Ohiyacn Pahpah—Acn Ma Pahtpaht Lasr
Sel Larry M. Gibson
Tuhfahna fihliyucklac Mwet in Kahsruh Se Met ke Prestuhnsi Luhlahp luhn Mukul Fuhsr
Lwelah kuht in engankihn ma nohfohn ke mwe insewowo luhn Pahpah ke moul se inge ac ma nohfohn keorekma Lalacwolacna Lal ke kuht eklac pahpah nuh ke ma pahtpaht.
Pahpah tuhmuhk el luti yuc sie lesin nuh wowo ke nga tuh fuhsr ah. El akihlen lah nga muhtwacack in luhngse yohklac ma luhn facluh. Ke nga eis mani, nga sa in orekmakihn—apkuhran pacl nuh kwewa ke ma nuh sihk sifacna.
Sie ekuh ah el us nga in som moli fahluhk sasuc. Ke falfucl ahkluo ke stoh luhlahp ah, el suli nga in ngwetlah winto an yohrohl.
“Meac kom liyac an?” el siyuck.
“Lohm, inkuhsrao, mwet” pa top luhk ah.
“Ma ekahsr?”
“Puhkantwen!”
Na el sruokyac mani se ke pakiht lal. Ke el use nuh sihk, el siyuck, “Meac se inge?”
Nga sa in etuh: “Tala silfuh se!”
In orekmakihn mwe etuh lal ke chemistry, el fahk, “Kom fin muhlwesrlah tala silfuh sacn ac akuhlamihsiyac ke kuhtuh ma sahyac, kom ac orek silfuh nitrate. Kuht fin sang silfuh nitrate ke winto se inge, na meac kom ac liye?”
Nga nihkihn, na el kol yuc nuh ke sie selnguhn luhlahp ac fahk, “Ingena meac kom ac liye?”
“Nga liye yuc.”
“Moh,” el topuk, “ma kom liye pa silfuh selnguhni kom. Kom fin porongo nuh ke silfuh, ma nohfohn kom liye pa kom sifacna, ac oacna kahot, kuh in oruh kom in tiac ngwet suwohs ma pahtpaht Pahpah Lucng El ahkolah keim.”
“Larry,” el kalweni, “tiac sohkwack met ma luhn facluh, tuhsruhktuh suk tohkohsrahi luhn God met, ac akiyacma] suwohswohs Lal; ac ma nuh kwewa fah laheslah nuh sum” (liye Joseph Smith Translation, Matthew 6:38 [keMatthew 6:33, footnotea]).
El fahk nuh sihk in karihngihn tala se ac tiac lwelah in tuhlac. Kais sie pacl nga liye, enenweyuck nga in nuhnkuh ke ma pahtpaht tuh Pahpah Lucng El oraclah keik.
Nga luhngse pahpah tuhmuhk ac ohiyac el lutiyuc. Nga ke oacna el. El sang nuh ke insiyuck kena se in pahpah wo, ac sie finsrak loal lah nga ahkfalye srihkasrak lal.
Mwet pahluh sacohk lasr, Prestuhn Thomas S. Monson el kwacna fahk lah sulaclah lasr ahkahlwemye ma ac sikyak nuh sesr ac ma ac in sikyak kac ne tok ma pahtpaht (liye “Decisions Determine Destiny” [sramsram ke Church Educational System, Nohfuhmpuh 6, 2005], 2; lds.org/broadcasts).
Na, kuht enenuh in oraclah sie ohiyacn liye suwohswohs ke acn ma pahtpaht lasr, yohk nuh ke sie ma Pahpah Lucng El kena kuht in ahkfalye—in pahpah ma pahtpaht? Lwelahacn ma pahtpahtlasr kahsruh sulwaclahnuhkwewa lasr. Finne oasr puhkantwen sulwaclah upac, Pahpah ac fah ahkkweyekuhtlac.
Nga lotwelah ke kuh luhn kain finsrak la ke nga welal tuhlihk mukul nuhtihk suc matwac yac [singucul luo] 12 ac [singucul tolu] 13 ke akuhtuhn [luhmngaul/longoul] 50/20 an. Sie [luhmngaul/longoul] 50/20 pa in fahsr mail [luhmngaul] met liki ao [longoul] 20 somlah. Kuht muhtwacack ke ao [yuc] 9:00 ke fong ac fahsr ke fong nohfohn nuh ke ekuh ke lwen se tok. Ke ao [singucul yuc] 19 ma ingen arulacna upac, tuhsruhktuh kuht ahksahfyelah.
Ke kuht fohlohk nuh lohm ah, ma nuh pwacye kuht orahkrahk utyak lohm ah, ke muhtwacn wolacna kiyuck ahkolah mongo yuc, ma kuht tiac kahl. Sie mukul fuhsr nuhtihk puhtatlac, ullac nuh upac, ke couch, ac tuhlihk nuhtihk sahyac orahkrahk nuh infuckihl lal.
Tukun nga monglac ke ngal luhk sifacna, nga som liye mukul fuhsr emet in liye el fin srackna moul.
“Kom wona?” Nga siyuck.
“Pahpah, pa inge ma upac emet nga oruh an, ac nga ac tiac sulpac oruh.”
Nga tiac ke fahk nuh sel lah nga pac tiac kena in sulpac oruh. Tuhsruhktuh, nga fahk nuh sel nga arulacna engan sel ke ma upac el ahkfalye. Nga etuh lah ma ingen ac ahkolah el ke ma upac sahyac el ac sun ke sie lwen sahyac. Ke nuhnak inge, nga fahk, “Wen, lwelah nga in oraclah olwelah se inge yurum. Ke kom som nuh ke misin lom, wacngihn pacl kom ac enenuh fahsr ke mael [luhmngaul] 50 ke lwen sefanna.”
“Wo, Pahpah! Na nga ac som.”
Kahs fihsrwacsr inge nwacklah nguhn luhk ke tarilacna ac engan.
Na nga som nuh ke infuckihl luhn wen mahtuh nuhtihk. Nga oan siskacl—na kahlilyac. “Wen, kuh kom wona?”
“Pahpah, pa inge ma upac emet nga oruh ke moul luhk uh, ac nga ac tiac, tiac sulpac oruh.” El kaliyac muhtahl—na ikacslah—ac el fahk, “Sahyacn na tuhlihk mukul nuhtihk kena nga in oruh.”
Sron in muhta tuhkuh ke nga ahkkahlwemye tarilacna luhk kacl. Nga fahk nuh sel nga etuh sie lwen el ac sie pahpah wo liki yuc. Insiyuck sesseslah ke srihpen ke matwac fuhsr ac fihsrwacsr lal el akihlen tari lah sie sin kunohkohn sacohk emet lal pa in sie pahpah. Wacngihn sahngweng ke kunohkohn ac sifac se ingen—sifac se ma God Sifacna luhngse kuht in orekmakihn ke kuht sramsram Kacl. Nga etuh nga eis kunohkohn in karihngihn kena ke ohiyacn pahpah ma oasr yurin wen nuhtihk.
Kahs inge luhn Mwet Lahngo eklac insiyuck ke kalmacn pahpah se:
“Wen el tia ku in oru kutena ma ke ku lal sifacna. El oru na ma el liye Papa tumal El oru. Ma Papa El oru, Wen el oru pac.” (John 5:19).
“wangin ma nga oru ke ku luk sifacna, a nga fahk na ma Papa El fahk nu sik in fak.” (John 8:28).
Nga luhngse in mukul tuhma ac pahpah—pahyuck nuh sin sie tuhlihk muhtwacn sollac nuhtin pahpah ninac inkuhsrao. Pa ip se ke moul luhk ma ahkfalyeyuck emet. Finsrak luhk ke fong se ingen pa tuhlihk mukul limekohsr nuhtihk ac muhtwacn wiyacl elos ac liye keik pacl nuh kwewa mwe engan ma tuhkuh ke pahyuck, ohiyacn pahpah, ac sucu ma pahtpaht.
Pahpah, nga luhlahlfongi kom lohng kahs inge tari “Luti wosasuc pacl nuh kwewa, ac ke enenweyuck orekmakihn kahs” (ma sel Francis luhn Assisi). Lwen nuh kwewa kom luti tuhlihk nuhtum kalmacn pahpah se. Kom akiyac pwelucng ke fihl se tok. Mukul nuhtum ac fah lotwelah fuhkah in mukul tuhma ac pahpah se ke elos liye ohiyac kom ahkfalye ma kunac inge. Sie srihkasrak:
Yac elos etuh luhpan luhngse ac tarilacna nuh sel ninac kiyaclos ac fuhkah kom luhngse in pahpah tuhmwaclos?
Elos ac fah lotwelah fuhkah in karihngihn muhtwacn kiyaclos ac tuhlihk nahtuhlos ke elos liye ohiyac se kom karihngihn kais sie selosoacna Pahpah Lucng El tuh oruh.
Nuh ke srihkasrak lom, elos kuh in lotwelah fuhkah in suhnuhk, ahkfuhlwactye, ac karihngihn ohiyacn muhtwacn.
Ke lohm sum, elos kuh in lotwelah in kol sucu lalos ke luhngse ac suwohswohs. Elos kuh in lotwelah in sang mwe enenweyuck luhn moul ac karihngihn sucu lalos—ke ma luhn facluh ac nguhn (liye “Sucu: Sie Mwe Fahkwack nuh fin Facluh,” Ensign or Liahona, Nov. 2010, 129).
Tamuhlwel, ke ma nohfohn ke nguhnihk, nga siyuck kom in motko ke kihsen siyuck se inge: Yac tuhlihk mukul nuhtum liye kom srihke in oruh ma Pahpah Lucng El kenaelosin oruh?
Nga pruhe top pa ahok. Fin top pa moh, tiac pahtlac in eklac, tuhsruhktuh kom enenuh muhtwacack mihsenge. Nga fahkwack lah Pahpah Lucng ac fah kahsrwe kom.
Ingena mukul fuhsr, kom etuh lah kom ahkoo in eis Pristut Melchizedek, eis akwuck muhtahl ke tempuhl, ahkfalyekunohkohnacma enenweyucklom in kuhlwacnsap misin pacl nuh kwewa, na, ac tiac soenna loes, pahyuck ke tempuhl yurin muhtwacn nuhtin God ac oraclah sucu se. Na kom ac kol sucu lom nuh ke ma luhn nguhn ke kolyuck luhn Nguhn Muhtahl (liyeD&C 20:44;46:2;107:12).
Nga siyuck tari mukul fuhsr puhspuhs, “Efuh kom oasr inge?”
Nuh ke pacl se inge, wacngihn topuk, “In lotwelah in pahpah se, nga in muh kuh in ahkolah ac ahkfalye ma nohfohn oasr yurin Pahpah Lucng.”
Lwelah kuht in liye makunacnPristut Aaronic lom ma sruhmuhnyuck kesapta [longoul] 20 ke Doctrine and Covenants. Porongo nuh ke ma kom puhla ke nga fihliyac ma kunac inge nuh ke sucu lom.
Suli mwet nuh kwewa in tuhkuh nuh yurin Kraist (liyeD&C 20:59).
Karihngihn elos pacl nuh kwewa ac weluhlos ac ahkkweyaclos (liyeD&C 20:53).
Luti, ahkuhtweyac, ac kaifwe mempucr luhn sucu lowos (liye D&C 20:46).
Kahsrwelos in pruhe ke puhsra luhlahp ac ke lukmac ac in wi ma kunac nuh kwewa luhn sucu (liyeD&C 20:47).
Liye lah wacngihn ma koluk ke sucu lom, wacngihn ma upac sie sin sie, wacngihn kikiacp, lwesrihki, kuh kahskahs koluk (liyeD&C 20:54).
Liye sucu lom tuhkuh tuhkweni pacl puhspuhs (liye D&C 20:55).
Kahsruh pahpah tomom ke ma kunacl ke patriarch. Ahkkweye ninac kiyom ke kuh luhn pristut ke pacl pahpah tiac oasr (liyeD&C 20:52, 56).
Ke siyuckyuck akmuhsraelah tikin, titsucr, ac prist ke sucu lom (liyeD&C 20:48).
Yac ma inge luhma oacnaorekma ac kunohkohn luhn pahpah?
Ahkfalye ma kunacn Pristut Aaronic ahkolah kom mukul fuhsr keohiyacn pahpah. Makunacsr sin Godpa mwe kahsruh se in kahsruh kom lotwelah kac ac oraclah plwacn in ahkfalye kunohkohn lowos. Ma ingen kuh in kol ac kahsruh kom sokwack ma luhngse luhn Pahpah Lucng ac oraclah finsrak in ahkfalye.
Pahpah suc Inkuhsrao El us kom nuh inge ke pacl se inge ke orekma sacohk ac srihpac ma pahtpaht. El kena kom in liye suwohswohs ac kahlwem srihpac ke ma ingen. El pa Pahpah tomom, ac kom kuh in som nuh sel ke kolyuck pacl nuh kwewa.
Nga etuh Pahpah Lucng El elyah kais sie sesr ac oasr plwacn sifacna kacsr in ahkfalye acn sahflah ma pahtpaht lasr. El suhpwacma Wen Kuloh Sefanna Nahtuhl, Jisus Kraist, in kahsruh kuht kuhtanglah ma sesuwohs lasr ke Iwaclah sac. El ahkinsewowoye kuht ke Nguhn Muhtahl in ahklohye, wi kuht, ac kol nuh ke acn sahflah ma pahtpaht lasrkuht fin muhngnguh nuh Sel. Lwelah kuht in engankihn ma nohfohn ke mwe insewowo luhn Pahpah ke moul se inge ac ma nohfohn keorekma Lalacwolacna Lalke kuht eklac pahpah nuh ke ma pahtpaht (liyeMoses 1:39). Ke inen Jisus Kraist, amen.