Efuh Pahyuck, Efuh Sucu
Sel Elder D. Todd Christofferson
Ke U luhn Mwet Singucul Luo ah
Sie sucu muhsahlah ke pahyuck luhn sie mukul ac muhtwacn sang ohiyac wo emet ke plwacn in kampare luhn God.
Lucng liki Great West Door luhn Westminster Abbey pwengpweng fin acn London, England, tu sie ma srolwaclah luhn Mwet Kristin acnwucki 10 ke century 20th somlah ah. Weacng inmahsrlolos pa Dietrich Bonhoeffer, sie mwet lutlut lahlmwetmwet ke luhlahlfongi se isuslac ke 1906.1Bonhoeffer el eklac sie mwet ahkkoluk ke puhsra luhn mwet kol Nazi ac mukwikwi la luhn mwet Jew ac mwet sahyac. El kaclpousi ke mukwikwi in lain lal ac sahflahiyac ah acnwucki lun sie kacm luhlahp. Bonhoeffer el suhmuhslah ma puhkantwen, ac kuhtuh sin ma sihmlac etweyuck lal an pa lwacta ma mwet topang pahkomuhta an kahsrwel suhpwaclah liki nein kaul an, tok sihmlac oacnaLetters and Papers from Prison.
Sie sin lwacta ingacn ma nuh sin niece se lal met liki pahyuck lal ah. Sihmlac nuhnak yohk srihpac inge: “Pahyuck uh el yohk likina luhngse lom nuh sie sin sie. … Ke luhngse lom uh kom ac liye muhkwena kom muhkwena luo ke facluh, tuh ke pahyuck uh komtacl pa ac kapsrweni sein ke usru, ma God El oruh in tuhkuh ac in misac nuh ke wolacna lal, ac pahngonyuck nuh ke tohkohsrahi lal. Ke luhngse lowos an kowos ac liye muhkwena ohiyac wowo ke engan lowos sifacna uh, tuh ke pahyuck uh kowos fihliyucki ke sie acn kunac nuh ke facluh ac mwet uh. Luhngse lowos pa ma lowos sifacna uh, tuh pahyuck uh el yohk likina ma se luhn mwet sena—el sie wal, sie ohfohs. Oacna ke sie twefuroh, ac tiac fihsrwacsr in kena karihngihn, maahkuhtweyac tohkohsrah uh, tuh pa pahyuck uh, ac tiac luhngse fihsrwacsr lowos muhkwena nuh sin mwet sahyac, ma orekowoseni nuh ye muhtuhn God ac mwet uh. … Na luhngse tuhkuh suwos, tuh pahyuck uh tuhkuh lucng me, sin God.”2
Inkacnek fuhkah ma pahyuck inmahsrlon sie mukul ac sie muhtwacn ahluhkwelah luhngse lalos nuh sie sin sie ac engan lalos sifacna in eklac “sie acn ke ma kunac nuh ke facluh ac mwet uh”? Ohiyac fuhkah ma ma inge tuhkuh “tuhkuh lucng me, sin God uh”? In kahlwem kac, kuht enenuh in fohlohklac nuh ke muhtwacwacackiyac ah.
Mwet pahluh uh fahkwack lah oasr kuh etuh lasr met, ac lah utuckuh nuh sesr atac se, kuh mahno ke nguhn, sin God, ohinge eklac tuhlihk nguhn Nahtuhl—tuhlihk mukul ac muhtwacn nuhtin pahpah ninac inkuhsrao.3Tuhkuh pacl se ke moul se met ke nguhn inge ke, in ahkfahsrye kena Lal tuh kuht “kuh in eis pacl wowo in eklac oacna el sifacna,”4Pahpah tuhmasr Inkuhsrao El ahkolah sie plwacn in ahkfahsrye. Lun ma suhmuhslah uh ma inge ituckyang kain in ine, weacng plwacn in molwelah,”5plwacn yohk ke engan,”6ac plwacn in molwelah.”7Srihpac ke ip yohk luo ke plwacn sac ahkuhtweyucki ke kahs inge:
Oasr sie mwet inmahsrlolos suc oacna God, ac El fahk nuh sin mwet suc Weluhl ah lah elos fah tuhkuh nuh ten, tuh oasr sie acn oalal we, ac elos fah orekmakihn kuhfa uh, ac elos fah oraclah sie facluh fac ma nguhn uh kuh in muhta we;
God El fahk lah elos fah ahkpwacyeye nuh sesr in liye kuht fin kuh in oruh ma nuh kwewa ma El sapkihn nuh sesr in oruh uh;
Ac mwet nuh kwewa suc liyacacng acn se met selos ah fah ituckyang nuh fac ac mwet nuh kwewa ma liyacacng acn ahkluo selos wolacna ituckyang nuh fin sifaclos ma pahtpaht.”8
Ke srihpac kuloh luhn Pahpah tuhmasr Inkuhsrao, kuht ekihn tari mahno in nguhn. Inge El tuh acse nuh sesr inkacnek se in ahksahfye kuh ahksuwohsyemahno se ingacn. Weacng ikoac uh pa yohk srihpac nuh ke fohnlah luhn mahno ac wolacna ma God El sifacna engankihn. Fin, ke kuht muhta yurin God ke facl in nguhn met liki moul inge, kuht ac insese in wi ke plwacn Lal—kuh ke kahs sahyac “liyacacng acn se met lasr”—ac fah “ituckyang nuh fin” sifacsr ke mahno ikoac ke kuht tuhkuh in muhta fin facluh se ma El oraclah kacsr.
Fin pacl sacn, ke fahsriyacn moul in mahno lasr, kuht sulaclah in “oruh ma nuh kwewa ma Leum God [lasr] El sapkihn nuh [sesr],” kuht enenuh in liyacacng “acn ahkluo sesr.” Kalmeyacn ma inge pa ke sulaclah lasr uh kuht in ahkkahlwemye nuh sin God (ac nuh sesr sifacna) kwacfeacng lasr ac kuhiacsr in moulkihn masap ke celestial Lal ke lihkac ye Muhtahl ac ke sie mahno ke kuh, kena in mongo, ac luhngse nuh kwewa. Yac kuht kuh in karihngihn mahnosr in muh kuh in eklac sie kuhfa likina mwet kol luhn nguhnasr? Yac kuht kuh luhlahlfongiyuck kwewana ke pacl ac ma pahtpaht ke kuh luhn God, weacng kuh in oraclah moul uh? Yac kuht kuh in kais sie eklac koluk? Mwet ma oruh uh kuh “in oasr wolacna ituckyang nuh insifaclos ma pahtpaht”—sie inkacnek yohk srihpac ke wolacna sacn in sifil moulyak, moul kawihl, ac ikoac in mahno wolacna.9Pa oruh kuht “salah ke engan” ke kuh ac olwelah na wolacna se inge ah.10
Tuh wo lah ma ahkosr enenweyuck nuh ke oraclah wo luhn plwacn wolacna se inge:
Ma se met Oreklac luhn facluh in acn in muhta se lasr. Finne meac koanon oreklac sac, kuht etuh lah tiacna ma acksitacn se tuh lah kolyuck sin God Pahpah ac orekmakihnyuck sin Jisus Kraist—“ma nuh kwewa oreklac sel; ac fin te el ac fah wacngihn kuhtwena ma oreklac uh.”11
Ma se ahkluo pa ohiyac ke moul suhkawihl. Adam ac Eve mukwikwi kacsr nohfohn suc sulaclah in wi ke plwacn engan luhlahp se Lal Pahpah ah.12Puhtatlac lalos ah oraclah ohiyac enenweyuck nuh ke isuslac luhn mahnosr ac nuh ke oasr ac lutlut luhn mwet lihkihn ye muhtuhn God. Ke Puhtatlac ah tuhkuh sie akihlenyuck ke wo ac koluk ac kuh utuckuh sin God in sulaclah.13Puhtatlac sac use misac ke mahno enenweyuck in oraclah pacl lasr ke moul in mahno ke kihtin pacl, kuht in muh tiac moul ma pahtpaht ke ma koluk lasr uh.14
Ma se ahktolu pa molwelah liki Puhtatlac sac. Kuht liye ma kunacn misac ke plwacn luhn Pahpah tuhmasr Lucng, tuh plwacn sacn kuh in eklac koluklac sahyen kuhtuh inkacnek in kuhtanglah misac ke sahflahiyac, kwewana kemahno ac nguhn. Ohinge, sie Mwet Molwelah, Wen Kuloh Sefanna nuhtin God, Jisus Kraist, kweok ac misac in iwe nuh ke tahfonglac lal Adam ac Eve, ke ma ingacn sang sifil moulyak ac moul kawihl nuh sin mwet nuh kwewa. Ac ke wacngihn sesr fah suwohswohs ac ahkostwen nuh ke masap ke wosasuc uh, Iwaclah Lal oacyacpac molikuhtlac liki ma koluk lasr sifacna kuht fin auliyak. Ke pahkotwen ke iwaclah luhn Mwet Lahngo sang nuhnak muhnahs ke ma koluk uh ac nwacsnwacslah luhn nguhna, kuht kuh in sifilpac isuslac ke nguhn ac inseselac nuh sin God. Misac ke nguhn lasr—fahsrwelihk lasr liki God—fah sahflah.15
Ahk ahkosr, ac sahflah, pa ohiyac nuh ke isuslac in mahno lasr ac sifil isuslac ke nguhn tohkoh nuh ke tohkohsrahi luhn God. Tuh orekma Lal in oraclah wo in “[ahkyohkye kuht] yohrohl sifacna,”16 God El akmuhsraelah tuh mukul ac muhtwacn uh in pahyuck ac isus tuhlihk, ke ma ingacn oraclah, ke tuhkweni yurin God, ikoac in mahno pa ki uh ke mwe srihke luhn moul suhkawihl ac yohk srihpac nuh ke wolacna ma pahtpaht Yohrohl uh. El oacyacpac akmuhsraelah tuh pahpah ninac uh in oraclah sucu lalos ac tuhfahlah tuhlihk nahtuhlos ke kahlwem ac ma pwacye,17 koluhlos nuh ke sie finsrak in Kraist. Pahpah El sapkihn nuh sesr.
In luti ma inge sukohsohk nuh sin tuhlihk nahtuhsr uh:
Oacna ke kuht isuslac nuh ke facluh se sisken inkof uh ac srah ac nguhn, kuht enenuh in sifil isuslac ke tohkohsrahi luhn inkuhsrao, ke kof ac ke Nguhn Muhtahl, ac in nwacsnwacslah ke srahn Jisus Kraist; tuh kuht kuh in ahknwacsnwacsyeyucklac liki ma koluk nuh kwewa ac engankihn pweng ke moul ma pahtpaht ke facluh se inge, ac moul na pahtpaht ke moul se fahsruh uh, weacng moul kawihl wolacna.”18
In etuh lah efuh kuht som liki ye muhtuhn Pahpah tuhmasr Inkuhsrao ac mac kuht enenuh in oruh in fohlohk ac in ahkyohkyeyuck Yohrohl, ac eklac arlac kahlwem lah wacngihn ma nuh ke pacl lasr fin facluh kuh in yohk srihpac likina isuslac luhn mahno ac sifil isuslac luhn nguhn, ahkfahsryeyacl ma luo ke moul ma pahtpaht. Ma inge pa, in orekmakihn kahs lal Dietrich Bonhoeffer, “ohfohs” ke pahyuck, “ipin kunohkohn nuh sin mwet uh,” lah luti na wolacna se inge “sin God, lucng” orekmakihnyuck. Pa “kuhpahsr lun sein ke usru uh” kwewana inge ac tohkoh—u luhn inkuhsrao.
Sie sucu muhsahlah ke pahyuck luhn sie mukul ac muhtwacn sang ohiyac wo emet ke plwacn in kampare luhn God—oreklac nuh ke isuslac luhn tuhlihk suc tuhkuh ke nwacsnwacs ac wacngihn koluk la yurin God ac ke acn in luti ac ahkolah elos fah enenuh nuh ke sie oraclah wo ke moul in mahno ac moul ma pahtpaht ke facluh se fahsruh uh. Sie luhpah srihk ke sucu muhsahlah ke kain pahyuck ma yohk srihpac nuh sin u uh in moullac fokoko. Pa oruh mura ac muhtuhnfacl uh eis ahkkweye ac karihngihn pahyuck ac sucu uh in eis lutiyuck. Tiacna ma ke luhngse ac engan luhn mwet mahtuhyak muhkwena.
Kalmeyac luhn social science ke pahyuck ac sucu somlah sin sie mukul ac muhtwacn pahyuck pa ma fokoko.19Oruh, “kuht sensenkackihn lah muhsahlwelihk luhn sucu fah utuckuh nuh fin kais sie, mura, ac muhtuhnfacl ma upac fwackyuck sin mwet pahluh mahtuh ac ma mihsenge uh.”20Tuh ma kunacsr nuh ke kunohkohn ke pahyuck ac sucu tiacna oan fin social science tuh ke ma pwacye lah elos ma oreklac sin God. El pa suc e muhtwacwacaciyac ah oracllah luhmahl Adam ac Eve, mukul ac muhtwacn, ac weluhlos oacna mukul ac muhtwacn kiac in eklac “mahno sefanna” ac in ahkpuhsye ac nwacklah facluh.21Kais sie mwet us luhma wolacna uh, tuh oasr ke tuhkweni luhn pahyuck luhn mukul ac muhtwacn ma sefannalac lah kuht ahkfahsryelah sahp kalmeyac yohk se emet ke eisyacn luhman God lasr uh—mukul kuh muhtwacn. Kuht tiac kuh oacyacpac mwet sahyac uh kuh in ekuhllah ohiyac wolacna luhn pahyuck se inge. Tiacna ma sramtweack sinmwet uh. Kain pahyuck ingacn pwacye “ma lucng me, sin God” ac pa ip yohk ke plwacn in engan oacna Puhtatlac ac Iwaclah.
Ke facluh se met liki moul se inge ah, Setuhn el akuhkuhin lain God ac plwacn Lal, ac lain lal kapwack muhkwena ke kuh. El acnwuck in ahkmuhnahsye pahyuck ac oreklac luhn sucu uh, ac ma pahyuck ac sucu oreklac el oruh ma el kuh in tulohkohnohnlosi. El lain ma nuh kwewa ma muhtahl ke ohiyac luhn mwet uh, eslah liki ma sikyak ke pahyuck yurin sie luhpah ma pahtpaht ke nuhnak ac mukwikwi koluk. El suk in kiacpwelah mukul ac muhtwacn uh lah ma yohk srihpac luhn pahyuck ac sucu uh kuh in ngwetngwet lucngkihnyuck kuh sisilac, kuh sahp oreklac srihkeni likina orema, oraclah wowo sahyac, ac sukyen “sifacna ahkfalye” ac sukohsohk luhn kais sie. Pwacyena setuhn el insewowo ke pahpah ninac uh sislah in luti ac ahkpahi tuhlihk nahtuhlos in eis luhlahlfongi ke Kraist, eis eklac, ac sifilpac isuslac ke nguhn. Tamuhlwel ac tahmtahel, ma puhkantwen arlac wo, ma puhs yohk srihpac, tuh kuhtuhna yohk emet.
In fahkwack ke ma pwacye yohk srihpac kuhpahsr nuh ke pahyuck ac sucu tiac enenuh in sisyucklac kuh ahksrihkyeyuck kihsackuhnlah ac oraclah wo nuh sin ma pwacye uh tiacna sie mwe sang pwacye. Kuhtuh suwos lahfwekihn mwe insewowo ke pahyuck nuh ke srihpac ma oacna wacngihn luhn nuhnak kuh, luhngse mukul mukul kuh muhtwacn muhtwacn, muhsahllah luhn mahno ac nuhnak, kuh in sahngweng in tiac oraclah wo lah, ke pacl sacn, afuhnlah luhlahlfongi uh. Kuh kom kuh in pahyuck, tuh pahyuck sacn sahflah, ac kom fihliyucki muhkwena in oruh ma mwet luo kuh in ana oruh. Kuhtuh suwos suc pahyuck an koflah isus tuhlihk sahyacnna kena toasr ac nguhsr ke pruhe uh.
Finne ohingacn, oasr mwe sang luhn mwet nuh kwewa, oasr talan luhn mwet nuh kwewa; mwet nuh kwewa kuh in kahsruh nuh ke ikucslah luhn plwacn wolacna ke kais sie usru. Inkaiyen ma ingacn wo, inkaiyen ma ingacn yohk srihpac—finne kuhtuh pacl uh ma nuh kwewa ma fal inge uh—kuh in oreklac ke tiacna pwacye. Puhs suwos oruh kuhiyowos na pwacye. Ac kowos suc us ma toasr ke moul in mahno uh tuyak in karihngihn plwacn luhn God in ahkyohkye tuhlihk Nahtuhl, kuht nohfohn ahkolah in ahkkweye kowos. Ke luhlahlfongi lah Iwaclah luhn Jisus Kraist nuhnkweyucklac na met ac, ke sahflahiyac ah, fah ahkwoye wacngihn kuh tuhlac nuh sin mwet suc ngwet nuh Sel. Wacngihn sie mwet nuhnkweyuck in eis srihk liki ma nuh kwewa ma oasr luhn Pahpah nuh sin tuhlihk Nahtuhl.
Sie ninac fuhsr tuhfahna lahfuh nuh sihk sensen lal ke in tiac oruh wo ma yohk srihpac emet ke kunohkohn uh. Nga puhla lah ma sikyak ma elyah el uh srihklac ac el tiac enenuh in elyah kac; el oruh wona. Tuh nga etuh lah el oruh muhkwena in ahkwoye God ac in ahkfuhlwactye luhlahlfongi Lal. Nga sang kahs in ahkkweye, ac ke insiuck nga sramsram nuh sin God, Pahpah tuhmal Lucng, ahkkweyacl ke luhngse Lal ac ahkpwacye ahkkweye Lal ke el oruh orekma Lal uh.
Pa ingacn mwe pruhe luhk nuh sesr nohfohn mihsenge. Nga finsrak tuh kuht kais sie in sokwack ahkkweye ke nuhnak Lal. Nga finsrak tuh pahyuck uh in oreklac wo ac sucu uh in puhseni, ac finne fihl lasr uh pa sie fohnlah ke mwe insewowo inge ke moul suhkawihl kuh tiac, lwelah pahkotwen luhn Leum in use engan ingena ac luhlahlfongi ke olwelah pwacye uh in tuhkuh. Ke inen Jisus Kraist, amen.