Ko Ha Fakavaʻeʻo e Fakamoʻoní

Fai ʻe Brynn Wengler

ʻŪ Makasini ʻa e Siasí

ʻĪmisi

ko ha finemui ʻokú ne fakatoka ha ngaahi foʻi piliki lalahi ko ha fakavaʻe

Ngaahi tā fakatātā ʻa Adam Howling

Ko e fakamoʻoní ko ha fakamoʻoni fakalaumālie ia mei he Laumālie Māʻoniʻoní. Ko e vahevahe hoʻo fakamoʻoní ʻoku ʻuhinga pē ia ke vahevahe mo e niʻihi kehé ʻa e meʻa ʻokú ke tui ʻoku moʻoní. ʻOku lahi ʻa e ngaahi founga ke fakahoko ai ʻení. Ko ha founga ʻe taha ko hano vahevahe ʻa e meʻa ʻokú ke tui ki aí ʻi he lotú he lolotonga ʻa e houalotu fakamoʻoní. Ko e taimi ʻokú ke tali ai ha fehuʻi ʻo haʻo kaungāmeʻa fekauʻaki mo e meʻa ʻokú ke tui ki aí pe ko e ʻuhinga ʻokú ke fai ai ha ngaahi fili ʻe niʻihí, ʻokú ke vahevahe foki ai hoʻo fakamoʻoní.

ʻOku sai pē kapau ʻoku ʻikai ke ke maʻu ha fakamoʻoni kakato ki he ongoongoleleí he taimí ni. Kamata ʻaki ʻa e meʻa ʻokú ke tui ki aí! Te ke lava ʻo fakatupulaki māmālie hoʻo fakamoʻoní ʻi hoʻo ako, fakatokangaʻi ʻa e ngaahi aʻusia fakalaumālie ʻi hoʻo moʻuí, mo hoʻo kole ki he ʻOtuá ke tokoni ke ke ʻilo ʻa e meʻa ʻoku moʻoní ʻo fakafou ʻi he Laumālie Māʻoniʻoní (vakai, Molonai 10:3–5).

Hangē ko ia kuo akoʻi ʻe ʻEletā Keuli E. Sitīvenisoni ʻo e Kōlomu ʻo e Kau ʻAposetolo ʻe Toko Hongofulu Mā Uá, ko e ngaahi moʻoni ʻeni ʻe nima te ke lava ʻo langa ai hoʻo fakamoʻoní:

Ko e ʻOtuá hoʻo Tamai Hēvaní; ko ʻEne fānau koe. ʻOkú Ne ʻofa ʻiate koe.
ʻOku moʻui ʻa Sīsū Kalaisi. Ko e ʻAlo Ia ʻo e ʻOtua moʻuí pea ko ho Fakamoʻui mo e Huhuʻi.
Ko Siosefa Sāmitá ko ha palōfita ia ʻa e ʻOtuá naʻe uiuiʻi ke ne fakafoki mai ʻa e Siasi ʻo Sīsū Kalaisí.
Ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e Siasi ʻo e ʻOtuá kuo fakafoki mai ʻi māmaní.
ʻOku tataki ʻa e Siasi ʻo Sīsū Kalaisi kuo fakafoki maí ʻe ha palōfita moʻui he ʻahó ni.

(konifelenisi lahi ʻo ʻOkatopa 2022 [Liahona, Nōvema 2022, 112]).

ʻĪmisi

talavou ʻi he tuʻunga malanga