Maiu n ti te arona ma taan Kairiiri n te Ekaretia
Ko tei ma taan kairiiri n te Ekaretia n te aonaaba ae rootongitong bwa ko aonga ni kabutaa nako Ootan Kristo?
Ti anga ara butimwaai n iraorao nakoia Mataniwi ni Kabuta aika tibwa weteaki, Itingaun te Aono, ao aika kakateke, beretitentii ni kabuta aika boou n te Moanrinan. Ao ma ara kakaitau mai nanora, ti karabwaia naake a tia ni kamotirawaaki. Ti tangiri ngkami, ni kabane.
Tariu ao mwaneu aika tangiraki, ti a bon tibwa irii waaki n taneiai aika moan te kakabwaiaki ngkai ti katei baira ni boutokaia burabeti, taan mamata, ao taan kaotioti ao taan kairiiri tabeman ao aobitia ni kabuta ake a weteaki mairoun te Atua ni boong raoi aikai. I aki namakina te kaokoro ke tai ae riai ni boutoka ao ni kairaki irouia ana toro te Uea. Ao I a tibwa kamatoaki tabeua namwakaina n nako n nakoau ae boou n riki bwa kaain te Kooram n Abotoro n te Tengaun ma Uoman, I nanorinano man ami rinerine ni kamatoa ao am onimaki. I kawakin ami anganano n tei ma ngai ao ma taan kairiiri ni kabane aika kakannato aikai.
E aki maan imwiin kamatoakiu n Okitobwa ae nako, I mwananga nako Pakistan ni katabeau ao, ni menau ikekei, I kaitibo ma Aomata aika Itiaki n te aba anne. Tii tabeman mwaitiia ma e korakora maiun tamneia. Teutana te tai imwiin okiran mweengaia, I karekea te rongorongo mairoun te Tari Shakeel Arshad, kaain te aro ae tangiraki ae I kaitibo ma ngaia ni mwanangau: “Ko rabwa Unimwaane Rasband, ibukin rokom i Pakistan. I kan tuangko bwa … ngaira kaain te Ekaretia … ti kamatoako ni katei baira ao ti tangiriko. [Ti] rangin ni kakabwaiaki ngkai ko mena ikai ao n ongora mairoum. Bon te bong ae kakauringaaba ni maiuia au utu bwa ti kaitibo ma te Abotoro.”1
Te kaitibo ma Aika Itiaki n aron te Tari Arshad bon te taneiai ae korakora ao n nanorinano ao ni kabonganai ana taeka, “te bong ae kakawaki” ibukiu naba.
N Tianuare, mataniwi n te Ekaretia a ira te kanakobwana ni Kaitara ma kairake ma aia mataniwi ao kaaro ni kabuta te aonaaba. E kanakoaki te kanakobwana iaon te Intanete nakon taabo aika mwaiti n aba aika 146; tabeua taabo a mwaiti aia aomata n te umwantabu, ao tabeman bon mweenga aika akea toaia ma temanna te kairake kaina. Mwaitia ni kabane, te tebubua ni ngaa aika mwaiti aika a karin.
N reitaki ma aomata aika koro mwaitiia, Titita Bonnie Oscarson, te beretitenti ni kabuta n te Bootaki n Ataeinnaine; te Tari Stephen W. Owen, te beretitenti ni kabuta n te Bootaki n Ataeinimwaane; ao Ngai—ti boutokaaki irouia taan touati mai rouia kairake, taan katangitang, ao tabeman—ni kaekai titiraki mai rouia ara kairake.
Oin ara kantaninga bon kabwarabwaraan aia Botoniango kairake ibukin 2016. “Waaki nako man teimatoa inanon Kristo,” man 2 Nibwaai, ike e warekaki: “Ngaia ae kam waaki nako man teimatoa inanon Kristo, ma ni kororaoi, ma tangiran te Atua ma aomata ni kabane. Ma ngaia are kam na waaki nako, ni kawakin ana taeka Kristo, ao n teimatoa ni karokoa te toki, ao taraia e kangai ana taeka te Tama: E na reke iroumi te maiu ae akea tokina.”2
Man warekan aia titiraki kairake aika tebubua mwaitiia, tera ae ti reiakinna iai? Ti reiakinna bwa ara kairake a tangira te Uea, a kamatoaia aia tia kairiiri, ao a tangiria bwa a na kaekaaki aia titiraki! Titiraki bon kauring n tangiran te reiakinaki riki, n reitan koaua akanne ni nneia inanon ara kakoaua, ao n riki bwa aomata aika tauraoi n “waaki nako man teimatoa inanon Kristo.”
Kaokan te euangkerio e moanaki ma iroun te kairake, ae Iotebwa Timiti, n tabekan ana titiraki. Angiin ana reirei te Tia Kamaiu ao Ana mwakuri e moanaki ma te titiraki. N uringakin Ana titiraki nakon Betero: “Ao ngkami kam taku ba antai Ngai?”3 Ao ana kaeka Betero: “Bon te Kristo ngkoe, are Natin te Atua are maiu.”4 Ti riai n ibuobuoki imarenara ni ukori ana kaeka te Tama are i Karawa rinanon ana kairi te Tamnei..
N te kanakobwana anne, I kangai nakoia kairake:
“Taan kairiiri n te Ekaretia aei a riai n atai rongorongomi, nakon tabeaiangami, ao ami kangaanga.
“Iai natira. Iai tibura. N angiin te tai ti ka kaitibo ma kairake ni kabane ni kabuta te aonaaba. Ao ti tataro ibukimi, ti kakarabakauakina taekami n taabo aika a tabu, ao ti tangiri ngkami.”5
I kan tibwa teuana mai ibuakon, kaeka aika a koro mwaitiia ake ti karekei man te tai ane e riki anne.
Lisa, mai Grande Prairie, Alberta, e koreia Canada: “Bon kakorakoraan au kakoaua ao au onimaki n te euangkerio. Ti rangin kakabwaiaki n iai ara tia kairiiri aika kairaki ake a tia ni weteaki bwa a na beku ni konabwai aika moan te mwaiti aika kakaokoro.”6
Liz, mai Pleasant Grove, Utah, e koreia n te katanoata mai imwaaina: “I kakaitau ibukin au onimaki ae onoti ao ni kamatoa te burabeti ao mwaane ao aine ake a beku ma ngaia.”7
We have sustained leaders today who, by divine inspiration, have been called to teach and guide us and who are calling out to us to beware of the dangers we face each day—from casual Sabbath-day observance, to threats to the family, to assaults on religious freedom, and even to disputing latter-day revelation. Brothers and sisters, are we listening to their counsel?
N angiin te tai n taian maungatabu, bootaki n toa, ao te Moanrinan, ti a tia n anenei mwanewen taeka aika marau. “Kairai, kawakinai, kaota te kawai.”8 Tera nanon taeka akanne nakoimi? Antai ae kam iangoia ngkai kam ongo mwanewen te anene anne? Kam a tia n namakina aia anainano taan kairiiri aika kororaoi, ana reirei Iesu Kristo ake a tia n anainano ni maiumi n taai ake ngkoa ao n reitinako n te bong aei, antai ake a nakonako ma ngkoe ni kawain te Uea? A bae ni kaan ma mweengam. A bae ni mena n am bootaki n taromauri ke n taetae man te tabo n taetae n te maungatabu ni kabuta. Abotoro aikai a tibwaua nakoira te kakabwaia ni karekea ara onimaki inanon te Uea Iesu Kristo, te tia kairiiri n te Ekaretia aei, taan kairiiri ibukin tamneimi, are a berita nakoira bwa ti riai n aki maaku, bwa te Atua e raoniira, ao e na memena irarikira.”9
I uringa Beretitenti Thomas S. Monson n tibwauakin te karaki ni kaoakina nakon mweengan ana beretitenti n te titeiki Paul C. Child ni katauraoi ibukin karikirakeana nakon te Nakoanibonga ae te Merekitereka. Bon te kakabwaia ae onoti ibukin Natin te Beretitenti, are e aki ataia n te tai anne e reirei na te ataeinimwaane ae kaain te Nakoanibonga ae te Aaron are n te taina ao e na riki ngaia bwa ana burabeti te Atua.10
Iai oin au tai ae reke n reiakinaki mairoun ara burabeti ae tangira, Beretitenti Monson. Akea au titiraki n au iango ke inanou bwa bon ana burabeti te Uea iaon te aba; I a tia n riki bwa te tia butimwaai bwaai ae nanorinano ngkai e karekei kaotioti ao ni mwakuria. E a tia n reireiniira bwa ti na tatauraoi n ibuobuoki, ni kataniira imarenara, ni kamaiuira imarenara. Ngaia e reiakinaki n Nein Moomon. Ake “iai nanoia iai … n a aranaki bwa a na botanaomata” n tauraoi “ni katoka i aomi rawawataia raomi,” “n tang ma ake a tang,” ao “n riki bwa taan kakoaua ibukin te Atua.”11
I tei n te bong aei bwa te tia kakoaua ibukin te Atua te Tama ae akea tokina ao Natina, Iesu Kristo. I ataia e maiu ara Tia Kamaiu ao e tangiriira ao e kairiia Ana toro, ngkami ao ngai, ni kakoroa bukin Ana kantaninga aika korakora n te aonaaba aei.12
Ngkai ti waaki nako, n rineia n iriira aia reirei ma aia kauring ara tia kairiiri, ti rineia ni iriira te Uea ngke te aonaaba e nakon are te iterana. Ti rineia ni kamatoa n taua te kai te biti, n riki bwa Aomata aika Itiaki, ni karaoan ana mwakuri te Uea, ao n onrake n te kimwareirei ae moan te bati.”13
Rikiraken te titiraki n te bong aei e mataata: ko tei ma taan kairiiri n te Ekaretia n te aonaaba ae rootongitong bwa ko aonga ni kabuta Ootan Kristo?
Te reitaki ma taan kairiiri e rangin ni kakawaki ao ni boongana. E aki kakawaki bwa iraua aia ririki taan kairiiri, kaanra ke raroara ngaiia, ke n ningai are a tia n riingi iai nanora, aia anainano e kaotaki n ana taeka te tia koro boem mai Amerika ae Edwin Markam, are e taekina aei:
Iai tokin kawaira are karikiira bwa taari ngaira:
[Akea temanna] ae toua kawaina n tii ngaia:
Bwaai ni kabane ake ti kanakoi nako nanon maiuia tabeman
A oki nakon oin maiura.14
Shakeel Arshad, raoraou i Pakistan, e anga ana boutoka nakoiu, tarina ao raoraona. Ngaia nakoimi naba. Ngkana ti tatauraoi ni kaungaira imarenara, ti na kakouai taeka akana a mwaakaroiroi akanne: “[Akea temanna] ae toua kawaina n tii ngaia.”
Ni bon arona, ti kainnanoa ara Tia Kamaiu, Iesu Kristo. Teuana te rongorongo man te boki ae tabu e roota tamneiu ngke e aerake Iesu Kristo ngke e nakonako iaon te ran bwa e na kaitibo ma Ana reirei ake a mwananga iaon te booti iaon Naman Kariraia. Aikai taan kairiiri aika a tibwa weteaki, n aroia angina ibuakora n te bong aei. E koreaki te rongorongo ni Mataio:
“Ao ngke e mena te boti i nukan te nama, ao e reimaurua n [te] nao: ba e tutuuki te ang.
“Ao ngke e a kan te ngaina, ao E nako ia Iesu n nakonako i aon te nama.
“Ao ana reirei, ngke a noria ba E nakonako i aon te nama, ao a maku, … ao a tang, ba a maku.
“But straightway Jesus spake unto them, saying, Be of good cheer; it is I; be not afraid.”15
Betero e ongo te wewete ni kaunganano ae kamiimi anne mairoun te Uea.
“Ao e kaeka Betero ni kangai, Te Uea, ngkana tao boni Ngkoe, ao Ko na tuangai ba N na nako Im i aon te ran.
“Ao e taku [Iesu], Mai.”16
E rangin ninikoria. Betero bon te tia akawa, ao e atai kangaanga i taari. Ngaia ae, e motinnanoia bwa e na iriira Iesu—n te bong ke te ngaina, iaon te booti ke iaon te aba.
I kona n iangoia bwa Betero e kiba nako aon te boti are te iterana, n aki tataninga te kauoua ni kakao, ao ni moanna n nakonako i aon te ran. Ni koauana, e taku booki aika a tabu, “E nakonako i aon te ran nakon Iesu.”17 Ngke e nora te ang ba e baibati, ao e maku; ao ngke e a tiba moa n i nako, ao e [takarua], ni kangai, Te Uea, Ko na kamaiuai.
“Ao Iesu E arora naba baina, n taua.”18
Aei bon te reirei ae mwaakaroiroi. E mena te Uea ikanne bwa e na buokiia, n aron ae E mena ikanne ibukimi ao ibukiu. E kaenakoa baina ao ni katika Betero Nakoina ao ni kamanoa.
I kainnanoa te Tia Kamaiu ao Ana kamaiu baina n taai aika a mwaiti. I kainnanoia ngkai nakon riki are mai imwaaina, n aromi n tatabemani ngkami nako. I namakina te onimaki n taai ake I kiba nakon iteran te booti, n aron te taetae, inanon taabo aika aki kinaaki, n tii ataia bwa I aki kona ni karaoia n tii ngai.
Ngkai ti marooro n i Taramata, angiin te tai te Uea e karoko iroura rinanoia ara utu ao taan kairiiri ni kaoira n nakomai Nakoina—n aron are E karoko iroun Betero ni kamaiua.
Ngkami naba e na reke ami tai ae mwaiti ni kaekai kakao aika oki oki n “nakomai nakon Kristo.”19 Tiaki anne oin raoi bukin te maiu ae mamate? Te wewete tao te roko ni kamaiua kaain te utu; n nakomai ni karaoa te mwakuri ni mitinare; n oki nakon te taromauri; n nakomai nakon te tembora ae tabu, ao ngkai tia tibwa tia n ongora mai rouia ara kairake aika tikiraoi n te tai ae riki n te itaramata ni marooro, nakomai, taiaoka buokai ni kaeka au titiraki. N te tai ae e a kaan roko ngaira n tatabemaniira nako ti na ongo te wewete “Okira mweengam.”
I tataro bwa ti na karoko—n ibuobuoki ao n taua bain te Tia Kamaiu are E kaenakoa nakoira, n taainako rinanoia Ana tia kariiri aika tabu ao kaain ara utu—ao n ongora ibukin Ana wewete n nakomai.
I ataia bwa e maiu Iesu Kristo; I tangiria, ao I ataia ma nanou ni kabane bwa E tangiriira n tatabemaniira nako. Boni Ngaia ara katooto ao te tia kairiia natin te Atua ni kabane. I a kaota koauan aei n aran Iesu Kristo, amen.