“Ko e hā ʻa e meʻa pau ʻoku tau palōmesí ʻi he taimi ʻoku tau papitaiso aí?,” Ki Hono Fakamālohia ʻo e Toʻu Tupú, Sune 2024.
ʻAi Hangatonu
Ko e hā ʻa e meʻa pau ʻoku tau palōmesí ʻi he taimi ʻoku tau papitaiso aí?
Papitaisó, tā ʻa Annie Henrie Nader
ʻOku akoʻi kitautolu ʻe he folofolá ko e taimi ʻoku papitaiso ai kitautolú, ʻoku tau fuakava (pe palōmesi) ke toʻo loto-fiemālie kiate kitautolu ʻa e huafa ʻo Sīsū Kalaisí, tauhi ki he ʻOtuá, mo tauhi ʻEne ngaahi fekaú (vakai, Mōsaia 18:10; Tokāteline mo e Ngaahi Fuakava 20:37, 77).
ʻOku tau ako foki ʻi he folofolá ʻoku tokoniʻi kitautolu ʻe he papitaisó ke fakahoko ʻetau fakaʻamu ke “hū ki he lotoʻā sipi ʻo e ʻOtuá, pea ui ʻa [kitautolu] ko hono kakai” (Mōsaia 18:8). ʻI hono fakalea ʻe tahá, ko e ʻuhinga ʻe taha ʻoku tau papitaiso aí he ʻoku tau fiemaʻu ke kau ki he Siasi ʻo Sīsū Kalaisí pea mo fiefia ʻi he ʻofa mo kau atu ki he uouangataha ʻia Kalaisí.
ʻE lava ke kau ʻi he tukupā ke tauhi ki he ʻEikí mo tauhi ʻEne ngaahi fekaú ha ngaahi meʻa lahi ʻi heʻetau moʻuí. Hangē ko ʻení, ʻoku kau ai ʻa e “loto- ke fefuaʻaki ʻa [ʻetau] ngaahi kavengá, … ke tangi fakataha mo kinautolu ʻoku tangí; ʻio, pea fakafiemālieʻi ʻa kinautolu ʻoku ʻaonga ki ai ʻa e fakafiemālié, pea tuʻu ko e kau fakamoʻoni ʻo e ʻOtuá ʻi he taimi kotoa pē pea ʻi he meʻa kotoa pē, pea ʻi he feituʻu kotoa pē” (Mōsaia 18:8–9).