Muhta Sisken Fukun Sahk Soko An
Sel Elder Kevin W. Pearson
Ke Mwet Itngucul
Aruhrruhma lal Lehi ke fukunsahk in moul soko ah el puhpuhlyuck na fokoko nuhke muhtwacnglah nuh ke sahflah.
Tiac path met liki Prestuhn Heber J. Grant el misac ah, sie sin Mwet Sap ah muhtwacta nuh lohm sel ah. Met liki el som, Prestuhn Grant el pruhe, “O God, ahkinsewowoyeyuc tuh fahkwack luhlahlfongi luhk in tiac tuhlac ac nga in karihngihn luhlahlfongi luhk nuh ke sahflah!”1 Tukun apkuhran in yac 27 ke Prestuhn luhn Alu uh, pa inge pruhe yohk lal. Srihkasrak lal uh mwe acsmakihn na kuh se tuh wacngihn sie mwet, ke oacna sie matwac, ma mwesahs liki tikuclkucl lal Setuhn. Luo sin ma yuwuck in kuh emet lal Setuhn pa lusrohngtwen ac kuhtasrihk.
Muhtwacnglah nuh ke sahflah el sain se in fahkwack luhpan moul pwacyeac enenweyuck nuhke moul ma pahtpaht. Tuhsruhk ke mwe sruhf ac ma upac tuhkuh nuh sesr, kuht sapkihnyuck pacl puhspuhs in tari na “tu kuh” Lwelah nga in arlac kahlwem, in “tu kuh” tiac ip yohk ke wosasuc uh. Muhtwacnglah nuh ke sahflah kalmac pa in kalweni na in tuhkuh nuh yurin Kraist ac in ahksuwohsyeyuck Sel.
Fin muhtwacnglah nuh ke sahflah yohk srihpac in eis moul ma pahtpaht, efuh kuht ahlohlloh in luhlahlfongi? Kuht srihngelihk ke kuht srwemlah ke inmahsrlon ma yohk finsraki in sule kac uh Ahkostwen tiac ke insiac nohfohn ac oaru suhfal ahkmuhnahsyelah luhlahlfongi. Muhtwacnglah nuhke sahflah enenuh oaru nuh kwewa nuh sin Mwet Lahngo ac nuhke wuhlweacng lasr.
Aruhrruhma lal Lehi ke sahk in moul soko ah pa puhpuhlyuck fokoko ke muhtwacnglah nuh ke sahflah. Nuhnak muhnahs lutlut ac motko ke pruhe ke aruhrruhma lal Lehi; na oruh in ma lom. Ke kom oruh, motko ahkwoyac ke ip yohk ohnkohsr ma ac kahsrwe kuht muhtweng nuh ke sahflah.
1. Tiac Muhlkuhnlah in Pruhe
Kuht muhtwacwacack ke Lehi el muhkwena “oasr ke acn lohsr ac puhkahfohkwel se.” 2 Kais sie sesr som sun pacl lohsr ac muhkahimtacl uh. “Ke moul uh sun lohsr ac suhpwacr, tiac muhlkuhnlah in pruhe.” 3 Ukwe srihkasrak lal Prestuhn Heber J. Grant. Pruhe ke kuh in muhtwacnglah nuh ke sahflah. Siyuck sin Pahpah Lucng, “Meac pac luhlah Kom luhngse nga in oruh?”
2. Tuhkuh nuh sin Kraist ac in Ahksuwohsyeyuck Sel
Fukunsahk in moul soko ah pa yohk srihpac iyacn aruhrruhma lal Lehi ac. Ma nuh kwewa srihsrngiyac nuh ke fukunsahk in moul soko ah. Fukunsahk soko ah ahollah Kraist, suc pa sie srihkasrak suwohs ke luhngse luhn God. Fahko ah pa Iwaclah ma pahtpaht Lal ac mwe loh yohk ke luhngse luhn God. Moul ma pahtpaht yurin mwet suc kuht luhngse pa emwemiyac ac ma luhngseyuck yohk likina ma nuh kwewa sahyac. In eis mwe sang inge, kuht enenuh in “tuhkuh nuh yurun Kraist, ac ahksuwohsyeyucklac Kacl”4 El pa “ inkacnek, ac pwacye, ac moul.” 5 Kuht kuh in nwacklah moul lasr ke ma ohi sin mwet ac orekma ohi, tuhsruhktuh ke sahflahiyac, kuht fin tiac ilyak nuh ke wuhlweancg muhtahl in ukwe Kraist ac karihngihn ke luhlahlfongi, kuht ac tiac kahlwem ke srihpac lasr sifacna.
3. Fahsr Na Nuh Met ke Luhlahlfongi
Oasr inkacnek ma kol nuh ke fukunsahk in moul, nuh sin Kraist. Pa suwohs ac ohsrihksrihk, suwohs ac tiac ekyek. Masap luhn God suwohs,sukohsohk tuhsruhktuh tiac srihkasrakuh kuh sruh. Elos karihngihn kuht likina ma sensen ke nguhn ac mahno ac kahsrwe kuht in tiac tuhlac.
Ahkostwen muhsahi luhlahlfongi nuh sin Kraist. Luhlahlfongi pa ip yohk ke mukwikwi ac kuh. Kalweni in ukwe srihkasrak luhn Mwet Lahngo oruh in oasr kuh ke nguhn. Sahyacn kuh in ahkfokokoye ac ahksuwohsye luhn Iwaclah, tiac kuh in muhta ke inkacnek soko an ac muhtweng.
“Ahkwot nuh met ke luhlahlfongi kuh in Kraist.6
4. Puk luhn Mormon Pa Ki nuh ke Nguhn in Moul
Fuhfahsryucsr luhn moul uh upac. Fihsracsr in lusrohngyucklac, som kuhflah liki inkacnek ac tuhlac. Ma upac tuhkuh e nuh sikyak na ke kapkapwack luhn moul ma pahtpaht lasr. Ke ma upac tuhkuh, tiac lwelah ma kom tiac arlac kahlwem kac, ahkkolukye ma nuh kwewa kom etuh an. Oruh in mongfihsracsr, sruokyac ma pwacye; kahlwem fah tuhkuh. Mwe upac oacna ohkohk lohsr ac kuh in ahkfohsye kuht ac kwekwelac insiyacsr. Kuht fin tiac “lihksrweni sruokyac” 7 nuh ke kahs luhn God, ac moulkihn, kuht ac fohsack ke nguhn likina fokoko ke nguhn. Suk Puk luhn Mormon ac kahs luhn mwet pahluh moul lwen nuh kwewa, lwen nuh kwewa, lwen nuh kwewa! Ma inge pa ki nuh ke moul ac in sensenkihn kuhtasrihk. Fin wacngihn, kuht ac tuhlac ke nguhn.
5. Nimet Lusrohngyucklac ac Ahktahfongyeyucklac
In lohacng pa in porongo nuh kac. Lohacng nuh selos suc tiac luhlahlfongi ke Kraist ac tiac kahsrwe kom Konwaclwack. Sukyacn #spaciousbuilding lohm sralacp ke mwe etweack fah tiac kol kom nuh ke ma pwacye. Tiac likiyucki ingo. Mwet Lahngo muhkwena oasr la “kas ma ase moul ma pahtpat.” 8 Ma nuh kwewa sahyac pa kahs na. Lohm yohk ac mwesahs sac pa “nuhnak wacngihn srihpac ac inse fuhlwact” 9 luhn facluh, ke kahs sahyac, ma lusrohngtwen ac kuhtasrihk. Sesseslah ke mwet nahweyuck suc oacna in oasr ma nuh kwewa lalos. Tuhsruhktuh elos ahkkolukye Mwet Lahngo ac elos suc ukwe El uh. Elos “lutlut na uh, ac koflana in kalem ke ma pwaye.” 10 Sahp pwacye selos ke ma luhn facluh, tuhsruhktuh elos tuhlac ke ma luhn nguhn.
6. Muhta Sisken Fukun Sahk Soko An
Pweng lal Lehi pa in muhta sisken fukunsahk soko an. Kuht muhta na ke srihpen kuht eklac nuh sin Leum. Alma el luti, “Liye, El ekuhllah insiaclos; ahok, El okasuhltahlwack liki sie mutul luhlahp, ac elos nguhtwaclihk yurun God.” 11 Ke kuht sang insiyacsr nuh sin God, Nguhn Muhtahl ikihlkuhtlac, kuht eklac in fototoi nuh sin Leum, ac tiac sifil suk lohm sralacp sac. Kuht fin tui ke oruh ma in kahsrwe kuht in eklac loal, kuht fohlohk nuh ke nguhn. Forlah liki ma pwacye pa ma siena luhn eklac inge.
Nuh sin misineri nuh kwewa ingena ac ma somlah tari ah: elder ac tahmtahel, kowos tiac kuh in fohlohk ke misin, ac sihfihlpac fohlohkyang nuh ke ohiyac luhn facluh, ac sislah ao puhspuhs ke ma lusrohngtwen oacna kain nuhke video games uh ac tiac muhnahslac ke nguhn. Kowos tiac kuh in liye petsac koluk online ac macnsis kuhnlah moul nwacsnwacs ac suwohs nuhnkuh muh wacngihn mwacta. Fin wacngihn Nguhn yuruwos, kowos tuhlac. Nimet lohsrlah ac ahktahfongyeyucklac.
Mwet ukwe ma pwacye uh in sikalwacni in acsmak nuh sin God lwen nuh kwewa ke pruhe la sifacna, lutlut yohk ke ma suhmuhslah, ahkostwen la sifacna, ac kuhlwacnsap suwohs. Muhta sisken fukunsahk soko an ac muhta acsmak.
Yac puhspuhs somlah ah Sister Pearson ac nga pahngonyuck in liyacng Washington Tacoma Mission. Pahng sac tuhkuh tuh kuht lut kac. Ke tuhfalwack luhk nga ohsun yurin chairman ac CEO ke company se nga orekma kac ac fahk nuh selos ke pahng luhn misin luhk. Kahlwem muhlatlah ke ngwetngwetaltahl ke sulwaclah se luhk in som liki kampihni sac. “Ngac kom oraclah sulwaclah se inge ah, ac efuh kom tiac sramsramkihn nuh sesr?” elos siyuck.
Ke kahlwemwack in kihtin pacl, top loal se tuhkuh nuh in nuhnak luhk uh. Nga fahk, “Nga oraclah sulaclah se inge ke nga mukul fuhsr matwac yac 19, ke nga oraclah wuhlweacng muhtahl yurin God ke tempuhl in ukwe Mwet Lahngo. Nga muhsahelah moul luhk nohfohn ke wuhlweacng ingacn, ac nga kena yohk in karihngihn ma ingacn ingena.”
Ke pacl se kuht ilyak nuh ke wuhlweacng yurin God, tiac kuh in fohlohk. In lwelah nuh sahyac, fuhlweack, muhnahslac tiac mwe fihlfihllac. Ke tohkohsrahi luhn God, oasr oakwuck ohiyac suwohs lucng ke moul ma pahtpaht yurin God. Enenuh mwet ukwe ma pwacye in kuh nuhnkwac! Wacngihn acn nuh sin mwet ukwe ma pwacye in falkihn moul tiac fal kuh in falkihn ma na fal. In fal kihn Ma na fal uh el mwe lokoalok luhn ma suwohswohs kuhtaklah, ac olweacng na fal ac fah kutong kom in muhtwacnglah nuh ke sahflah.
Kom fin puhla muhnahs, fohs, kuh tuhlac ke nguhn, nga kwacfwe kowos in oruh ma se ma nga etuh muh fah kahsrwe kom in forlah . Muhtwacwacack in sifilpac pruhe in lutlutkihn Puk luhn Mormon ac moulkihn mwe luti kac uh, lwen nuh kwewa, lwen nuh kwewa, lwen nuh kwewa! Nga fahkwack ke kuh na loal ma oasr ke Puk luhn Mormon ma ac fah ekuhllah moul lowos ac oruh kowos in ukwe Kraist. Nguhn Muhtahl fah ekuhllah insiyowos, ac kahsrwe kowos in liye “pwacyeiyacn ma uh.”12 El ac ahkkahlwemye ma kom enenuh in oruh tohkoh. Pa inge olwelah lal Nephi nuh suwos:
“Ac nga fahk nuh selos … elos suc porongo kahs luhn God, ac lihksreni na sruokyac, elos ac tiacna misac; ac mwe sruhf ac pihsr fihrihrihr luhn mwet lokalok tiac pac kuh in kuhtanguhltahllah nuh in lohsrlohsr, in kohlohlloslac nuh ke kuhnahoslah.
“Ohinge, nga … kwacfelos … tuh elos in lohacng nuh ke kahs luhn God ac esam in liyacacng masap Lal pacl nuhkwewa ke ma nuhkwewa.” 13
Tamuhlwel ac tahmtahel, muhtwacnglah nuh ke sahflah pa sikeng na yohk se emet luhn mwet srihke in moul suwohswohs. Moul in srihke suwohswohs lasr penga na lwen fah srihsrngiyac fuhfahsryucsr ma pahtpaht lasr. Acsmaklac nuh sin God, apihsyac ma pwacye, karihngihn wuhlweacng muhtahl lowos ke tempuhl an, ac muhta sisken fukunsahk soko an!
Nga fahkwack mwe lohoh ke sifilpac moulyak luhn Kraist suc moul. Nga etuh tuh El moul. Kena yohk emet luhk pa nga in muhtwacnglah ke insesuwohs ac luhlahlfongi nuh ke sahflah in ukwe srihkasrak wolacna Lal. Ke inen Jisus Kraist, amen.