuʻi pē ʻe tahá—ʻa e fehuʻi mahuʻinga tahá:

• Te ke lava fēfē ke tatau ange mo e Fakamoʻui ko Sīsū Kalaisí, ʻi hoʻo feohi fakakaungāmeʻá?

“ʻOku ou tapou atu ke mou fili lelei homou hoá pea fakamahuʻingaʻi ʻa e ngaahi kaungāmeʻa ko ia ʻoku nau hiki hake koe mo ʻai koe ke ke toe lelei ange ʻi honau ʻaó. Peá ke hoko ko e kaungāmeʻa ko iá kiate kinautolu.”

Palesiteni Russell M. Nelson, “Reflection and Resolution” Brigham Young University devotional, Jan. 7, 1990], 6, speeches.byu.edu).