“Maswali ya Chemsha Bongo na Sala,” Kwa Ajili ya Nguvu kwa Vijana, Julai 2024.
Sauti za Vijana
Maswali ya Chemsha Bongo na Sala
Tayana C., umri miaka 17, Abidjan, Côte d’Ivoire
Picha na Ebick Ngoma
Hivi majuzi nilikuwa na msongo wa mawazo kwa sababu sikuwa na alama za ufaulu nilizotaka. Nililifikiria hili na kutambua kwamba sikuwa nikisema sala zangu au kusoma maandiko yangu. Kwa hiyo niliamua kusoma maandiko na kusali kila asubuhi. Punde, alama zangu zilianza kupanda kidogo kidogo. Kusoma maandiko na kusali hakika kumenisaidia sana.
Wakati mwingine, tulikuwa na maswali ya chemsha bongo shuleni. Sikuwa nimesoma. Hakuna mtu aliyekuwa amesoma—mwalimu alitushtukiza. Kila mtu alianza kudanganya kwenye chemsha bongo. Sitasema uwongo—nilitaka sana kudanganya. Lakini kitu kiliniambia, “Lazima ukae chini na ufanye kadiri uwezavyo kwa kile unachokijua.” Ilikuwa ni sauti nyororo. Nilikuwa na msongo wa mawazo, na sauti ile ikatuliza moyo wangu. Kwa hiyo sikuangalia upande wa kushoto, na sikutazama kulia. Nilijibu nilichokijua. Mwishowe, mimi pekee ndiye niliyepata alama za juu za ufaulu. Nina furaha nilimsikiliza Roho Mtakatifu.