In Isus Fahko, Ahkpuhsye, ac Karihngihn Facluh
Sel Elder Joseph W. Sitati
Ke Mwet Itngucul
Pahpah Lucng El sapkihn ac ahkinsewowoye kuht in isus fahko, ahkpuhsye, ac in karihngihn facluh tuh kuht in eklac oacna El.
Kuloh nuh suwos, Tanernacle Choir, ke on na kahto nuh sin Mwet Lahngo luhn facluh.
Ke lwen se ma God Pahpah El pahngon Wen Kuloh Sefanna Nahtuhl in oraclah mwet uh in oacna luhmahlos, El ahkinsewowoye tuhlihk Nahtuhl, fahk, “Kowos in isus fahko in pus, tuh fwilin tulik nutuwos fah fahsrelik nu fin faclu nufon ac leumi ma inge. … In karingin … ma orakrak nukewa ma moul fin faclu.”1Ohinge, fuhfahsryucsr ke moul lasr uh muhtwacwacack ke kwewana sie sap wolacna ac sie mwe insewowo. Sie Pahpah luhngse use nuh sesr sap ac mwe insewowo in orek fahko ac in ahkpuhsye ac in leum fin ma uh kuht in muh kuh in ahkyohkye ac eklac oacna El.
Tamuhlwel ac tahmtahel, ekuh se inge nga suli luhlahlfongi ac pruhe lowos an in wiyuc ke ngwac akacsruhi kuhtuh nuhnak yuruwos ke ohiyac yohk srihpac tolu ke wolacna lasr. Finsrak luhk pa kuht nuh kwewa in akihlen in yohk ac ahkfalye kunohkohn muhtahl lasr—sap luhn Pahpah tuhmasr—in ahkyohkye ohiyac wolacna lasr kuht in muh kuh in sokwack fuhfahsryucsr lasr wo ac eis fuhfahsryucsr wolacna lasr.
Ma se met, God El Sap Kuht in Isus Fahko
Sie ip yohk srihpac emet in isus fahko ma kuhtuh pacl uh suhnuhnkweyuhk pa in ahkfahsrye tohkohsrahi luhn God fin facluh. Mwet Lahngo El luti:
“Nga fain, ac kowos pa lah kac uh. Kutena mwet su mutana in nga, ac nga in el, fah isus fahko puspis, tuh kowos koflana oru kutena ma kowos fin muta sayuk. …
“Kowos fin mutana in nga ac kas luk oanna in kowos, na kowos fah siyuk sin Papa ke kutena ma kowos lungse, ac El fah sot nu suwos.
“Wolana lun Papa tumuk ac fah kalem ke kowos isus fako puspis; ac in ouiya se inge kowos fah mwet tumuk lutlut.”2
Kuht eklac isus fahko ke kuht muhtana in Kraist uh ac ke kuht olwelah in eis nuh facsr sifacna Inel ac kuhlwacnsuhpwacl nuh ke sahflah”3 ke kahsruh mwet sahyac in tuhkuh nuh Yohrohl.
Ke lwen lasr uh, mwet pahluh ac mwet sap moul uh kalweni in sruhkwack puhsrwaclos in suli kais sie sesr in mukwikwi na pwacye ke orekma in molwelah fal nuh ke kuhiyacsr ac pacl wowo lasr uh.
Muhtwacwacyen sie top ma oraclah fahko puhs uh pa in “fakpacp ac inse puhsisacl.”4 Kuht kuh ke pacl sacn in tuhkuh nuh yurin Kraist na pwacye ke kuht lohacng nuh ke kolyuck luhn Nguhn Muhtahl ac liyacacng nohfohn olwelah kuht oraclah ah.5 Kuht kuh in suk ac eis mwe sang luhn luhngse muhtahl ac eis kuh in suli sucu lasr sifacna, mwet somlah lasr, ac mwet tuhlan ac kawuck mempucr kuh tiacna mempucr lasr uh in eis wosasuc luhn Jisus Kraist.
Orekma ke nguhn in luhngse muhtahl el tiac sie kunohkohn tuhsruhk sie engan. Ma upac uh eklac pacl wowo in muhsahi luhlahlfongi. Kuht eklac “mwet loh luhn [woiyacn] God ke pacl nuhkwewa ac ke ma nuhkwewa, ac ke acn nuhkwewa ma [kuht] oasr we, finne ne ke misac.”6
Kuht nohfohn kuh ac enenuh in eklac ahkolah na pwacye ke orekma in molwelah. Mwet Lahngo El use nuh sesr kunohkohn ten inge ke sie olwelah: “Nga sulekowosla ac srisrngikowosi kowos in som ac isus fahko puspis—kain fahko ma ac oan paht. Ke kowos oru ouinge, na Papa El fah asot nu suwos kutena ma su kowos siyuk sel inek.”7
Ahkluo, God El Sap Kuht in Ahkpuhsye
Mahnosr sie mwe insewowo sin God. Kuht eis ma inge ke srihpac in ahkfalye orekma luhn Pahpah Lucng in use mahno kawihl ac moul ma pahtpaht luhn mwet uh.”8 Mahno uh pa inkacnek ma kuht kuh in ahkfahsryelah kuh wolacna lasr uh.
Mahno uh oraclah tuh tuhlihk nguhn nuhtin Pahpah Lucng kuh in puhlakihn moul fin facluh uh.9 In oswe tuhlihk sang tuhlihk nguhn sahyac nuhtin God uh pacl wowo in oacyacpac engankihn moul fin facluh. Mwet nuh kwewa ma isuslac nuh ke moul in mahno uh eis pacl wowo in oraclah wo ac in kapkapwack fin elos ahkos masap luhn God.
Pahyuck inmahsrlon sie mukul ac sie muhtwacn pa masap ma God El oakiyac nuh ke ahkfalyeyacn sap in ahkpuhsye uh. Sie kuhpahsr ma mukul luo kuh muhtwacn luo tiacna kuh in ahkpuhsye.
Sie pahyuck suwohs ac fal siliyucki lun tempuhl ac ma olwelah ke sili uh ahkfuhlwactyeyuck sang pahpah ninac ac tuhlihk nahtuhlos uh pacl wowo nuh ke ohiyac wo emet ke luhngse ac ahkolah nuh ke sie moul na wowo. Ma inge sang nuh selos ohiyac suwohs ma elos kuh in moulkihn fal olwelah elos oraclah yurin God.
Ke srihpen luhngse Lal nuh sesr, Pahpah Lucng El sang tuh tuhlihk luhlahlfongi nuh kwewa Nahtuhl suc tiacna kuh koflah in engankihn mwe insewowo ke sie olwelah ke pahyuck ac tuhlihk uh kuh sie fohnlah ke mwe insewowo ingacn ke srihpen ma tiac ma koluk lalos fah, ke pacl pakpucki luhn Leum, engankihn mwe insewowo inge.10
Mwet pahluh ac mwet sap moul uh fahk nuh sesr nuh kwewa suc oasr pacl wowo la in utyak nuh ke olwelah ke pahyuck ma pahtpaht in fahsr nuh met ke lahlmwetmwet ac luhlahlfongi. Kuht tiac enenuh in ikolyac pacl in pahyuckyak uh ke srihpen ma ukweyuck fin facluh kuh oasr kena lasr nuh ke sie companion wowo ke sie luhpah ma ahluhkwelah kuh luhn mwet kuh nuh kwewa uh.
Olwelah se nuh sin mwet nuh kwewa suc siliyucki ke pahyuck ma pahtpaht ac suc isus fahko ke liyacacng olwelah lalos uh pa lah mwet lain fah wacngihn kuh lal in ahkmuhnahsye pwelucng ke tuhkweni ma pahtpaht lalos an.
Ahktolu, God El Sap Kuht in Karihngihn Facluh
In karihngihn facluh ac leumi fin ma orahkrahk nuh kwewa pa in liyacacng ma inge tuh elos in ahkfalye kena luhn God11ke elos kuhlwacnsapuh srihpac luhn tuhlihk Nahtuhl. In karihngihn weacng pac eisyacn karihngihn nuh ke mahno lasr sifacna.12Ma inge tiacna weacng in mwet muhnahs ke ma inge kuh orekmakihn lain nuh ke kena luhn God.13
In ahkyohkye kuh lasr in karihngihn ma fin facluh uh muhtwacwacack ke puhsisacl in akihlen muhnahs in mahno lasr ac kuh oasr nuh sesr sin Kraist ac Iwaclah Lal. Mweyen “Kraist El tuh fahk: Kowos fin luhlahlfongiyuc ac fah oasr kuh yuruwos in oruh oacna sie ma wo Sihk.”14Kuh se inge ac oasri nuh sesr ke kuht sulaclah in mukwikwi ke ahkostwen nuh ke masap Lal uh. Kuht ahkyohkye kuh lasr ke kuht suk mwe sang ke Nguhn ac ke ahkyohkyeyacn talan lasr uh.
Nga isuslac ac mahtuhlah ke ohiyac puhsisacl oacna sucu puhs fin acn Africa. Nga eis kuh in kuhtanglah ohiyac ingacn ke sukyacn ac eisyacn, wi kahsruh wowo luhn ninac pahpah tuhmuhk ah, sie lutlut wowo. In orwaclah sie finsrak ke ma nga kuh in eklac nuh kac uh enenweyuck nuh ke kap luhk uh. Tohkoh, ke kuht sie siyacnyacn fuhsr, nga ac muhtwacn kiyuck ah, Gladys, sokwack wosasuc fohlohkihnyuckyak uh, ma kalweni in ahkinsewowoye yohk moul lasr wi kolyuck luhn nguhn. Oacna sucu nuh kwewa, oasr elyah ac ma upac lasr. Tuhsruhk ke kuht ngwet nuh sin Leum ke kahsruh, kuht tuh konwacack top ma use mihs ac ohiyac wo, ac kuht tiac puhla ahktoasryeyucklac ke ma inge.
Ma upac ma sun u luhn mwet uh mihsenge, weacng moul suhfal, petsac fohkfohk, mwe acnwuck, ahkfohkfohk, ono koluk, ac suhkahsruhp, kapwack yohk ke srihpen mwet puhs fin facluh se inge sifacna sukohsohk in sulaclah “nuh ke luhngse luhn devil ac ke mahno”15 likina nuh ke kena luhn God. Elos tiacna suk Leum in ahkfahsryelah suwohswohs Lal, ac tukun luhmah luhn god lal sifacna, suc luhmah uh oacna ma luhn facluh.”16
Ne ohinge, God El suli tuhlihk nuh kwewa Nahtuhl in eis kahsruh Lal in kuhtanglah ac muhtwacnglah ma upac ke moul se inge ke kahs inge:
El fahk lah El pa God ac lah El oraclah facluh, ac mwet uh met liki elos eis mahnolos.
“… El fahk lah kuht fin ngwet nuh Sel, ac lohacng nuh ke puhsrwacl, ac luhahlfongi, ac auliyak ke ma tahfonglac lasr nuh kwewa, ac in pacptaislac, finne lun kof uh, ke inen Wen Kuloh Sefanna nahtuhl, … kuht fah eis mwe sang luhn Nguhn Muhtahl, siyuck ma nuh kwewa ke Inel, ac ke kuhtwena ma kuht fah siyuck, ac fah utuckuh nuh sesr.”17
Mwet yohk luhlahlfongi la ke Lwen-sahflah suc kahlwem ke kuh wolacna lalos ac muhngnguh ke insiaclos nohfohn ke kuh oasr ke Iwaclah luhn Jisus Kraist uh ahkfokokoyeyuck ke muhnahs lalos ac “kuh in oruh ma nuh kwewa uh.”18 Elos kuh in sang kuh in kuhtanglah mwe sruhf luhn ma koluk ma oruh mwet puhs in sun srohoh nuh sin setuhn. Paul el luti lah:
“God El liyaung na wuleang lal, ac el ac tia fuhlela in srifeyuk kowos alukela ku lowos. Ke pacl se srifeyuk kowos, El ac fah akkeye kowos ac sot inkanek in mutangla ac kaingkunla ma inge.”19
“Ac inge el ku in kasrelos su srifeyuk, mweyen el wi pac srifeyuk ac keok.”20
Pahpah Lucng El sapkihn ac ahkinsewowoye kuht in isus fahko, ahkpuhsye, ac in karihngihn facluh tuh kuht in eklac oacna El. El oraclah in oasr kahsruh tuh kuht kais sie, fin fal nuh ke kais sie sulaclah lasr, kuh in kapwack ac oruh oacna El. Nga finsrak tuh kuht nuh kwewa in moulkihn moul lasr ke atac se ma kuht fah kolyuck ke finsrak luhn ohiyac wolacna lasr, eis pacl wowo lasr nohfohn, ac ahkfalye fuhfahsryucsr wolacna lasr.
Nga fahkwack luhlahlfongi ke ma pwacye luhn God Pahpah ac ke Wen Kuloh Nahtuhl, Jisus Kraist Mwet Lahngo lasr; ke plwacn in engan wolacna Lal; ac ke ki El oraclah in utuckuh nuh sin sie mwet pahluh moul fin facluh mihsenge, suc pa Thomas S. Monson, suc nga luhngse ac ahkkweye. Nga pruhe tuh in oasr kuh lasr in engankihn fohnlahiyen mwe insewowo Lal ke inen Jisus Kraist, amen.