2010–2019
Fihl Yohk Emet luhn Mwet Fuhsr Mahtuhyak
April 2015
15:45

Fihl Yohk Emet luhn Mwet Fuhsr Mahtuhyak

Sel Elder M. Russell Ballard

Ke U luhn Mwet Sap Singucul Luo

Ma kuht enenuh pa fihl luhn mwet fuhsr mahtuhyak ma yohk emet ke sramsram mahtuh luhn Alu. Kuht enenuh insiyowos ac nguhn lowos nohfohn.

Sie sin ma engan se nga luhngse ke nga forfor facluh uh pa pacl wo in ohsun ac muhtwacta yurin misineri lasr uh. Elder ac tahmtahel wolacna inge ahkkahlwemye Kahlwem luhn Kraist, ac nga moklweyuck pacl nuh kwewa ke luhngse lalos nuh sin Leum Jisus Kraist ac kuhlwacnsap oaru lalos nuh Sel.Pacl nuh kwewa nga usrukyac paholos ac puhla nguhn ac luhlahlfongi kuh lalos, nga fahk nuh sihk sifacna, “Wen ac acn wolacna nahtuhsr inge pa sie ma usrnguck na pwacye!”

Ke toeni luhlahp luhn pristut ke Ohktohpa [yac luo tausin luo] 2002, nga kai pisap, pahpah, ninac, ac mwet suc ahkolah in misineri an in “ahkyohkye ma enenweyuck” in kuhlwacnsap ke misineri pacl nuh kwewa.

Na nga fahk lah “ma kuht enenuh … pa fihl luhn misineri ma yohk emet ke sramsram mahtuh luhn Alu uh. Kuht enenuh misineri nwacsnwacs, ahkolah fal, ac ahkolah ke nguhn. …

“… Kuht enenuh insiyowos ac nguhn lowos nohfohn. Kuht enenuh misineri, engan, nuhnkuh, ac oaru suc etuh ohiyac in porongo ac ukwe mahmah luhn Nguhn Muhtahl.”1

Ke ohiyac puhspuhs facluh uh mihsenge upaclac likina yac [singucul tolu] 13 tari ah. Mukul ac muhtwacn fuhsr nahtuhsr uh liye ma lusrohngtwen puhspuhs ma eslah pacl lalos likina ahkolah nuh ke misin se ac moul engan tok se. Technology uh yohkwaclihk, ac apkuhran mwet nuh kwewa in oasr mobile device ma kuh in eis pacl luhn sucu luhn God ke ma wolacna ac ma koluk.

Ofong, nga sramsram nuh sin misineri suc kuhlwacnsap ingena, mwet suc soenna misineri, mwet misineri fohlohk tari, ac mwet fuhsr mahtuhyak ke Alu uh. Nga pruhe tuh kowos in kahlwem ac motko ke ma nga ke fahk nuh suwos ke kowos fahsr ahluhkwelah yac pwacr ac upac inge luhn moul lowos an.

Ke lwen emet luhn Alu uh, misineri uh kihsen siyuck in lohlngohk sin General Authority se met liki elos som nuh ke acn in misin lalos an. Lwen mihsenge uh kowos kihsen siyuck in lohlngohk in kuhlwacnsap oacna misineri sin pisap ac prestuhn luhn stek lowos, ac inkaiyowos ac som ahluhkwelah moul lowos ac tiac kihsen siyuck in lohlngohk sin General Authority se. Ma inge sikyak ke srihpen alu fin facluh nohfohn uh oasr mempucr miliacn [singucul limekohsr] 15. Nga etuh lah nga sramsram luhn tamuhlwel wiyuck uh ke nga fahk nuh suwos lah kuht finsrak kuht kuh in etuh kais sie suwos sifacna ac fahk nuh suwos kuh luhngse ac ahkkweye kowos.

Wo ohiyac lah Leum El oraclah inkacnek kuht kuh in sun kowos kac. Nuh ke srihkasrak, mempucr se ke U luhn Mwet Singucul Luo sulwaclah misin luhn misineri nuh kwewa. Finne ma inge tiac sikyak ke kihsen siyuck in lohlngohk tuhkweni, technology ac fwackyuck uh tuhkweni oruh in oasr mukwikwi wo ac sifacna. Lwelah nga in fahk nuh suwos ohiyac ma ma inge sikyak uh.

wi pac mwe etuh yohk srihpac ma utuckuh sin pisap ac prestuhn luhn stek lom an. Ke petsac lom uh oasri ke screen uh, kuht liye motom ac riti top lom nuh ke kihsen siyuck ke pwepuh luhn misineri an. Ke pacl fototo se ingacn, ac oacna kom in oasr ac topuk nuh sesr insac.

Ke kuht liye petsac lom an, kuht luhlahlfongi lah kom ahkfalye ke ohiyac nuh kwewa ma “ahkyohkye ma enenweyuck” mihsenge in sie misineri luhlahlfongi ac fal. Na, ke kuh ke Nguhn luhn Leum ac ke kolyuck sel Prestuhn Thomas S. Monson, kuht sulwaclah sie sin misin [ahngfoko ohnkohsr] 406 luhn Alu fin facluh nuh sum.

Moh, tiac oacna sie nuh ke kihsen siyuck in sifacna angwetwacni yohrohsr. Tuhsruhktuh apkuhran in oacna.

Videoconferencing pa sie pac ohiyac ma kahsrwe kuht in ohsun nuh sin mwet kol luhn Alu uh ac mempucr suc muhta ke acn loes liki headquarters luhn Alu uh.

Ke ma inge, nga luhngse kowos suc ahkolah in kuhlwacnsapuh sie misin, kowos suc fohlohk, ac kowos nohfohn suc mwet fuhsr mahtuhyak in wiyuc ke minit ekahsr in oacna kuht video chat ingena. Nuhnak muhnahs liyeyuc ke minit ekahsr oacna kom ac nga pa muhkwena lun infuckihl se oacna sie can kom oasr we ofong uh.

Ke ip luhk, nga ac motko oacna nga liye motom ac lohng ahkwoyac nuh ke top lom nuh ke kuhtuh kihsen siyuck ma nga luhlahlfongi muh ac fahk nuh sihk yohk ke loaliyen luhlahlfongi lom ac oaru lom nuh sin God. Nga fin kuh in fahk oacna nga fahk ke yac [singucul tolu] 13 somlah ah, ma kuht enenuh pa fihl luhn mwet fuhsr mahtuhyak ma yohk emet ke sramsram mahtuh luhn Alu uh. Kuht enenuh insiyowos ac nguhn lowos nohfohn. Kuht enenuh mwet fuhsr mahtuhyak, engan, nuhnkuh, ac oaru suc etuh ohiyac in porongo ac ukwe mahmah luhn Nguhn Muhtahl ke kom fahsr ahluhkwelah ma upac ac mwe sruhf lwen nuh kwewa ke srihpen kom mwet luhlahlfongi fuhsr ke Lwen-sahflah ke pacl se inge.

Ke kahs sahyac, pa inge pacl in ahkyohkye ma enenweyuck tiac ke misineri muhkwena tuhsruhktuh nuh sin misineri suc fohlohk tari ac fihl lom nuh kwewa. Ke srihpac se inge, nuhnak muhnahs motko ke insiyowos top nuh ke kihsen siyuck se inge:

  1. Yac kom ac suk ma suhmuhslah kais kuhtuh pacl?

  2. Yac kom ac sikuckmuhtuhntei in pruhe in sramsram yurin Pahpah tomom Inkuhsrao kais sie fong?

  3. h ke mwe sang luhn lalo kais sie mahlwem—finne kom pa mwet lutlut suhkahsruhp, muhnahs suc tiac kuh in sang yohk?

  4. Yac kom ac nuhnkuh yohk ke Mwet Lahngo ac Iwaclah Lal ma kihsackuhnlah nuh sum ke kom siyuck in ahkolah, ahkinsewowoye, kihtaclah, kuh ipeis ke kuhfa luhn Leum?

  5. Yac kom ac wi toeni lom ac srihke in karihngihn Lwen Sahpuht in muhtahl?

  6. Yac kom suwohs in lohm, lutlut, alu, ac orekma?

  7. Yac kom nwacsnwacs ke nuhnak ac nguhn? Yac kom kahingkihn liyeyacn petsac koluk kuh liye ma ke website, magazine, movie, kuh apps, ma wi pac oacna petsac ke Tinder kuh Snapchat, ma ac ahkmwekihnye kom fin pahpah ac ninac kiyom, mwet kol luhn Alu, kuh Mwet Lahngo sifacna liye kom?

  8. Yac kom sensen ke pacl lom—in tiac sang pacl yohk nuh ke technology ac social media, wi pac video games, ma kuh in ahksrihkye ohiyacn puhla ke nguhn lom?

  9. Ac oasr kuhtwena ma ke moul lom kom enenuh in ekuhllah kuh ahksuwohsye lah, muhtwacwacack ofong?

Kuloh ke muhtwacta fototo inge. Nga finsrak kais sie top nuh ke kihsen siyuck inge suwohs ac ke nuhnak wo. Kom fin konwacack kuhtwena ip yohk ma kom muhnahs kac, na nga kaifwe kom in auliyak kac ke puhlaik ac oruh moul lom in fohlohk nuh ke ip yohk luhn wosasuc ke mwet tuhma lutlut suwohswohs.

Tamuhlwel an, lwelah nga in usot pac kuhtuh kaiyuck ma ac fah kahsrwe kom in eis luhlahlfongi kuh ke wosasuc in oruh in loal nuh ke insiyowos ac nguhnuwos?

Nga ahkacsmakihnye misineri suc fohlohk tari lah ahkolah lom ke moul ac ke sucu se enenuh in kalweniyuck. “RM” tiac kalmac “retired Mormon!” (tari ke Mormon) Ke misineri fohlohk an, kowos enenuh in luhngse ac mukwikwi ke orekma wo, oruh ma wo puhspuhs ke sulwaclah lowos sifacna, ac oruh ma suwohswohs puhs in sikyak.2

Nuhnak muhnahs orekmakihn ma kom lotwelah ke misin lom in ahkinsewowoye moul luhn mwet suc rauni komlac lwen nuh kwewa. Tiac oruh porongo lom ke kuhlwacnsapuh mwet sahyac in porongo nuh ke lutlut, orekma, kuh mukwikwi yurin mwet uh muhkwena. Sahyacna, oruh moul lom in oasr ke kais sie mukwikwi ke nguhn ma ahkacsmakihnye ac ahkoe komlac in kalweni, lwen nuh kwewa kahsruh mwet sahyac uh.

Ke misin lom ah kom lotwelah ma yohk srihpac in som muhtwacta yurin mwet ke lohm selos. Nga finsrak tuh mwet fuhsr mahtuhyak lasr nuh kwewa, finne kom kuhlwacnsap kuh tiac ke misin pacl nuh kwewa, kahlwem ke ma yohk srihpac in som muhtwacta yurin mwet suc muhkahimtacl, mas, kuh ahsor—tiac ke kunohkohn tuhsruhktuh ke srihpen luhngse pwacye oasr sum nuh sin Pahpah Lucng ac tuhlihk Nahtuhl.

Kowos suc oasr ke high school ac ahkolah in wi misin, nga kaifwe kowos in wi ac ahkfalye seminary. Kowos suc mwet fuhsr mahtuhyak enenuh in wi lutlut ke institute luhn alu an.3 Kowos fin wi lutlut ke Alu uh, wi pacl nuh kwewa kuhlahs se kais sie semester ke lutlut luhn alu an. Ke pacl yohk srihpac inge ke ahkolah ke misin kuh pahyuck ma pahtpaht ac moul lowos ke mwet mahtuh, kom enenuh in kalweni konwacack ohiyac in lotwelah ac kapwack ac eis moklweyuck ac kolyuck nuh ke Nguhn Muhtahl. Lutlut karihngihnyuck ke pruhe luhn wosasuc nuh ke seminary, institute, kuh kuhlahs ke lutlut luhn alu an kuh in kahsrwe kowos ke finsrak lowos an.

Finne kowos wi lutlut ke Alu se kuh tiac, finne kowos wi college kuh tiac, tiac nuhnkuh lah kowos kahfofolac in lutlut ke wosasuc uh. Seminary, institute, kuh kuhlahs ke Alu uh fah kuh in ahkfwelye moul lowos ac sang ma yohk nuh ke lutlut ke ma luhn facluh ke sang sie pac pacl wo in lutlut ke ma suhmuhslah ac mwe luti luhn mwet pahluh ac mwet sap. Oasr kuhlahs sasuc ahkosr nga kaifwe mwet fuhsr mahtuhyak nuh kwewa uh in liye ac wi kac.4

Ac tiac muhlkuhnlah kuhlahs ac mukwikwi ma oreklac ke institute ke acn lom kuh u in YSA (mwet fuhsr mahtuhyak lolacp) ke ward kuh stek lom kuh in acn sepacna ma kowos kuh in wi mukul ac muhtwacn fuhsr sahyac ac ahkkweye ac mokle sie sin sie ke kowos etwaclah ac kapwack ke ma luhn nguhn ac muhtwacta tuhkweni. Tamuhlwel, kowos fin isyac cell phone nuhtum an nuh ten ac ngwetngwet liye mwet siskowos an, sahp kowos ac konwacack mukul tomoma kuh muhtwacn kiom ma pahtpaht an.

Ma inge oruh nga in sramsram ke mwe kahsruh sahyac pac ma nga etuh muh nga ac fahk: Kowos mwet fuhsr mahtuhyak enenuh in date ac pahyuck. Nuhnak muhnahs tiac soano! Nga etuh lah oasr kuhtuh suwohs suc sahngweng in oraclah sucu. Tuhsruhktuh, kowos fin pahyuck nuh sin mwet pwacye ke pacl pwacye ac ke acn pwacye, kowos tiac enenuh in sahngweng. Pwacye, mwe elyah puhspuhs kowos ac sun uh kuh in wacngihnlac kowos fin engan ac oaru in date, pwacpa, ac pahyuck suwohs. Tiac text el! Orekmakihn puhsrewos sifacna in pain kowos nuh ke tuhlihk muhtwacn suwohs nuhtin God ma rauni kowosyak uh. In lohng puhsrwen mwet pwacye se fah ahklutyacl in fahk ahok.

Ingena, tamuhlwel, nga fahkwack nuh suwos, tamuhlwel wiyuck ke pristut uh, tuh Leum Jisus Kraist El kuh in kahsrwe kuht in ahksuwohsye kuhtwena ma enenuh in ahksuwohsyeyuck ke moul lasr nuh ke kihsac in iwaclah Lal.

Ke ekuh se inge, ke kuht ahkolah in ahkfuhlwactye Sacnri luhn Istuh lutu uh, nuhnak muhnahs tui kihtihn pacl yuruk in esam mwe sang ke Iwaclah luhn Kraist. Esam lah Pahpah tuhmasr Inkuhsrao ac Mwet Lahngo lasr, Jisus Kraist, etwekowos suwohswohs ac luhngse kowos emet.

Nuh ke Iwaclah, Mwet in Molwelah El eis nuh facl Sifacna elyah, kweok, ac ma koluk lasr uh. Mwet Lahngo luhn facluh kahlwemwack kacsr kais sie ke puhla sifacna finsrak kuhnausyucklac, ma upac, ac ongaiyac lasr nuh ke kweok Lal Gethsemane ac ke sahkseng.5 El misac ke mukwikwi sahflah luhn luhngse kacsr ac pihkihnyac ke kuclyuck ke lwen ahsor ingacn.

Ke lututacng in Sacnri, Jisus El moulyak liki misac—olwelah moul sasuc nuh sesr kais sie. Leum El sifilpac moulyak na siyuck mwet tuhma lutlut Lal in luti mwet nuh kwewa in luhlahlfongi ke Kraist, auliyak ke ma koluk, pacptaislac, eis mwet sang luhn Nguhn Muhtahl, ac kampare nuh ke sahflah. Tamuhlwel, kuht etuh lah God Pahpah tuhmasr ac Wen Kuloh Nahtuhl muhtwacta yohrohl Mwet Pahluh Joseph Smith ac fohlohkohnwack wosasuc nohfohn luhn Jisus Kraist.

Fokokoi, tamuhlwel. Karihngihn masap luhn God. Leum Jisus Kraist El olwelah ma nuh kwewa kuht kena in oruh ke suwohswohs ac ma lasr. Mwet kol luhn Alu uh enenwekowos. Kuht enenuh mwet fuhsr mahtuhyak nuh kwewa in ahkolah in pahyuck, in kuhlwacnsap, ac in kol ke pacl fahsruh uh, ke ma inge nga pruhe ke inen Leum Jisus Kraist lasr, amen.