ភ័យខ្លាចក្នុងការប្រែចិត្តឬ ?

ជេសស៊ីកា ហ្សូអ៊ី ស្ត្រង

ទស្សនាវដ្ដីសាសនាចក្រ

យោងតាមប្រធាន រ័សុល អិម ណិលសុន នេះគឺជាមូលហេតុដែលប្អូនមិនគួរភ័យខ្លាច ។

តើ ប្អូន ភ័យខ្លាចអ្វីខ្លះ ? Rollercoasters ? ថ្នាក់គណិតវិទ្យា ? ព្យាយាមយល់ពីអេសាយ ?

ចុះអំពី ការប្រែចិត្ត វិញនោះ ? ប្រសិនបើគំនិតនៃការប្រែចិត្តធ្វើឲ្យប្អូនចង់ពួននៅក្រោមភួយរបស់ប្អូន ឬញុំសូកូឡាច្រើនពេក អ៊ីចឹងអត្ថបទនេះគឺសម្រាប់ប្អូនហើយ ។

ប្រធាន រ័សុល អិម ណិលសុន បានមានប្រសាសន៍ថា ៖ « សូមកុំខ្លាច ឬពន្យារពេលប្រែចិត្តឡើយ » ។ និងដោយមានហេតុផលល្អ ។ នេះគឺជារឿងមួយចំនួនដែលការប្រែចិត្ត គឺជា និង មិនមែនជា បើយោងតាមប្រធានណិលសុន ។

រូបភាព

មនុស្សវ័យក្មេងចម្រុះគ្នា

រចនារូបភាពដោយ ខូរី អេចបឺត

ការប្រែចិត្តគឺ ៖ សម្រាប់មនុស្សគ្រប់គ្នា ។

ការប្រែចិត្ដគឺមិនមែន ៖ សម្រាប់តែមនុស្ស « អាក្រក់ » ប៉ុណ្ណោះទេ ។

« ‹ តើ មនុស្សគ្រប់គ្នា ត្រូវការប្រែចិត្តដែរឬទេ ? › ចម្លើយគឺមែនហើយត្រូវការប្រែចិត្ត » ។

« ការប្រែចិត្ត គឺតម្រូវឲ្យមានពីមនុស្សដែលមានទំនួលខុសត្រូវគ្រប់រូប ដែលចង់បានសិរីល្អដ៏អស់កល្ប ។ គ្មានករណីលើកលែងនោះឡើយ ។ … ការប្រែចិត្តគឺជា គន្លឹះឆ្ពោះទៅកាន់ភាពរីកចម្រើន » ។

រូបភាព

យុវជនដែលមានប្រតិទិនដ៏ធំ

ការប្រែចិត្តគឺជា ៖ វិធីមួយដើម្បីធ្វើឲ្យប្រសើរឡើងជារៀងរាល់ថ្ងៃ ។

ការប្រែចិត្ដគឺមិនមែន ៖ ជាព្រឹត្តិការណ៍ដ៏កម្រមួយសម្រាប់តែអំពើបាប « ធ្ងន់ធ្ងរ » ប៉ុណ្ណោះទេ ។

« សូមទទួលបទពិសោធន៍នៃការពង្រឹងអំណាចនៃការប្រែចិត្តប្រចាំថ្ងៃ—ក្នុងការប្រព្រឹត្ត និងធ្វើជាមនុស្សប្រសើរជាងបន្ដិចម្ដងៗជារៀងរាល់ថ្ងៃ ។

« នៅពេលយើងជ្រើសរើសប្រែចិត្ត នោះយើងជ្រើសរើសដើម្បីផ្លាស់ប្ដូរ ! យើងអនុញ្ញាតឲ្យព្រះអង្គសង្គ្រោះផ្លាស់ប្រែយើងទៅជាមនុស្សថ្មីដ៏ល្អបំផុតនៃខ្លួនយើង ។

… ព្រះអម្ចាស់ពុំរំពឹងភាពល្អឥតខ្ចោះពីយើងអំឡុងពេលនៃការរីកចម្រើនអស់កល្បជានិច្ចរបស់យើងនេះឡើយ°។ ប៉ុន្តែទ្រង់រំពឹងឲ្យយើងកាន់តែបានបរិសុទ្ធឡើង » ។

រូបភាព

ក្មេងស្រី និងក្មេងប្រុសលោតដោយរកអំណរ

ការប្រែចិត្តគឺជា ៖ វិធីមួយដើម្បីមានអារម្មណ៍សុខសាន្ត និងអំណរ ។

ការប្រែចិត្ដគឺមិនមែន ៖ ធ្វើដើម្បីឲ្យអ្នកមានអារម្មណ៍អាម៉ាស់ និងភ័យខ្លាចនោះទេ ។

« ការប្រែចិត្ដ … គឺជាកូនសោរឆ្ពោះទៅកាន់សុភមង្គល និងភាពសុខសាន្ដក្នុងគំនិត ។ …

« នៅពេលយើងជ្រើសរើសប្រែចិត្ត … យើងជ្រើសរើសរីកចម្រើនខាងវិញ្ញាណ ហើយទទួលបានអំណរ—ជាអំណរនៃការប្រោសលោះនៅក្នុង [ ព្រះយេស៊ូវគ្រីស្ទ ] » ។ ( សូមមើលផងដែរ អាលម៉ា ៣៦:១៧–២៣ ) ។

រូបភាព

ក្មេងស្រីកំពុងកាន់រូបបេះដូង

ការប្រែចិត្តគឺជា ៖ ពរជ័យមកពីព្រះវរបិតាសួគ៌ និងព្រះអង្គសង្គ្រោះដែលស្រឡាញ់យើង ។

ការប្រែចិត្តគឺមិនមែន ជាការដាក់ទោសនោះទេ ។

« មានមនុស្សច្រើនណាស់គិតថាការប្រែចិត្តគឺជាទណ្ឌកម្ម—ជាអ្វីមួយដែលត្រូវចៀសវាង លើកលែងស្ថានភាពធ្ងន់ធ្ងរបំផុតប៉ុណ្ណោះ ។ ប៉ុន្តែអារម្មណ៍នៃការដាក់ទណ្ឌកម្មនេះគឺបណ្ដាលមកពីសាតាំង ។ សាតាំងព្យាយាមរារាំងយើងពីការមើលឆ្ពោះទៅព្រះយេស៊ូវគ្រីស្ទដែលទ្រង់គង់ចាំទាំងលាព្រះពាហុដោយក្ដីសង្ឃឹម ហើយមានព្រះរាជបំណងដើម្បីព្យាបាល អភ័យទោស សម្អាត ពង្រឹង ធ្វើឲ្យបរិសុទ្ធ និងញែកយើងជាបរិសុទ្ធ » ។

រូបភាព

មនុស្សកំពុងដើរឆ្ពោះទៅសាលាប្រជុំ

សាសនាចក្ររបស់ព្រះអម្ចាស់ ត្រូវការប្អូន ៖ ។

ប្អូនគឺមិនទាន់ ៖ ទៅឆ្ងាយហួសពីការប្រែចិត្តនៅឡើយទេ ។

« ប្រសិនបើប្អូនអាចនឹងមានអារម្មណ៍ថាប្អូនបានវង្វេងចេញពីផ្លូវនៃសេចក្ដីសញ្ញាឆ្ងាយពេក ឬយូរពេក ខ្ញុំសូមអះអាងនឹងប្អូនថា វាមិនមែនជាការពិតទេ ។ តាមរយៈដង្វាយធួនរបស់ព្រះយេស៊ូវគ្រីស្ទ នោះអនាគតរបស់ប្អូនអាចភ្លឺថ្លា—ថែមទាំងអស្ចារ្យទៀតផង ។ សូមនិយាយជាមួយឪពុកម្តាយ និងប៊ីស្សព ឬប្រធានសាខារបស់ប្អូន ។ … សូមត្រឡប់មកវិញ មករកអំណរ និងសុវត្ថិភាពនៃផ្លូវនៃសេចក្ដីសញ្ញាវិញ ។ យើងត្រូវការប្អូននៅជាមួយពួកយើង » ។

រូបភាព

យុវជនកំពុងដើរជាមួយនឹងព្រះយេស៊ូវគ្រីស្ទ

ទទួលយកអំណោយដ៏ល្អឥតខ្ចោះរបស់ព្រះ

ដូច្នេះតើប្អូនបានរៀបចំខ្លួនជាស្រេចដើម្បីទុកចិត្តលើព្រះអង្គសង្គ្រោះ ដើម្បីយកឈ្នះការភ័យខ្លាចរបស់ប្អូនចំពោះការប្រែចិត្តហើយឬនៅ ? ប្អូននឹងមិនស្តាយក្រោយក្នុងរឿងនេះទេ ។

ប្រធាន ណិលសុន មានប្រសាសន៍ថា ៖ « ពីព្រោះពិភពលោកត្រូវការការសង្រ្គោះ ហើយដោយសារក្មួយៗ និងខ្ញុំត្រូវការការសង្រ្គោះ នោះទើប [ ព្រះវរបិតាសួគ៌ ] បានបញ្ជូនព្រះអង្គសង្រ្គោះមកឲ្យយើង ។

« … សូមយើងទទួលយកអំណោយដ៏ល្អឥតខ្ចោះ និងដ៏មានតម្លៃបំផុតរបស់ព្រះ ។ ចូរយើងបោះបន្ទុក និងអំពើបាបរបស់យើងនៅឯព្រះបាទារបស់ព្រះអង្គសង្គ្រោះ ហើយទទួលបទពិសោធន៍នូវអំណរដែលកើតចេញពីការប្រែចិត្ត និងការផ្លាស់ប្ដូរ » ។