Muhta in God ac Ahkwoyelah Mahsrloelihk uh
Oasr sin Kraist kuh se in uskuhtme nuh ke aengani luhn luhngse yurin Pahpah ac yurin mwet sahyac uh.
Kuht enenuh in lihksreni ahkyohkye lahlmwetmwet ke ac ahkostwen lasr nuh ke Pahpah Lucng. Kuhpahsr lasr nuh Sel pa ma pahtpaht. Kuht pa tuhlihk luhngse Nahtuhl, ac inge tiac kuh in eklac. Fuhkah kuht in yohkwelihk kuh in insese wo liki met solsol Lal in apkuhran nuh Yohrohl ac na engankihn mwe insewowo El kena use nuh sesr ke moul se inge ac ke moul se tok uh.
Leum El fahk nuh sin Israel mahtuh ac El fahk nuh sesr, “Mwet Israel, nga nuna lunges kowos oemeet me, ouinge nga srakna fahkak lungse kawil luk nu suwos.”1 Sramsram oacna Pahpah Elan fahk nuh sesr lah kuht enenuh in muhta Yohrohl, ac El in kuht na oruh kuht enenuh in Weluhl fahsr.2 Yac kuht luhlahlfongi El fal in Welal ac fahsr Yohrohl?
Kuht oasr fin facluh se inge in lutlut ac kapwack, ac lutlut ac kapwack yohk srihpac emet uh ac tuhkuh ke kuhpahsr olwelah lasr nuh sin Pahpah Inkuhsrao ac Jisus Kraist uh. Ke kuhpahsr wowo lasr nuh Seltahl uh ac use etwacack luhn God, luhngse, kuh, ac sie puhla in kuhlwacnsuhpuh.
“Ma kunacsr in lutlut ke ma nuhkwewa God El fahkwack Kacl uh.”3 Kuht enenuh in kahlwem kac lah God Pahpah El sang kuh nuh sin Wen Nahtuhl, Jisus Kraist, in oraclah facluh nuh ke kapwack lasr, ohingacn Pahpah Inkuhsrao El use Wen Nahtuhl in oraclah iwaclah nuh ke molwelah lasr, na kuh luhn pristut Lal Pahpah ac Alu pwacye luhn Wen wi akwuck enenweyuck fohlohkihnyuckyak mwe insewowo lasr. Yac kom kuh in puhla loaliyacn luhngse Lal oasr ke ahkolah inge nuh ke engan ac kapkapwack lasr uh? Kuht enenuh in etuh lah plwacn in engan luhn Pahpah Inkuhsrao pa kuht in ahkos ma sap ac akwuck ke wosasuc ac eis moul ma pahtpaht ac eklac oacna God.4 Pa inge engan pwacye ac loes Pahpah Inkuhsrao El acse nuh sesr uh. Wacngihn engan pwacye ac loes sahyac.
Elyah lasr kuh in kihfucskuhtlac liki inkacnek luhn engan se inge. Kuht kuh in fuhlwelah kuhpahsr in luhlahlfongi lasr nuh sin God uh fin ma upac uh ahkmuhnahsye kuht likina in puhsisacllac ac pruhe.
Fahk na fihsrwacsr inge kwacfe kuht in konwacack ma yohk srihpac an.
Kuhtuh ma uh oasr srihpac, kuhtuh ma uh tiac.
Ma na ekahsr oan paht, tuhsruhk inkaiyac uh tiac.5
Tahmtahel, meac yohk srihpac nuh suwos? Meac ma loes nuh suwos? Sie ma wo oan paht sin Pahpah uh pa kuht lutlut Kacl, ahkpuhsisaclye kuht sifacna, kapkapwack ke ahkostwen nuh Sel ke oruh lasr facluh uh. El ke kuht in eklac nuhnkuh kac sifacna lasr uh nuh ke kuhlwacnsap, sahngweng lasr nuh ke luhlahlfongi. Ma oan paht inge kuh in mwe srihke na upac nuh sesr.
Ingena pa, pacl utuckuh lasr ke moul in ikoac, pa Pahpah El siyuck sesr in luhngse ke upac uh, in kuhlwacnsap ke kuhlwacnsap uh tiac elyah wo uh, in nuhnakmuhnahs ke kuht tahfuhluo kac uh. Fuhkah? Fuhkah kuht ac oruh? Kuht saplaklac ke kena yohk suk kahsruh luhn Pahpah Inkuhsrao, ke inen Wen Nahtuhl, ac oruh ma uh ke ohiyac Lal likina in insefuhlwact oruh ke ohiyac lasr sifacna.
Nga akihlen insefuhlwact luhk ke Prestuhn Ezra Taft Benson el sramsram ke ahknwacsnwacsye luhn vessel uh.6 Nga petsaciyucklac sifacna in sie petsac. Ngwac oruh fuhkah in eslah insefuhlwact ma oasr ke moul luhk uh? Sifacna pahtokyuc sifacna in puhsisacl ac srihke in pahtokyuck kuht sifacna in luhngse mwet sahyac uh tiac pwacye ac wacngihn kalmac, ac ke fihsracsr tiacna orekma. Ma koluk ac insefuhlwact lasr oraclah inmahsrlolihk—se kuh mahngwelihk se—inmahsrlosr ac acn luhngse nuhkwewa tuhkuh we, Pahpah Inkuhsrao.
Iwaclah luhn Mwet Lahngo muhkwena kuh in ahknwacsnwacsye kuht liki ma koluk lasr ac kaliyac mahsrol sacn kuh ma tulokihn.
Kuht ke rauniyucklac lun poun luhngse ac kolyuck luhn Pahpah tuhmasr Inkuhsrao. Na oruh kuht fihliyac luhngse Lal met ac ke sie inse muhsahl siyuck tuh Kraist Elan okwaclah unohn luhn kof in ahknwacsnwacs nuh lun petsac lasr. Mwet na ac kuh in tuhkuh tul nuh ke tul, tuhsruhk ke kuht suk, siyuck, ac ahkos ac tuhkuh yohk. Kof in moul se ac muhtwacack in nwekkuhtlac, ac kahk ke luhngse Lal, kuht kuh in isongyac petsac luhn nguhnasr ac akacsruhi koano uh nuh selos sahyac ma maluhkihn unweyac, finsrak, ac ma la. Ke insiyacsr lasr uh tuhkuh nwacsnwacs uh, kuhpahsr lasr fin facluh uh muhtwacack wolac.
Kihsac ke kena lasr sifacna uh enenuh in oraclah acn nuh ke plwacn ma pahtpaht luhn God. Mwet Lahngo, suc sramsram Lal Pahpah, wi kuht siyuck in fototo nuh Yohrohl ac El ac fah fototo nuh yohrohsr.”7 Fototo nuh yurin Pahpah kuh in kalmac pa lutlut ke ma pwacye Lal ke ma suhmuhslah, ukwe kahs in kahsruh luhn mwet pahluh, ac kwacfweacng in oruh yohk luhngse Kacl.
Kuh kuht kahlwem lah oasr sin Kraist kuh se in uskuhtme nuh ke aengani luhn luhngse yurin Pahpah ac yurin mwet sahyac uh? El, ke kuh luhn Nguhn Muhtahl, kuh in use sesr kuh in akihlen enenweyuck nuh ke kuhpahsr uh.
Mwet luti tuhlihk srihsrihk se fahk nuh sihk ke oruh na fokoko se ke kuhlahs se lal ke tuhlihk mukul yac 11 uh. Sie seltahl, suc ngwac pahnglol Jimmy suc muhkwena sruhnga wi oruh ma uh ke kuhlahs. Sie Sacnri ac, mwet luti sac tilac lesin ac fahk lah efuh el luhngse Jimmy. El fahk kuloh ac luhlahlfongi lal ke mwet fuhsr se inge. Na mwet luti sac siyuck tuhlihk ke kuhlahs sac in fahk nuh sel Jimmy ma eltahl srui sel kac uh. Ke tuhlihk ke kuhlahs, kais sie, fahk nuh sel Jimmy lah efuh el sacohk seltahl, tuhlihk mukul sac isyac sifacl ac sronin muhtahl muhtwacack kahk ke muhtahl. Mwet luti ac kuhlahs sac eslah puhla koluk se inmahsrlol Jimmy ac tuhlihk sahyac ah. Luhngse fihsracsr, ahkkahlwemye ke pwacye, sang finsrak ac yohk srihpac lal sin mwet sahyac. Nga pahngon ma se “ahkwoyelah mahsrloelihk uh kuh acn loes an.”
Sahp moul lasr ke sie facl luhn nguhn luhngse, pa oruh, kena lasr nuh ke, pwacye paht inge fin facluh uh. Kuht luhmweyucklac sin God in use luhngse ac in luhngseyuck, ac luhngse loal emet tuhkuh ke kuht ma se nuh sin God uh. Puk luhn Mormon suli kuht in “ahksuwohsye nuh [sin God] ke iwaclah luhn Kraist.”8
Isaiah el sruhmuhn kwaclos ma moulkihn masap luhn lalo ke luhlahlfongi ac ohinge eklac nuh sin mwet lalos sifacna sie mwet ahkwoyelah mahsrloelihk uh. Elos pa mwet ma, Isaiah uli muh, ac “muhsahi acn pihsaclah uh.”9 Ke sie ohiyac oacna, Mwet Lahngo El ahkwoyelah mahsrloelihk, kuh lusen acn, inmahsrlosr ac Pahpah Inkuhsrao uh. El, ke kihsac in iwaclah yohk Lal, use ohiyac se nuh sesr in ipeis ke kuh luhngse luhn Pahpah ac sacna kuht kuh in ahkwoyelah acn oalallah ke moul lasr sifacna uh. Unwelah puhla loeloes inmahsrlon sie sin sie ac enenuh insese lasr nuh ke luhngse luhn God, kuhpahsr nuh ke sie kihsac luhn nuhnkuh kac sifacna ac sahngweng uh.
Sie fong kuh in esamyuck nga ac sucu se luhk tuh tiac insese ke sie elyah suhmaht. El suhlahklahk na ac sa na ahkkoluk ac lain fahk luhk ah, ahkpwacye muh stuhuh sihk lohngyuck sin sucu luhk. Nga puhla lahlfon ac tena fwack, ac sahp nga angacn. Fong sacn ke nga sikuckmuhtuhntei in pruhe, nga silahklahk in ahkuhtweyac nuh sin Pahpah Inkuhsrao upaciyacn mwet se inge! Nga tuh sramsram na. Sahp nga wetoklac ke tuhkahk luhk, ac oasr pacl se luhn Nguhn Muhtahl in eslah lohacng luhk—mwen, tohkoh nga lohngyuc sifacna in fahk, “Sahp kom ke ngan luhngse el.” Luhngse el? Nga srack pruhe, fahk ma ohinge, “Ngwac kuh in luhngse el fuhkah? Nga tena nuhnkuh muh oasr finne kena luhk nuh sel. Insiyuck upac; puhla luhk ngal. Nga tiac kuh in oruh.”
Na, pwacye ke kahsruh luhn Nguhn, Oasr nuhnak sasuc se luhk oacna nga fahk ah, “Tuhsruhk Kom luhngse el, Pahpah Inkuhsrao. Kom kuh in use kuhtasrihk luhngse Lom nuh sel an luhk—ngan kuh in luhngse pac el?” Puhla upac luhk fihsracsrlah, insiyuck muhtwacack in eklac, ac nga muhtwacack in liye mwet se inge siena. Nga muhtwacack in puhla yohk srihpac ac wo luhn lal oacna Pahpah Inkuhsrao El liye. Isaiah el sihmihs, “Leum God Elac pwela ac akeyala kinet El sang nu sin mwet lal.”10
Ke pacl maelihk inmahsrlosr uh ac kauli ke engan. Tuhsruhk finne el tiac eis ayaol luhn insiyuck, Nga lotwelah lah Pahpah Inkuhsrao El ac kahsruh kuht luhngse finne elos ma kuht nuhnkuh muh upac in oasr luhngse la fin kuht suk kahsruh Lal. Iwaclah luhn mwet Lahngo pa pwackuhr se nuh ke kahklah luhn luhngse pwacye sin Pahpah tuhmasr Inkuhsrao. Kuht enenuh in sulaclah in muhta na ke luhngse se inge in muh oasr luhngse pwacye nuh sin nuhkwewa.
Ke kuht sang insiyacsr nuh sin Pahpah ac Wen uh, kuht eklac facluh lasr uh—finne ma sikyak yohrohsr uh tiacna eklac. Kuht apkuhran nuh sin Pahpah Inkuhsrao ac puhla insese Lal ke srihke lasr in mwet tuhma lutlut pwacye luhn Kraist uh. Akihlen, puhlaik ac luhlahlfongi lasr uh yohkwelihk.
Mormon el fahk nuh sesr in pruhe ke kuhiyacn insiyacsr kwewa ke luhngse se inge na fah fihliyucki nuh facsr yen tuhkuh we uh—Pahpah Inkuhsrao.11 Na pacl sacn na pa kuht kuh in eklac mwet ahkwoyelah mahsrloelihk ke kuhpahsr facluh uh.
Luhngse wacngihn sahflahiyac luhn Pahpah tuhmasr tuhkuh nuh sesr, in fohlohkihnkuhtlac nuh ke wolacna ac engan Lal. El use Wen Kuloh Sefanna Nahtuhl, Jisus Kraist, in ahkwoyelah mahsrloelihk se ma maelihk yohk inmahsrlosr ac El. Sifilpac tuhkweni yurin Pahpah Inkuhsrao pa enenuh luhn luhngse an paht ac srihpac ma pahtpaht uh. Kuht enenuh in oruh kuhpahsr nuh Sel uh ingena in etuh lah meac na yohk se, in luhngse oacna El luhngse, ac in kapwack in oacna El. Nga fahkwack lah kuhpahsr oaru nuh sel Pahpah Inkuhsrao ac Mwet Lahngo pa yohk netok Seltahl ac nuh sesr uh. Ke inen isus Kraist, amen.