Maswali na Majibu

“Hakuna mtu shuleni anayeshiriki viwango vyangu. Ninawezaje kuwa na marafiki wema huko?”

“Sote tunahisi kuwa na uhitaji wa marafiki. Sisi sote tunatafuta uthibitisho fulani kwamba sisi ni watu wa thamani. Tunafanya maamuzi kulingana na matamanio hayo. Maamuzi mangine yanaweza kutupeleka mbali na nuru ambayo Mungu anatupa kama mwongozo. Mengine yanaweza kuangaza nuru hiyo ambayo kwayo tunaweza kupata njia yetu.”

Rais Henry B. Eyring wa Urais wa Kwanza, “Tembea katika Nuru,” mkutano mkuu wa Apr. 2008 (Ensign au Liahona,, Mei 2008, 124).

“Zungumzeni kuhusu mambo mnayoyapenda kwa pamoja. Huna haja ya kupunguza nuru yako. Unahitaji tu kuwa kijana wa kawaida ambaye anajihusha na baadhi ya mambo ya burudani ambayo vijana wengine huyafurahia. Fuata viwango vya Yesu Kristo, na uwajulishe wazi wanafunzi wenzako viwango unavyovifuata.”

Jamie Ann B., umri miaka 18, Negros Occidental, Ufilipino

“Tafuta watu mlio katika madarasa, mapendeleo, vipaji au michezo sawa. Kuna watu wema wa imani zingine, pamoja na watu wa kupendeza ambao hawana imani hata kidogo. Hawa wote bado ni watoto wapendwa wa Mungu. Unapoendelea kushika viwango vyako, hata marafiki zako wasipofuata, mfano wako unaweza kuwatia moyo wengine wafanye maamuzi bora zaidi.”

Lucy B., umri miaka 15, Lima, Peru

“Kuwa na subira na uwe tayari kujifunza. Urafiki unahusu ubora, si wingi, na kuwa na marafiki wachache wa kweli kunaweza kukupa thawabu zaidi kuliko kujaribu kupatana na umati ambao haupatani na maadili yako.”

Adedoyin Alma O., umri miaka 17, Osun, Nigeria

“Shiriki nao viwango vyako. Ikiwa wanajua viwango vyako ni nini, wataweza kuviheshimu. Unaweza pia kuwaalika marafiki zako wa shule kuja kanisani na/au shughuli za Kanisa ili kuwasaidia waone zaidi kile unachokiamini.”

Margarett P., umri miak 13, Texas, Marekani

“Nimejifunza kwamba unaweza kupata marafiki wazuri kupitia ushawishi na kwa kuwa jinsi ulivyo tu. Wakati fulani watu watakuja kwako, na wakati fulani lazima uangalie, lakini kutakuwa na watu ambao watakuwa marafiki wazuri au wanaohitaji rafiki mzuri kama wewe.”

Katie R., umri miaka 18, Nebraska, Marekani

Majibu haya yamekusudiwa kuwa ya msaada na mtazamo, na siyo kama matamko rasmi ya mafundisho ya Kanisa.

Je, unafikiria Nini?

“Nina maamuzi mengi makubwa ya kufanya. “Ni kwa jinsi gani ninapata ufunuo binafsi?”

Tuma jibu lako na picha kabla ya Februari 15, 2024.

Tuandikie barua pepe kwenye [e-mail]. Au nenda kwenye ftsoy.ChurchofJesusChrist.org na bofya “Tuma Kazi Yako.” Ingia kwa kutumia Akaunti yako ya Kanisa kisha uchague “Kwa Ajili ya Nguvu kwa Vijana” kwenye sehemu ya “Chagua Jarida.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili lako.

Majibu yanaweza kuhaririwa kwa ajili ya urefu au ufafanuzi.