Fakafehokotaki

Kepiliela R.

Kuatalahala, Mekisikou, taʻu 17

Faitaaʻi ʻe Shirley Brito

Ko ʻeku haʻú mei Kuatalahala, Mekisikou. ʻOku ou saiʻia ʻi he kai ʻo e meʻakai tukufakaholo faka-Mekisikoú, tautautefito ki he tlayudas (ko ha tōtila lalahi ʻoku fungani ʻaki ha meʻakai ifo), pea mo e kātoangaʻi ʻo e ʻAho Tauʻatāina ʻo Mekisikoú mo e ʻAho ʻo e Pekiá.

Naʻe vete ʻeku ongomātuʻá kimuí ni mai. ʻI he kamataʻangá, naʻá ku ongoʻi ko e foʻui ʻoʻoku, ka kuó u ʻiloʻi he taimí ni naʻe ʻikai. Kapau ʻokú ke foua ha meʻa tatau, kātaki ʻo ʻiloʻi ʻoku ʻikai ko haʻo foʻui. Kuó u ʻilo ʻoku tokoni hono lau ʻo e folofolá pea ko ha meʻa lelei ke fakakaukau ke sio ki ha mataotao fakaʻatamai (psychologist) pe ʻahiʻahiʻi ha ngaahi meʻa foʻou, hangē ko e taʻo meʻá, tā fakatātaá, pe fakamālohisinó.

Neongo naʻe fuʻu faingataʻa ʻa e aʻusia ko ʻení, ka ʻoku ʻikai ke u toe hohaʻa. Kuo tokoni ʻa e maʻulotú, fakafanongo ki he ʻOtuá mo e tauhi ʻEne ngaahi fekaú ke tupulaki ai ʻeku tuí.

Taimi ʻe niʻihi, ko e taimi ʻokú ke foua ai ha faʻahinga meʻa faingataʻá, ʻoku faingofua ke ke fakamamaʻo mei he ʻOtuá. Ka ʻi heʻeku ʻaukai mo lotu fakamātoató, kuó u nofo maʻu ai ʻi he hala totonú. ʻOku ou ʻilo ʻoku ʻofa ʻa e ʻOtuá ʻiate au.

Naʻe vete ʻeku ongomātuʻá kimuí ni mai. ʻI he kamataʻangá, naʻá ku ongoʻi ko e foʻui ʻoʻoku, ka kuó u ʻiloʻi he taimí ni naʻe ʻikai.

ʻOku ʻiloa ʻa Kuatalahala ʻi hono ngaahi fasi fakamaliasí (mariachi).

ʻOku laka hake ʻi he 1,500,000 ʻa e kāingalotu ʻo e Siasí ʻi Mekisikoú.

ʻOku ʻi Mekisikou ʻa e pilamata lahi taha ʻi māmaní.