“Uzoefu Wangu katika Upasuaji wa Kufungua Moyo,” Kwa Ajili ya Nguvu kwa Vijana, Julai 2024.
Uzoefu Wangu katika Upasuaji wa Kufungua Moyo
Vielelezo na Adam Nickle
Mimi ni mgumu sana katika riadha, hususani mpira wa kikapu. Ninapenda tu kushindana. Na hiyo ndiyo sababu iliyonifanya nikabiliwe na upasuaji wa kufungua moyo wa saa nane nikiwa na umri wa miaka 14.
Nilizaliwa nikiwa na kasoro katika mojawapo ya vali za moyo wangu. Mwanzoni, madaktari walisema huenda ningehitaji upasuaji nikiwa mzee—labda baada ya kustaafu. Lakini baada ya muda, tatizo lilizidi kuwa baya, hasa kwa sababu ya jinsi ninavyocheza michezo kwa bidii.
Wakati wa ziara moja katika majira ya majani kupukutika, daktari alisema labda ningehitaji upasuaji katika mwaka ujao au miwili ijayo. Wakati huo huo, nilikuwa nafanya michezo ya kukimbia shuleni. Lakini badala ya nyakati zangu za kukimbia kuwa bora, zilizidi kuwa mbaya. Hivyo ndivyo nilivyojua hakika kulikuwa na kitu kibaya sana.
Tulimtembelea daktari tena mnamo Machi. Wakati wa ziara hiyo, nilihisi kama napaswa kufanyiwa upasuaji hata mapema kuliko tulivyopanga. Nilianza kupata hisia changamfu za kiroho ndani. Ufunuo huo binafsi uliniletea faraja. Ghafla nilisikia nikisema kwamba nilitaka upasuaji huo haraka iwezekanavyo. Wazazi wangu waliogopa kidogo mwanzoni, lakini nikawaambia, “nina amani. Je, ni haraka kiasi gani tunaweza kufanya hili?” Tulipanga upasuaji huo mwezi wa Aprili.
Katika nyakati ngumu, najua daima Yesu Kristo yuko kwa ajili yangu. Daima ninaweza kusali kwa Baba wa Mbinguni, na hilo linanisaidia.
Nilikuwa na imani kwamba kila kitu kitakuwa sawa, lakini siku ya upasuaji bado ilikuwa ya kutisha. Nikiwa mwenye woga, niliingia kwenye chumba hicho. Nakumbuka nikitetemeka. Daktari wangu wa ganzi alinisaidia sana wakati huo. Ninashukuru kwa watu wote ambao walinisaidia kupitia tukio hilo lote. Pia nilikuwa na msaada wa kimbingu. Kwa mfano, kata yangu yote ilinifanyia mfungo, na kwa kweli nilihisi nguvu ya kufunga na sala.
Picha kwa hisani ya familia ya Thomas
Siku hizi moyo wangu uko vizuri. Kama nisingefanyiwa upasuaji, ningeweza kufa ndani ya miaka miwili. Sasa nina matarajio kamili ya maisha.
Tukio hili lote limebadilisha mtazamo wangu. Ninamwona kila mtu kwa njia tofauti wanapopitia majaribu yao. Ninahisi huruma zaidi kwao. Mara chache nitaona mtu na kuhisi kuwa anashughulika na jambo gumu, kisha ninaenda na kumsaidia.
Kwangu mimi, kuwa mwanafunzi wa Yesu Kristo kwa kweli kunamaanisha kuwa kielelezo kwa wengine na kumtendea kila mtu kama ambavyo Kristo angefanya. Sote tuko pamoja katika hili. Mungu ni Baba yetu, na sisi ni wana na mabinti Zake. Kila mtu ana kusudi na thamani. Kuna mambo mengi hasi, kwa hivyo ninajaribu kusaidia watu kutabasamu na kuwa chanya.
Ninashuhudia kwamba ninaweza kupokea mwongozo binafsi kutoka kwa Bwana kila siku. Yeye anaweza kunifanya kuwa na nguvu na kunipa ujasiri. Nayaweza Mambo Yote katika Kristo (ona Wafilipi 4:13).