Kuh Srack Wolacna Sum?
Sel Pisap Gérald Caussé
Mwet in Kahsruh se met Karihngihn Pisaprik
In fwefwelac ke ma usrnguck ke wosasuc uh el sain in luhlahlfongi se. El ma in akihlen kuh luhn God ke moul lasr ac in ma nuh kwewa yohrohsr.
Muhtwacn kiyuck uh nga engan yohk tari ke tuhfweyacn tuhlihk limekohsr nahtuhsr inge fototo nuh ke siti oaskuh Paris. Ke puhlan yac ingo kuht ke sang pacl wo nuh selos in lotwelah ke ma usrnguck fin facluh. Ke kais sie suhmuhr, sucu lasr uh som muhtwacta ke yen loeslac in liye kain yen puhspuhs, ma tuhfahl, ma usrnguck fin acn Europe. Sahflahiyac, tukun yac longoul luo [longoul luo] 22 fin acn Paris, kuht ahkolah tari in mukwi. Nga srackna esam lwen se ke tuhlihk nuhtihk tuhkuh ac fahk ange, “Pahpah, arlac ahkmwekihn! Kuht muhta yenuh in moul lasr, ac kuht soenna som ne ke Eiffel Tower!”
Arlac puhs ma usrnguck luhn facluh. Ne ohinge, kuhtuh pacl uh ke kuht kwac sun ye muhtahsr, kuht pahlah kac. Kuht ngwet, tuhsruhk kuht tiac arlac liye; kuht lohng, tuhsruhk tiac arlac porongo.
Ke orekma Lal fin facluh, Jisus El fahk nuh sin mwet tuhma lutlut Lal:
“Kowos arulana insewowo lah motowos liye ma kowos liye inge:
“Nga fahk nu suwos lah mwet palu puspis ac tokosra puspis kena liye ma kowos liye inge, a elos tia ku in liye, ac in lohng ma kowos lohng, a elos tiana.”1
Nga nuhnkuh pacl puhs lah fuhkah atacn moul ke pacl luhn Mwet lahngo lasr uh. Kuh kom kuh in motkoelah in muhta ke Niyacl? puhla a sruhi Lal? fahkwack luhlahlfongi ke El ahkkweye mwet sahyac? Ac puhslac na selos suc sun El suc tiac akihlen—in “liye”—lah Wen na nuhtin God uh pa moul yohrohlos ah.
Kuht pac yohk suhna nuh sesr in moul pacl se inge. Mwet pahluh yoh sac liye ke orekma luhn Fohlohkyak luhn Alu uh ekihn “orekma wolacna … , ahok, sie orekma na wowo ac sie ma wolacna.”2 Ke fihl ac we somlah ah soenna oasr misineri pucspucs pahngonyuck oacna pacl lasr uh, puhs muhtuhnfacl ikacklah nuh ke pweng luhn wosasuc, ac tempuhl na pucspucs muhsahiyucklac fin facluh.
Nuh sesr, Mwet Luhlahlfongi ke Lwen-sahflah, ma usrnguck sikyak ke moul lasr kais sie. El wi ke forlah lasr, top kuht eis ke pruhe lasr, mwe insewowo kuht ipeis sin God penga na lwen.
In fwefwelac ke ma usrnguck ke wosasuc uh el sain in luhlahlfongi se. El ma in akihlen kuh luhn God ke moul lasr ac in ma nuh kwewa yohrohsr. Fwefwelac se lasr uh oruh moul in nguhn kuh. El use kuh se in kawuckihnyac na luhlahlfongi lasr ac eis kuht nuh ke orekma in molwelah.
Tuhsruhk lwelah kut in acsmak. Kuh lasr uh muhnahs na. Ke puhlan pacl loes, kain ohiyac ma oacna liyacacng masap, nakantwen, kuh ne ke tasack sik me ac oruh kuht pihlesruh sain ac ma usrnguck ke wosasuc.
Puk luhn Mormon sruhmuhn ke sie pacl, apkuhran in oacna pacl lasr uh, met liki tuhkuh luhn Messiah nuh Macrike. Tiac paht na sain ke isuslac Lal sikyak inkuhsrao. Mwet ah tukyucki ke lut lalos oruh elos ahkpuhsisaclyaclos sifacna, ac luhkuhn nohfohn forlah. Ne ohinge, yac ahkosr na tohkoh “mwet uh muhtwacwacack in muhlkuhnlah akucl ac ma usrnguck ma elos tuh lohng, ac muhtwacwacack in srihkeni na srihkeni lut ke sie akucl ac sie ma usrnguck tuhkuh inkuhsrao me, … ac muhtwacwacack in suhlahlahlfongi ma nuhkwewa ma elos tuh lohng ac liye.”3
Tamuhlwel ac tahmtahel wiyuck, kuh wosasuc uh srack wolacna suwos? Kuh kowos srack kuh in liye, lohng, puhla, ac suk? Kuh puhlakihnyacn nguhn lom muhnahslah? Oacna sie luhman ohiyac an, nga suli kowos in oruh ip tolu.
Ma se met, tiac ullac ke sukok uh kuh ke sukyacn ma pwacye luhn wosasuc. Mwet sihm se Marcel Proust el fahk, “Fuhfahsryucsr in sukok na pwacye tiac oasr ke sukok luhn pohloh acn sasuc, tuhsruhk in nuhnkuh ke ma uh ke ohiyac sasuc.”4Kuh kom esam pacl se emet kom riti fuhs ke ma suhmuhslah ac puhlakihn oacna fin Leum El sramsram nuh sum? Kuh kom in esam pacl se emet kom puhla mukwikwi luhn Nguhn Muhtahl tuhkuh nuh feim, sahp met liki na kom luhmahack lah pa ingacn Nguhn Muhtahl? Kuh tiac muhtahl ma inge, pacl sacohklacna?
Kuht in maluh ac masrinsracl lwen nuh kwewa in suk ke ma luhn nguhn. Ohiyac se inge sikyak ke lutlut, loal luhn nuhnak, ac pruhe. Kuhtuh pacl uh srihfeyuck in nuhnkuh muh, “Nga tiac enenuh in lutlut ke suhmuhslah mihsenge, Nga ritwelah nohfohn tari met” kuh “Nga tiac enenuh in som wi alu mihsenge; wacngihn ma sasuc we.”
Tuhsruhk tuh wosasuc uh el unohn in etwacack se suc tiac paholah. Oasr na ma sasuc se in luti kac ac puhla ke kais sie Sacnri, ke miting, ac ke fuhs ke ma suhmuhslah nuh kwewa. Ke luhlahlfongi kuht tu kuh ke olwelah se muh fin kuht “suk, [kuht] fah konauk.”5
Ahkluo, kawuckihnyac luhlahlfongi lowos ke ma kahlwem ac suwohswohs ke wosasuc. Fwefwelac lasr uh in som yohk nuh ke mwe luti ngwetlah loal ke luhlahlfongi ke nwacsnwacs iyacn olwelah ac akwuck, ac ke mukwikwi fihsracsr emet luhn alu.
Tahmtahel misineri se tuh sruhmuhn ke mukul tolu el sun ke tistrik kanfracns se Africa. Elos tuhkuh liki mura srenglah loeslac innimac se yen ma Alu uh soenna akwucki tuhsruhk oasr mwet mempucr na kuh [singucul limekohsr] 15 ac apkuhran in [longoul] 20 mwet sirape an. Wik luo kuhtuh elos koto falkacltahl, fuhfahsryucsr mael [tolfoko 300] (480km) ke inkacnek fuhrahrrahr ke puhlan pacl in af, tuh elos in wi kanfracns ac us mwe sang sie tahfuh singucul sin mempucr ke u lalos uh. Elos plwacn in muhta wik na fohn se in kuh in ipeis ke kuhfa luhn Leum sacnri tok ah ac finsrak elos in mukwiyak us pohk sesseslah ke Puk luhn Mormon fin sifaclos in sang nuh sin mwet ke mura lalos an.
Misineri uh fahkwack luhlahlfongi kac lah fuhkah puhla lal ke usrnguck suc tamuhlwel inge fahkwack ac mihsaclah lalos in ipeis ma suc nuh sel arlac ohlah pacl nuh kwewa.
El motko: “Nga nuhnkuh sihk sifacna: fin nga tuhkahkwack ke sie lututacng in Sacnri e Arizona ac konwacack lah stosah okuhk tiac orekma, kuh Nga e fahsr ne ke lohm alu ma oasr ke block ekahsr liki lohm uh? Kuh nga e tari muhta na in lohm uh ke arlac loes uh kuh ma ke af uh?”6 Kihsen siyuck wowo pa inge kuht in motko kac.
Sahflah, Nga ke suli kowos in suk ac tarilac ke ahtolyuck luhn Nguhn Muhtahl. Inkaiyacn wolacna ke wosasuc uh tiac kuh in akihlenyuck puhla luhn mahno. Pa inge ma “Ma su mwet uh soenna liye ku lohng, Ma se su mwet uh soenna nunkauk mu ku in sikyak, Pa ma se ma God El akola nu selos su lungse El.”7
Ke Nguhn oasri yohrohsr, moul in nguhn lasr lihksreni na kahlwemwack ac esamtwen lasr lahluhi kuht in tiac muhlkuhnlah na usrnguck ac sain suc kuht wi fahkwack kac tari. Pa oruh, ke elos etuh lah Jisus El apkuhran in som, Mwet tuhma lutlut Nephi Lal pruhe arlac kuh “ke ma elos kena kac emet; ac elos kena tuh Nguhn Muhtahl in ituckyang nuh selos.”8
Elos ne liye Mwet Lahngo ke muhtahlos ac puhla kihnet ke El paholos sifacna, elos etuh lah luhlahlfongi lalos uh kuhna in muhnahslah, fin tiac kwac ahksasucyeyuck ke kuh luhn Nguhn luhn God. Tamuhlwel ac tahmtahel luhk, nimet kom srackna oruh kuhtwena ma in ahklusye mwe sang sacohk ac wolacna se—ahtolyuck luhn Nguhn Muhtahl. Suk kac ke pruhe na yohk ac moul suwohswohs.
Nga fahkwack luhlahlfongi luhk lah orekma se kuht eis kuht nuh kac inge el orekma na wolacna ac usrnguck se. Ke kuht ukwe Jisus Kraist, God El ahkkahlwemye nuh sesr, “mwenmen ac ma usrnguk puspis, ac ke El kitalik mwe kite ke Ngun Mutal, fal nu ke lungse lal.”9 Ke lwen se inge, Nga fahk luhlahlfongi lah ma usrnguck ac wolacna luhn wosasuc kawucki kuh ke mwe sang wolacna nuh kwewa luhn God uh—Iwaclah luhn Mwet Lahngo. Pa inge mwe sang wolacna se Pahpah ac Wen, tuhkweni ke srihpac, in acse nuh sesr kais sie. Wi kom “Nga tu fwefwelac ke lunges Jisus El acse nuh sihk. … Wes, kuh sel wolacna, wolacna nuh sihk!”10
Tuh nga finsrak tuh muhtahsr in kwac liye, insrwacsr in lohng, insiyacsr in akihlen ma usrnguck ke wosasuc wolacna se inge ke pruhe luhk ke inen Jisus Kraist, amen.