Sulwaclah in Luhlahlfongi
Sel Elder L. Whitney Clayton
Ke Prestuhnsi luhn Mwet Itngucul
Mwet Lahngo El sang wosasuc Lal in oacna kahlwem se in kol mwet suc sulwaclah in luhlahlfongi ac Ukwacl.
Jacnweri tari ah, Sailor Gutzler suc yac itkohsr ac sucu lal kahsruhsr ke oak sohk ke Florida nuh ke Illinois ke oak sohk srihk soko. Pahpah tuhmwacl Sailor el kahsruhsr. Tiac paht tukun fongweni, oaksohk soko ah sun elyah in muhsahllah ac puhtatlac nuh lun inging lohsr na pwacye luhn acn Kentucky uh, oan kipucrtuyak ke sie atac na kwacoh. Mwet nuh kwewa misac sahyacn Sailor ke ongaiyac sacn. Pahol muhsahllah ke acksitacn sac. El eis kihneta ac fahluhk lal tuhlac. Temperature an pa degree [tolngoul oalkosr] 38Fahrenheit (3 degrees Celsius)—el mihsrihsr, ke fong afi ke Kentucky—ac Sailor el nukumyac tuhrasis fototo, furok, ac sie sock.
El tuhng ke ninac ac pahpah tuhmwacl, tuhsruhktuh wacngihn topuk. In eis puhlaik nuh kwewa lal, el muhtwacack fahsr nuh ke acn mwesis sacn in sokwack kahsruh, el fahsr ahluhkwelah infacl, luhf, ac blackberry briars. Ke muhtuhn finohl srihk ac, Sailor el liye kahlwem se ke acn loes, apkuhran mael se. El fahsr ac puhtatlac ke lohsr ac sahk nuh ke kahlwem sacn, tukun pacl ekahsr el ohsun nuh ke lohm sin mukul kuhlwacng se suc el soenna ohsun nuh sac met ah suc sa in kahsrwel. Sailor el sef. Tiac paht el ituckyang nuh ke lohm ono ac kahsrweyuck in wolac.1
Sailor el moul ke srihpen el liye kahlwem se ke acn loes ac tiac fuhlweack in ohsun acn sacn finne acn upac, ongaiyac loal el ohsun nuh kac, ac kihnet el eis kac. Upac in motko ke ma Sailor el kuh in oruh ke fong se ingen. Tuhsruhktuh ma kuht etuh an pa el akihlen ke kahlwem luhn lohm loesloes ohiyac se in moliyucklac. Oasr finsrak. El eis puhlaik ke ma pwacye muh finne kuh in ma upac inge, molwelah lal kuh in konweyuckyak ke kahlwem sacn.
Suhpuhs sesr ac fah enenuh muhtweng kain ma sikyak koluk oacna Sailor. Tuhsruhktuh kuht nohfohn, ke pacl se kuh sahyac, fah enenuh fahsr ke acn mwesis luhn nguhn lasr ac ahkfalye fuhfahsryucsr lasr sifacna ke ma upac luhn nuhnak. Ke pacl ingen, finne losr kuh luhman oacna wacngihn finsrak, kuht fin suk ke ma ingen, ac fah oasr kahlwem luhn nguhn pacl nuh kwewa ma kai kuht, ac use finsrak ke molweyucklac ac ahkkweyeyucklac. Kahlwem se ingen ahkkahlwemyeyuck sin Mwet Lahngo luhn mwet nuh kwewa, suc pa Kahlwem luhn Facluh.
Kahlwem ke kahlwem luhn nguhn uh sienna liki liye kahlwem uh. Akihlenyacn kahlwem ke nguhn luhn Mwet Lahngo uh muhtwacack ke kena lasr in luhlahlfongi. Ma se met uh God El enenuh kuht in kena in luhlahlfongi. “Kowos fin acsmaklac ac moklweack nuhnak lowos an … ac oruh sieipin luhlahlfongi,” mwet pahluh Alma el luti, “ahok, finne kowos tiac kuh liki na inkena in luhlahlfongi, lwelah kena se inge in orekma in kowos, finne ke na kowos luhlahlfongi ke sie ohiyac ma kowos kuh in sang acn se nuh ke sie ipin kahs [luhn Mwet Lahngo].”2
Pahng luhn Alma nuh sesr in kena in luhlahlfongi in “sang acn” ke insiyacsr in lwelah kahs luhn Mwet Lahngo in ahkacsmakihnye kuht lah luhlahlfongi enenuh sulwaclah sifacna ac mukwikwi. Kuht enenuh “acsmaklac ac moklweack nuhnak [lasr] an.” Kuht siyuck met liki ituckyang nuh sesr; kuht suk met liki kuh konwacack; kuht tongtong met liki ikacklah nuh sesr. Na uliyucklac nuh sesr ohinge: “Tuh mwet nuhkwewa suc siyuck, eis; ac kuhtwena mwet suc suk, konwacack; ac nuh sel suc tongol, ac fah ikacklah.”3
Wacngihn siyuck sahyac ma yohk liki ma sin Mwet Lahngo sifacna suc siyuck kacsr in luhlahlfongi ke orekma Lal fin facluh ke El topuk nuh ke mwet lohng Lal suc suhlahlahlfongi:
“Nimet lulalfongiyu nga fin tia oru ma Papa tumuk El lungse ngan oru.
“Tusruktu nga fin oru, kowos finne tia lulalfongiyu, kowos in lulalfongi orekma luk, tuh kowos fah ku in etu na pwaye lah Papa El oasr in nga, ac nga in Papa.”4
Kais sie lwen kuht ohsun nuh ke mwe srihke se. Pa mwe srihke ke moul lasr uh nohfohn: yac kuht ac sulwaclah in luhlahlfongi El ac lwelah kahlwem luhn wosasuc Lal in lihksreni kapwack in kuht, kuh kuht ac lahfwekihn in luhlahlfongi ac kalweni fahsr ke lohsr? Mwet Lahngo El sang wosasuc Lal in oacna kahlwem se in kol mwet suc sulwaclah in luhlahlfongi ac Ukwacl.
Tukun acksitacn an, oasr sulwaclah se lal Sailor. El kuh in sulwaclah in muhta sisken oaksohk ke lohsr, muhkwena ac sahngweng. Tuhsruhktuh oasr fong loes tohkoh, ac acn se ingen ac ohyohuyak. El sulwaclah sie ohiyac sahyac. Sailor el fanyak ke finohl ah, ac ke acn sacn el liye kahlwem se ke acn loes ah.
Kais kuhtuh, ke el fahsr ahluhkwelah fong nuh ke kahlwem, kahlwem uh lihksreni. Srackna, sahp oasr pacl ke el tiac kuh in liye kahlwem an. Sahp el tiac kuh in liye ke el oasr ke acn ten kuh yac sahk soko, tuhsruhktuh el tiac fuhlweack. Ke pacl el kuh in liye kahlwem an, oasr mwe loh lal Sailor lah el oasr ke inkacnek suwohs. El soenna etuh suwohs ma oasr ke kahlwem, tuhsruhktuh el kalweni fahsr nuh kac ke srihpen ma el etuh, luhlahlfongi ac finsrak muh el ac sifilpac liye el fin kalweni fahsr ke ikusyacn wo. Ke el oruh, el molwelah moul lal.
Moul lasr kuh in oacna pac. Sahp oasr pacl ke kuht ngal, ke kuht ullac, ac ke moul lasr luhman lohsr ac ohyohu. Sahp oasr pacl ke kuht tiac kuh in liye kahlwem ke acn an, ac kuht puhla oacna kuht ke fuhlweack. Kuht fin kuh in luhlahlfongi, kuht fin kena luhlahlfongi, kuht fin sulwaclah in luhlahlfongi, na mwe luti ac srihkasrak luhn Mwet Lahngo fah ahkkahlwemye nuh sesr inkacnek in fahsr nuh met kac.
Sulaclah in Luhlahlfongi
Oacna Sailor el luhlahlfongi lah el kuh in konwacack acn sef ke kahlwem loes, kuht enenuh pac sulwaclah in ikacslah insiyacsr nuh ke ma pwacye lucng luhn Mwet Lahngo—nuh ke kahlwem ma pahtpaht Lal ac pahkotwen Lal ma mwe ono. Mwet pahluh ke pacl ah nohfohn kwacfe kuht ac finne siyuck kuht in luhlahlfongi in Kraist. Mwe suli lalos ahkkahlwemye ma pwacye fihsracsr se: God El tiac oruh kuht in luhlahlfongi. Sahyac na El suli kuht in luhlahlfongi ke El suhpwaclah mwet pahluh ac mwet sap in luti kuht, in sang ma suhmuhslah, ac moklwe kuht nuh ke Nguhn Lal. Kuht pa elos suc enenuh sulwaclah in ukwe mwe suli luhn nguhn ingen, sulwaclah in liye ke muhtuhn nguhnasr kahlwem luhn nguhn ma El pahngon kuht kac. Sulwaclah se in luhlahlfongi pa sulwaclah se lasr ma yohk srihpac emet. Sulwaclah nuh kwewa lasr wiwina sulwaclah ingen.
God El tiac oruh kuht in luhlahlfongi oacna El tiac oruh kuht in karihngihn kuhtwena masap an, finne kena suwohswohs Lal in ahkinsewowoye kuht. Tuh pahng Lal nuh sesr in luhlahlfongi El—in orekmakihn ip se luhn luhlahlfongi ac in sang acn se ke kahs Lal—srackna oasr mihsenge. Oacna Mwet Lahngo el fahk, “Nga fahkwack lah Pahpah El sapkihn mwet nuhkwewa, ke acn nuhkwewa, in auliyak ac luhlahlfongiyuc.”5
Luhlahlfongi ac fahkwack luhlahlfongi pa ip yohk ma enenuh mukwikwi. Ma inge tiacna sikyak na nuh sesr uh. Luhlahlfongi pa ma se kuht sulwaclah—kuht finsrak kac, kuht orekma kac, ac kuht kihsackuhnlah kac. Ac tiac acksitacn kuht in luhlahlfongi ke Mwet Lahngo ac wosasuc Lal oacna kuht tiac acksitacn ke kuht pruhe kuh moli sie tahfuh singucul. Kuht oaru in sulwaclah in luhlahlfongi, oacna kuht sulwaclah in karihngihn masap sahyac uh.
Fihliyac Luhlahlfongi nuh ke Orekma
Sailor el tiac kuh in etuh met fin ma el oruh ke el fahsr nuh ke sahk ac fah orekma nuh pwacye. El tuhlac ac ngal; lohsr ac ohyohu. Tuhsruhktuh el som liki oaksohk uh ac muhtwacack fuhfahsryucsr se ke finsrak in loangweyucklac, fan ac fahsr nuh met nuh ke el liye kahlwem ke acn loes. Ke pacl se el liye, el oruh ma el kuh in oruh in fototoi nuh kac, ac esam ma el liye ah.
Kuht oacyacpac na enenuh sang acn se ke finsrak lah kuht ac konwacack kahlwem luhn nguhn ke kuht eis luhlahlfongi sahyacn in sulwaclah tahfuh luo. Mukwikwi lasr pa mwe loh luhn luhlahlfongi ac eklac nuh ke mwe ahkpwacye luhn luhlahlfongi lasr. Kuht sulwaclah in luhlahlfongi ke kuht pruhe ac ke kuht riti ma suhmuhslah. Kuht sulwaclah in luhlahlfongi ke kuht lalo, ke kuht karihngihn Lwen in Sabbath in muhtahl, ke kuht alu lun tempuhl, ac ke kuht riti ma suhmuhslah. Kuht sulwaclah in luhlahlfongi ke kuht pacptaislac ac ke kuht ipeis ke kuhfa luhn Leum. Kuht sulwaclah in luhlahlfongi ke kuht auliyak ac suk nuhnak muhnahs muhtahl ac luhngse in ono.
Tiac Fuhlweack
Kuhtuh pacl ma luhn nguhn luhman suhmuhi kuh tiac pacl nuh kwewa in eklac. Kuhtuh pacl uh sahp kuht puhla oacna kuht fohlohk nuh ten, muh kuht tahfonglac, kuh orekma lasr in konwacack Mwet Lahngo tiac orekma. Kom fin puhla ohinge, nuhnak muhnahs tiac fuhlweack—tiac. Kalweni fahsr ke luhlahlfongi nuh Sel ac wosasuc Lal ac Alu Lal. Liyacng mukwikwi lom in wi luhlahlfongi sacn. Ke pacl ma kahlwem luhn luhlahlfongi lom srihkweni, lwelah finsrak lom ke luhngse ac pahkotwen luhn Mwet Lahngo, konwacyuckyak ke wosasuc Lal ac Alu lal, in kuhtanglah tahfuh luo lom. Tukun kuhtuh pacl kom ac liye lah kom oruh sulwaclah wo likina sulwaclah nuh kwewa sahyac. Sulwaclah puhlaik se lom in luhlahlfongi in El fah ahkinsewowoye kom ma pahtpaht.
Mwe Insewowo luhn Luhlahlfongi
Nga nuh puhla luhngse pahkotwen luhn Mwet Lahngo in moul luhk uh. Nga nuh sokol ke pacl lohsr luhk sifacna uh, ac El nuh tahfwema nuh sihk ke kahlwem in ono Lal. Sie sin mwe engan luhk ma yohk emet ke moul luhk uh pa in wi muhtwacn kiyuck, Kathy, in muhtwacta yurin mempucr ke Alu uh ke acn puhs facluh uh. Muhtwacta wowo inge tuh lutiyuc ke luhngse luhn God nuh sesr. Muhtwacta inge ahkkahlwemye nuh sihk kuh wacngihn sahflahiyac uh nuh ke engan ma pa mwe insewowo nuh selos suc sulwaclah in ukwe mwe luti luhn Leum Jisus Kraist. Nga nuh etwaclah muh in luhlahlfongi in El ac ke kuh in molwelah Lal pa inkacnek pwacye nuh ke mihslac ke facluh se inge, ac moul ma pahtpaht ke facluh in tuhkuh.”6
Nga fahkwack lah Jisus Kraist pa ohiyac in eis kahlwem ac finsrak nuh sin kais sie sesr. Nga pruhe tuh kuht nohfohn ac sulwaclah in luhlahlfongi El. Ke inen Jisus Kraist, amen.