Mwe Sang luhn Luhng Kuhlwacng
Sel Prestuhn Dieter F. Uchtdorf
Mwet in Kahsruh Ahkluo ke Prestuhnsi Se Met
Mihsenge ac pahtpaht luhng kuhlwacng luhn God oasr nuh sin mwet nuh kwewa suc insiyac pa inse puhsisacl ac suc nguhn pa toasr.
Ke Sacnri luhn Istuh kuht ahkfuhlwactye mukwikwi ma tuhpanyuck yohk emet ac ma wolacna tuh sikyak ke sramsram mahtuh luhn facluh.
Pa lwen se ma tuh ekuhllah ma nuh kwewa.
Ke lwen sac, moul luhk uh eklac.
Moul lowos eklac.
Inkacnek nuh tok luhn tuhlihk nuh kwewa nuhtin God eklac.
Ke lwen ahkinsewowoyeyuck se ingacn, Mwet Lahngo luhn mwet uh, suc eis nuh facl Sifacna sein luhn ma koluk ac misac ma kaprikuhti, kuhnaoslah sein uh ac ahksukohsohkye kuhtlac.
Ke srihpen kihsackuhnlah luhn Mwet in Molwelah lasr, misac tiac ngal, kuclyuck an tiac itto,1 Wacngihn kuh ne tok lal Setuhn, ac God “El ase nu sesr sie moul sasu ke ElakmoulyalakJesus Christ liki misa. Ma se inge nwekkutla ke sie finsrak moul.”2
Pwacyena, Mwet Sap Paul el fahk ma pwacye ke el fahk lah kuht kuh in “Ke ma inge, kowos in akkeye sie sin sie ke kas inge.”3
Kuhlwacng luhn God
Kuht kwacna sramsram ke Iwaclah luhn Mwet Lahngo—ac suwohs in oruh ohinge!
Ke kahs lal Jacob, “Tuh efuh tiac sramsramkihn iwaclah luhn Kraist, ac eis sie etwacack suwohs Kacl, oacna in eis etwacack ke moulyak ac facl se tok uh?”4 Tuhsruhktuh ke kuht “sramsramkihn Kraist, … kaksakihn Kraist, … luti kacn Kraist, [ac] palye ke Kraist”5 ke kuhtwena pacl kuht kuh, kuht tiac kuh in kahkahsrihk ohiyacn kuloh ac tarilacna ke kihsackuhnlah sin Wen nuhtin God.
Iwaclah luhn Mwet Lahngo tiac kuh in fihsracsr ke mwe luti lasr, sramsram lasr, kuh insiyacsr. Ma inge sacohk ac muhtahl, tuh ke srihpen ma inge “kihsac yohk ac sahflah” tuh Jisus suc Kraist El “sang molwelah nuh selos nuhkwewa suc fah luhlahlfongi ke Inel.”6
Nga lut in nuhnkuh lah Wen nuhtin God El ac tuhkuh lucng me in molikuhtlac, ke srihpen kuht fohkfohk, oruh tahfonglac pacl puhs, ac tiac tarilacna inkaiyen pacl uh. Nga srihke in kahlwem ke Iwaclah luhn Mwet Lahngo ke nuhnkuh srihk luhk, ac ma nga kuh in ahkuhtweyac pa: God El luhngse kuht yohk, suwohswohs, ac ma pahtpaht. Nga tiac kuh in muhtwacwacack in pakiyac “sralapa, lusa, fulata ac loaliyen lungse yoklana lun Christ.”7
Sie srihkasrak kuh ke luhngse inge pa ma ma suhmuhslah pahngon pacl puhs luhng kuhlwacng luhn God—mwe kahsruh lucng me ac mwe sang muhtahl luhn kuh ma kuht mwet sesuwohs ingena kapwack nuh ke mwet wolacna ke ma pwacye ac kahlwem, nuh ke kuht ahkkweyeyucklac ke ma pwacye ac etuh ma nohfohn.”8
Luhng kuhlwacng luhn God se inge ma arulacna wolacna se. Tuhsruhktuh pacl puhs mwet uh tiac kahlwem suwohs kac.9 Ke ma inge, kuht enenuh in etuh ke luhng kuhlwacng luhn God kuht fin ke utyak nuh ke acn ma ahkolah nuh sesr ke tohkohsrahi ma pahtpaht Lal.
Ke srihpac se inge nga ke sramsram ke luhng kuhlwacng. Yohk nuh kac, ma se met, luhng kuhlwacngikacslah fuhkah motonwac luhn inkuhsrao, ac ahkluo, ohiyac fuhkah ma inge ikacslah winto luhn inkuhsrao.
Ma Se Met: Luhng Kuhlwacng Ikacslah Motonwac luhn Inkuhsrao
Ke srihpen kuht nuh kwewa “orekma koluk, ac elos mukewa tia sun lupan wolana se ma God,”10ac ke srihpen “kuhtwena ma fohkfohk ilyak nuh ke tohkohsrahi luhn God,”11kuht nuh kwewa suhfal in fohlohk in muhta yurin God.
Finne kuht kuhlwacnsapuh God ke nguhnasr nohfohn, ma ingacn tiac fal; mweyen kuht ac srwackna “mwet kuhlwacnsap wacngihn srihpac.”12 Kuht tiac kuh in sifacna utyak nuh ke inkuhsrao; nuhnuhnkuh suwohs srwackna tu, ma kuht tiac kuh in kuhtanglah sifacna.
Tuhsruhktuh ma nuh kwewa tiac tuhlac.
Luhng kuhlwacng luhn God pa finsrak ma yohk emet ac ma pahtpaht.
Nuh ke kihsac luhn Jesus Kraist, plwacn luhn pahkomuhta ahkfalye nuhnuhnkuh suwohs13 “ac sang inkacnek nuh sin mwet uh tuh elos in kuh in luhlahlfongi in auliyak.”14
Ma koluk lasr uh, finne tuhn sruhsrahlah ke ma koluk, kuh in oulyucklac in fasrfasr oacna snow.15 Ke srihpen Mwet Lahngo lasr “sifacna eisalang in mwe molela nu sin mwet e nukewa,”16 acn se in utyak nuh ke tohkohsrahi ma pahtpaht Lal ma el use nuh sesr.17
Motonwac uh tiac lakiyucki!
Tuhsruhktuh luhng kuhlwacng luhn God tiac ikihlkuhtlac nuh ke ohiyac met lasr uh. Fin kalmacn molwelah pa eslah tahfonglac ac ma koluk lasr muhkwena, na molwelah—finne ma wolacna se—tiac ahkfalye finsrak luhn Pahpah kacsr. Finsrak Lal pa fuhlwact likina: El kena tuhlihk mukul ac muhtwacn Nahtuhl in oacna El.
Ke mwe sang ke luhng kuhlwacng luhn God, inkacnek luhn mwet tuhma lutlut tiac som nuh ten; tuh som nuh lucng.
Ma inge kol nuh ke acn lucng ma kuht tiac kuh in kahlwem kac! Ac kol nuh ke moul ma pahtpaht ke tohkohsrahi celestial luhn Pahpah tuhmasr Inkuhsrao, acn se kuht, rauniyucklac sin mwet kuht luhngse, eis ke ma fohnlah, ac wolacna lal.18 Ma nuh kwewa ma lasr, ac kuht pa ma luhn Kraist.19 Pwacyena, ma nuh kwewa luhn Pahpah El ac fah use nuh sesr.20
In usrui wolacna se inge, kuht enenuh yohk likina motonwac ma tiac lakiyucki; kuht enenuh in utyak ahluhkwelah motonwac se inge ke insiac ma kena eklac—eklac se ma yohk oruh ma suhmuhslah ahkuhtweyac ma inge “in sifil pac isuslac; ahok, isuslac sin God, ekuhllah moul in ikoac [lasr] ac moul in puhtatlac, nuh ke sie moul suwohswohs, iweyucklac sin God, eklac wen ac acn nahtuhl.”21
Ahkluo: Lucng Kuhlwacng Ikacslah Winto luhn Inkuhsrao
Sie ip sahyac ke lucng kuhlwacng luhn God pa ikacslah winto luhn inkuhsrao, ke ma God El okwaclah mwe insewowo luhn kuh ac ahkkweyeyuck, ma lwelah kuht in ahkfalye ma ma kuht tiac kuh in oruh met. Ke luhng kuhlwacng wolacna luhn God oruh tuhlihk Nahtuhl kuh in kuhtanglah ma sensen ac mwe sruhf luhn Setuhn, kuhtanglah ma koluk an, ac “ahksuwohsyeyucklac ke Kraist.”22
Finne kuht nohfohn oasr mwe muhnahs lasr, kuht kuh in kuhtanglah ma ingacn. Pwacyena lah ke luhng kuhlwacng luhn God oruh, kuht fin insepuhsisacl sifacna ac oasr luhlahlfongi, ma muhnahs kuh in eklac nuh ke ma fokoko.23
Nuh ke moul lasr uh, luhng kuhlwacng luhn God sang mwe insewowo luhn mahno ac mwe sang luhn nguhn ma ahkfokokoye ma kuht kuh in oruh ac ahkwoye moul lasr uh. Luhng kuhlwacng Lal ahksuwohsye kuht. Luhng kuhlwacng Lal kahsrwe kuht in sun ohiyac wo emet lasr sifacna.
Suc Fal in Wi?
Ke Pwacpuhl kuht riti ke Kraist El som muhtwacta ke lohm sel Simon suc Mwet Pharisee se.
Ke ma liyeyuck sin mwet, Simon el luhman mukul wo ac suwohs se. El ahkfalye tahk lal ke ma kunacn alu an: el karihngihn masap, moli sie tahfuh singucul lal, liyacng lwen in Sahpuht, pruhe lwen nuh kwewa, ac som nuh ke alu.
Tuhsruhktuh ke Jisus el oasr yohrohl Simon, muhtwacn se tuhkuh, twacnlah niyacn Mwet Lahngo ke sron in muhtahl, ac mosrwelah Niyacl ke oil kahsruhp.
Simon el tiac luhngse kain alu se inge, mweyen el etuh lah muhtwacn se inge oruh ma koluk. Simon el nuhnkuh lah Jisus El nihkihn ma inge, El tiac kuh in mwet pahluh se kuh El ac tiac lwelah muhtwacn se inge in kalilyac.
Ke srihpen el etuh nuhnak lal, Jisus El forlah nuh sel Simon ac siyuck kihsensiyuck an. “Oasr mwet luo soemoul nu sin sie mwet liyaung mani: … sie seltal soemoul ke ipin silver lumfoko, … ma se ngia ipin silver lumngual.
“Kewana mwet luo ah [kwewana] tia ku in akfalye ma el soemoul kac, na mwet liyaung mani sac el tari sisla soemoul laltal ah kewa. Ke ouinge, su kac seltal ac lungse mukul sac yohk uh?”
Simon el topuk lah ma ingacn pa ac eis nuhnak muhnahs ke ma yohk emet uh.
Na Jisus El luti lesin yohk se: “Kom liye mutan se inge? … ma koluk puspis lal nunak munas nu sel tari.”Mweyen el luhngse yohk: “Tusruktu el su eis nunak munas ke ma srik, lungse lal uh ac srik pac.”24
Ke mwet luo inge suc kuht oacna uh?
Yac kuht oacna Simon? Yac kuht kuh ac engan ke orekma wo lasr, luhlahlfongi ke suwohswohs lasr? Yac kuht sahp tiac mongfihsracsr ke kuht liye mwet suc tiac moulkihn ke ohiyac wo lasr? Yac kuht tiac porongo nuh ke sulwaclah lasr, mukwikwi oacna sie, wi toeni lasr, ullac nuh ke kuhlahs ke Ip Yohk luhn Wosasuc, ac orekmakihn cell phone lasr ke pacl luhn kuhfa luhn Leum?
Kuh kuht oacna muhtwacn se inge, suc nuhnkuh lah el tuhlac na pwacye ke wacngihn finsrak ke srihpen ma koluk uh?
Yac kuhtluhngse yohk?
Yac kuht kahlwem ke soemoul lasr nuh sin Pahpah Lucng ac siyuck ke nguhnasr nohfohn ke luhng kuhlwacng luhn God?
Ke kuht sikuckmuhtuhntei in pruhe, yac kuht ac oruh in fahk ma wo emet ke suwohswohs sifacna lasr, kuh kuht oruh in taltal koluk ke tahfonglac lasr, siyuck ke pahkomuhta luhn God, ac sang sronin muhta ke tarilacna nuh ke plwacn in molwelah wolacna sac?25
Molwelah tiac kuh in moliyucklac ke mani luhn ahkostwen; pa moliyucklac ke srahn Wen nuhtin God.26 In nuhnkuh oacna kuht kuh in orekmakihn orekma wo lasr in eis molwelah oacna moli ticket ke oaksohk uh na nuhnkuh lah airline uh ma ukacsr. Kuh nuhnkuh lah tukun kuht moli rent ke lohm sesr uh, kuht sruok pwepuh fin facluh nohfohn in ma lasr.
Na Efuh Ahkos?
Fin luhng kuhlwacng pa mwe sang luhn God, na efuh ahkostwen nuh ke masap luhn God yohk srihpac? Efuh enenuh masap luhn God—kuh auliyak, ke ma inge? Efuh tiac taltal koluk lah kuht oruh ma koluk ac lwelah God Elan molikuhtlac?
Kuh, in fihliyac kihsen siyuck ke kahs lal Paul, “Ya kut ac oru na ma koluk tuh lungkulang lun God fah yokelik?” Top lal Paul fihsracsr: “Mo, in tia ouinge!”27
Tamuhlwel ac tahmtahel, kuht ahkos masap luhn God—ke srihpen kuht luhngse El!
In srihke in kahlwem ke mwe sang ke luhng kuhlwacng luhn God ke insiyacsr nohfohn ac nuhnak use nuh sesr srihpac yohk in luhngse ac ahkos Pahpah tuhmasr Inkuhsrao ke fihlpacp ac tarilacna. Ke kuht fahsr inkacnek luhn mwet tuhma lutlut, el ahksuwohsye kuht, el ahkwoye kuht, el kahsrwe kuht in oacna El, ac kol kuht in fohlohk nuh ye muhtahl. “Nguhn luhn Leum Kuhlacna [God lasr]” oruh kuht in “sie eklac na kuh nuh sesr, … tuh wacngihnlac ke lasr in oruh ma koluk, tuh in tahfwelah in oruh wo.”28
Pwacnwacng, ahkostwen lasr nuh ke masap luhn God eklac in sie ma sikyak ke luhngse ac tarilacna ma pahtpaht lasr ke ma wo luhn God. Kain luhngse ac tarilacna suwohswohs an fah ekuhllah ma kuht oruh in wi luhng kuhlwacng luhn God. Ma wo ac nahwuh nuhnak lasr pacl nuh kwewa, ac kuh lasr fah ahkfokokoyeyuck ye muhtuhn God.29
Tamuhlwel ac tahmtahel sacohk, moulkihn wosasuc ke luhlahlfongi tiac ma toasr se. Pa ma engan—ma in ahkolah in eis wolacna yohk luhn ma pahtpaht. Kuht suk in ahkos Pahpah tuhmasr Inkuhsrao ke srihpen nguhn lasr ac fah porongo nuh ke ma luhn nguhn. Kuht ac etwaclah ma kuht nihkihn met ah. Lahlmwetmwet ac kahlwem fah tuhkuh nuh sesr ke kuht oruh ma luhngse luhn Pahpah.30
Luhng Kuhlwacng pa mwe sang luhn God, ac kena lasr in ahkostwen nuh ke kais sie masap luhn God pa ohiyac kuht lwelah Pahpah tuhmasr Inkuhsrao in etwekuht ke mwe sang muhtahl.
Ma Nohfohn Kuht Kuh In Oruh
Mwet pahluh Nephi el sang ma yohk se in kahsruh kahlwem lasr ke luhng kuhlwacng luhn God ke el fahk: “Tuh kuht oaru orekma … in mokleack tuhlihk nahtuhsr, ac oacyacpac mwet wiyacsr, in luhlahlfongi Kraist, ac in fohlohkyang nuh yurun God; tuh kuht etuh lahke luhng kuhlwacng kuht moliyucklac, tukun ma nuhkwewa ma kuht kuh in oruh.”31
Tuhsruhktuh, nga motko lah kuht fin tiac kahlwem ke kahs “tukun ma nuhkwewa ma kuht kuh in oruh.” Kuht enenuh in kahlwem lah “tukun” tiac oacna sie nuh ke “ke srihpen.”
Kuht tiac moliyucklac “ke srihpen” ma nuh kwewa ma kuht oruh. Yac kuhtwacna sesr oruhnohfohnma kuht kuh in oruh? Yac God El sano nuh ke kuht orekmakihn kuhiyacsr nohfohn met liki El ac utyak nuh ke moul lasr uh ke luhng kuhlwacng in molwelah Lal?
Mwet puhspuhs puhla suhfal ke srihpen elos tiac ahkfalye ma nuh kwewa. Elos etuh sifacna lah “ngun lungse, a ikwa munas.”32 Elos wi fahk ke puhsrwaclos yohrohl Nephi ke el fahkwack, “nguhnihk kweoklacna ke srihpen ma koluk luhk.”33
Nga luhlahlfongi lah Nephi el etuh luhng kuhlwacng luhn Mwet Lahngooruh aclwelahkuht in kuhtanglah ma koluk. 34 Pa oruh Nephi el orekma upac in kai tuhlihk nahtuhl ac mwet uh “in luhlahlfongi Kraist, ac in fohlohkyang nuh yurun God.”35
Tukun ma nuh kwewa, pa ingacn makuht kuh in oruh! Ac paigacma kunacsr ke moul inge!
Mwet Nuh Kwewa Kuh In Eis Luhng Kuhlwacng
Ke nga nuhnkuh ke ma Mwet Lahngo El oruh kacsr met liki Sacnri Istuh se met, nga ke lihksreni fahk ke puhsrek ahkfuhlwact nuh in God Kuhlwacna ac Wen Nahtuhl, Jisus Kraist!
Motonwac luhn inkuhsrao tiac lakiyucki!
Winto luhn inkuhsrao ikacklah!
Luhng kuhlwacg mihsenge ac ma pahtpaht luhn God oasr nuh sin mwet nuh kwewa suc insiyac uh puhsisacl ac suc nguhn la uh toasr.36 Jisus Kraist El oraclah inkacnek kuh in muh kuh in som nuh acn lucng ma nuhnak luhn mwet ke facluh tiac kuh in kahlwem.37
Nga pruhe tuh kuht in liye ke muhta sasuc ac insiyac sasuc ma yohk srihpac ma pahtpaht ke kihsac in iwaclah luhn Mwet Lahngo. Nga pruhe tuh kuht in ahkkahlwemye luhngse lasr nuh sin God ac tarilacna ke mwe sang luhn luhng kuhlwacng ma pahtpaht luhn God ke kuht karihngihn masap Lal ac engankihn “moulkin sie moul sasu.”38 Ke ine muhtahl luhn Mwet Kol ac Mwet in Molwelah lasr, Jisus Kraist, amen.