Ma Pwacye ke Ma Nuh Kwewa

Sel Elder David F. Evans

Ke U Luhn Mwet Itngucul

Kais sie sesr oasr ip kunac sifacna in oruh ma enenweyuck in eis ac sruokyacna sie luhlahlfongi fokoko.

Kuht tuhkuh ofong ke finsrak ac luhlahlfongi lah ke kuhtuh inkacnek, kuht ac som fokokoi ac insewowo ke Nguhn Muhtahl, suc luti ke ma pwacye.¹Ma ke suk lasr kais sie ke ma pwacye ma nga kena sramsramkihn

Ke nga tuh sie tuhlihk mukul fuhsr ah, puhslac na kihsensiyuck luhk ke Alu uh. Kuhtuh kihsensiyuck luhk ah fal na. Ma sahyac ah ma ke srihpen suhlahlahlfongi luhn mwet.

Nga tuh siyuck kihsensiyuck luhk ngwe sin ninac kiyuck ah. Nga etuh suwohs lah el kuh in puhla lah kuhtuh sin kihsensiyuck luhk ah arulacna pwacye ac ma tuhkuh e ke art luhk uh. Nga muh el ahngyahngwack kuhtuh srihsrihk ke kuhtuh kihsensiyuck ma tena arlac wo ac akuhkuhin luhk ah. Ne fuhkah ma, el tena oruh nga in suhpwacrlac ma ke kihsensiyuck luhk ah. El lohng ac srihke in tohpohklah. Ke el puhla lah el fahklah nohfohn na ma el kuh in fahk a srack oasr kihsensiyuck luhk, elac fahk kain se ngwe: “David, kihsensiyuck na wo se pa ngwacn. Ke kom suk ac rit ac pruhe ke top an, efuh kom te oruh ma kom etuh muh kom enenuh in oruh an ac tiac oruh ma kom tiac enenuh in oruh an?” Ma se inge oraclah atac se in suk ke ma pwacye. ke lutlut, pruhe, ac sruokyacna masap uh, nga konwacack lah oasr top nuh ke kihsensiyuck yohk srihpac luhk ngwe kwewa. Nga sulpac sokwack lah ke kuhtuh kihsensiyuck inge, kalweni na in luhlahlfongi, muhtweng, ac fwackyuck uh enenweyuck.²

Ninac el use nuh sihk nga in sifacna ahkyohkye luhlahlfongi luhk ac in sokwack pac top luhk sifacna. El etuh lah mwe top yohk srihpac uh ac tuhkuh ke pacl sa nga suk ma pwacye ma Pahpah Lucng el akiyac uh. El etuh lah nga enenuh in sokwack ma pwacye. El etuh lah nga enenuh in inse pwacye ke kihsensiyuck luhk ac orekma nuh ke ma nga etuh muh pwacye uh. El etuh lah nga enenuh in lutlut ac pruhe ac lah nga enenuh in muhtweng ke pacl se nga suk top sin Leum uh. Kena in muhtweng pa sie ip ke sukyacn ma pwacye lasr uh ac ip ke ohiyacn fahkwack luhn Leum ke ma pwacye uh.³

Ne ohinge, nga etwacack lah ninac kiyuck uh lutiyuc ke ohiyac luhn Pahpah Luhng ke sukyacn ma pwacye uh. Luhlahlfongi luhk yohkwelihk, top uh ikacklah nuh sihk, ac nga eis pahng se in wi misin.

Oasr pacl se, ke nga tuhfahna wi misin ac, ke nga etwacack lah nga enenuh in etuh lah Alu uh tuh pwacye ac Joseph Smith el mwet pahluh se luhn God. Nga puhla ma Prestuhn Thomas S. Monson el ahkkahlwemye kahlwem ke jacnuhruhl kanfracns se lasr tari ac: “Fin wacngihn fahkwack luhlahlfongi fokoko lom ke ma inge, oruh in muh asr sie lom. Arulacna yohk srihpac in asr sie luhlahlfongi fokoko ah lom ke ma inge ke pacl upac, mweyen luhlahlfongi luhn mwet ac kuh in kahsrwekom.”⁴ Nga etuh lah meac yohk srihpac. Nga enenuh in riti Puk luhn Mormon ke inse pwacye, kena in etuh ma pwacye, ac siyuck lah ma inge pwacye.

Lohng ma Pahpah Tuhmasr Inkuhsra el olwelah sang nuh sel mwet pahluh Moroni: “Ac ke kowos fah eis ma inge, nga kena kwacfe nuh suwos tuh kowos in siyuck sin God, Pahpah Ma Pahtpaht, ke inen Jisus Kraist, fin ma inge pwacye, ac fin kowos siyuck ke inse pwacye, kena in etuh ma pwacye, luhlahlfongi Kraist, El fah ahkkahlwemye pwacyeiyacn ma inge nuh suwos, ke kuh luhn Nguhn Muhtahl.”⁵

Nga fin ke etuh lah meac oan lun Puk luhn Mormon, nga enenuh in riti. Nga muhtwacack ke muhtwacwacaciyacn puk sac ac riti lwen nuh kwewa. Kuhtuh selos eis mwe loh uh arulacna sa. Kuhtuh selos, ac ituckyang pacl yohk lalos in pruhe ac rit ke puk sac pacl puhkantwen. Nga enenuh in ritwelah puk na fohn sac met liki nga eis olwelah in ahkpwacyeiye sac. Ne ohinge, God el ahkkahlwemye ma pwacye kac uh nuh sihk ke kuh luhn Nguhn Muhtahl.

Ke johrnohl intihk ke misin luhk, nga ahkuhtweyac engan ke etuh ma pwacye ac ke pac puhla luhk sifacna ke in suk na pwacye ma pwacye ac ke pwacye se ma nga eis. Nga suhmuhslah: “Nga orwaclah olwelah se nuh sin Pahpah Inkuhsrao ac nuh sihk sifacna lah nga ac srihke kuhiyuck, in sang kuhiyuck nohfohn ke lusen moul luhk, lah meac siyuckyuck nga in oruh, nga ac oruh, tuh ingena nga oasr ke misin luhk ac nga ac oruh misin luhk uh in wo, sie misin ma nga e tiac puhla koluk kac, nga tiac oruh na nuh sihk, tuhsruhk ma nuh sin Leum. Nga luhngse Leum, ac nga luhngse orekma Lal, ac nga pruhe tuh puhla se inge in tiac som likiyuc.”

Nga tuhfahna etwacack lah mwe ahkkweye ac kampare in auliyak ac liyacacng masap inge enenweyuck in muh sruokyacna puhla sacn in tiac som. Prestuhn Monson el fahk, “Mwe fahkwack ke luhlahlfongi se enenweyuck in moul na ac sikalweni na in ahkostwen nuhke masap luhn God ac nuh ke pruhe pacl nuhkwewa ac lutlut ke ma suhmuhslah.”⁶

Ke yac somlah, nga siyuck sin misinacri ac mwet fuhsr fin facluh nohfohn lah eltahl muhtwacwacack ke kampare laltahl sifacna in suk ma pwacye ac eis luhlahlfongi laltahl kac fuhkah. Apkuhran in mwet nuhkwewa nga siyuck se, elos topuk ac fahk ke ma elos puhlakihn ingacn ma ke eltahl muhtwacwacack e ke eltahl tuh sulaclah in rit ke Puk luhn Mormon, ke muhtwacwacack an, ac siyuck sin God lah fin ma inge pwacye. Ke elos oruh ma inge, elos sulwaclah in “orekma,” sahyacn na in orekmakihnyuck ke⁷ suhlahlahlfongi luhn mwet uh.

In etuh ma pwacye, kuht enenuh in moulkihn wosasuc⁸ac “srihke”⁹kahs uh. Kuht tarankihnyuck in tiac lain Nguhn luhn Leum.¹⁰ Auliyak, toeniyac ke sie nuhnak an in sruokyacna masap, lah ma na yohk srihpac se nuh sin sie mwet fin suk ma pwacye.¹¹ Pwacyeiyac uh, kuht enenuh in “tohllah nohfohn” ma koluk lasr in muh kuht in etuh ke ma pwacye uh.¹²

Kuht sapkihnyuck in “suk etwacack, finne in luti ac in oasr luhlahlfongi” ac in “suk … ke kuhtuh sin puk ke kahs in lahlmwetmwet.”¹³Suk lasr ke ma pwacye uh enenuh in lohacng na yohk nuh ke “puk wowo” ac ma wo emet. Ke puk ma wo emet uh pa ma suhmuhslah ac kahs luhn mwet pahluh.

Prestuhn Monson el siyuck sesr kais sie in “oruh ma yohk srihpac an” in eis ac oruh luhlahlfongi la in fokoko.¹⁴ Meac yohk srihpac ke luhlahlfongi lom in ahkfokokoye? Kais sie sesr oasr ip kunac sifacna in oruh ma enenweyuck in eis ac sruokyacna sie luhlahlfongi fokoko.

Ke kuht sruokyacna olwelah lasr ke “ma se ma yohk srihpac uh ac oruh kuht” in eis top lasr sin Leum El sie ohiyac luhn God in etwacack ke ma pwacye. Yohkiyac na ke ma uh upac, kuht ac enenweyuck in engankihn ac muhtweng na nuh ke ma luhngse luhn Leum.¹⁵ Muhtweng olwelah lasr oruh in yohkyohkwelihk mongfihsrwacsr, oruh kuht in kena etuh ma pwacye, ac lwelah Nguhn Muhtahl in “kolkuht nuh ke etwacack tuh [kuht] in ahkinsewowoyeyuck, kapkapwack, ac karihngihnyuck.”¹⁶

Ke kuht sruokyacna olwelah lasr ke ma se ma yohk srihpac uh ac oruh kuht in eis top lasr sin Leum el sie ohiyac luhn God in etwacack ke ma pwacye. Yohkiyac na ke ma uh upac, kuht ac muh enenweyuck in engankihn ac muhtweng na nuh ke ma luhngse luhn Leum.Muhtweng olwelah lasr oruh in yohkyohkwelihk mongfihsrwacsr, oruh kuht in kena etuh ma pwacye, ac lwelah Nguhn Muhtahl in kolkuht nuh ke etwacack tuh [kuht] in ahkinsewowoyeyuck, kapkapwack, ac karihngihnyuck.16

Pacl fototo somlah ah, pisap se lal ah siyuck in ohsun nuh sel ac mukul tuhmwacl ah. El siyuck seltahl in eis orekma se in muhta sang nuh sin mwet suc enenuh akwuck ke tempuhl. Kunohkohn se inge oruh eltahl lut, tuhsruhk eltahl eis kunohkohn sac ac muhtwacwacack kuhlwacnsap laltahl ke lohm sin Leum. Tuhlihk mukul fuhsr se nahtuhltahl tuh wi tahk sucu ac el sokwack ine se ke sucu laltahl ah ma soenna ahksahfyeyucklac. Ke elos sikuckmuhtuhntei ke altucr ac ahkfahsryeyuck akwuck in tempuhl ah, oasr muhtwacn na wowo se, suc kuhlwacng el suk pacl loeloes se in puhla lah tempuhl ac akwuck orek ke tempuhl uh pwacye ac suwohs. El pahngon ninac kiyacl ah ac fahk nuh sel ma el puhlakihn ac fahk lah oasr kihsensiyuck lal, ac el etuh lah tempuhl uh pwacye, lah akwuck ke tempuhl uh pwacye, ac Alu uh pwacye. Ninac kiyacl ah tuhng sang kuloh nuh sin Pahpah Inkuhsrao ke luhngse, muhtweng lal ac ke tuhlihk muhtwacn se nahtuhl ma kalweni na in suk.

Muhtweng ke olwelah uh use nuh sesr mwe insewowo inkuhsrao nuh ke moul lasr.¹⁷

Nga sokwack mwe kahsruh yohk luhn Leum ke olwelah lal lah “ac ke kuh luhn Nguhn Muhtahl kowos kuh in etuh ma pwacye ke ma nuhkwewa.”¹⁸ Kuht finne tiac etuh ma nuh kwewa, kuht kuh in etuh ke ma pwacye. Kuht kuh in etuh lah Puk luhn Mormon pwacye. Pwacye, ke Prestuhn Russell M. Nelson el luti ke tahfuhn lwen tok se inge, kuht kuh in “puhla loal ke ‘insiyacsr nohfohn’ [liye Alma 13:27], lah Puk luhn Mormon el kahlwem lah kahs luhn God. Ac kuht kuh in “puhla loal lah kuht ac tiac ke moul muhta finne lwen se na a wacngihn sesr.”¹⁹

Kuht kuh in etuh lah God el Pahpah Tuhmwacsr, el luhngse kuht; ac lah Wen Nahtuhl, Jisus Kraist, el Mwet Lahngo ac Molwelah lasr. Kuht kuh in etuh lah mwet wi alu lal enenuh in luhngseyuck na lah ipeis ke sackracmacn ke kais sie wik ac kahsrwekuht ac sucu lasr in wo ohiyac. Kuht kuh in etuh lah, ke akwuck luhn tempuhl, sucu uh kuh in toeni ma pahtpaht. Kuht kuh in etuh lah ke Iwaclah luhn Jisus Kraist ac mwe insewowo ke auliyak ac nuhnakmuhnahs pwacye. Kuht etuh lah mwet pahluh sacohk lasr, Thomas S. Monson, el mwet pahluh luhn Leum ac mwet kahsruh lal ac mempucr ke U luhn Mwet Sap Singucul Luo eltahl mwet sap, mwet pahluh, mwet liyactwen, ac mwet eis fwackyuck.

Ma inge nuh kwewa nga etuh muh pwacye ac fahkwack luhlahlfongi luhk ke inen Jisus Kraist, amen

Mwe kahsruh

1. Liye Moroni 10:5.

2. Sie kihsensiyuck ma sramsramkihn asr luhn pristut nuh sin mukul ahkostwen. Kihsensiyuck se inge ahkfihsrwacsryeyucklac ke fwackyuck se lal Prestuhn Spencer W. Kimball, mwet kahsruh lal, ac mempucr ke Mwet Sap Singucul Luo ke Jun 1, 1978. Fwackyuck se inge pa Official Declaration 2 ke Doctrine ac Covenant.

3. Liye, mwe srihkasrak, Luke 21:15; Rome 8:5; Alma 32:41–43; Ether 12:19; Doctrine and Covenants 21:5; 101:38; 107:30–31.

4. Thomas S. Monson, “The Power of the Book of Mormon,” Liahona, Mei 2017, 86.

5. Moroni 10:4.

6. Thomas S. Monson, “The Power of the Book of Mormon,” 86.

7. Liye2 Nephi 2:14; oacyacpac liye David A. Bednar, “Seek Learning by Faith,” Liahona, Septempuh 2007, 19–21.

8. Liye, mwe srihkasrak, John 7:17, suc ma Leum el olwelah, “Kuhtwena mwet suc kena oruh ma luhngse luhn God, el fah etuh lah mwe luti luhk ma sin God mwe, kuh ma sihk sifacna.” Alma 32.

9. Liye Alma 32:27.

10. Liye Alma 32:28.

11. Liye Alma 22:18; Doctrine and Covenants 93:27–28.

12. Alma 22:18.

13. Liye Doctrine and Covenants 88:118.

14. Thomas S. Monson, “The Power of the Book of Mormon,” 86.

15. Mosiah 24:15; oacyacpac liye Mosiah 24:13–14; David A. Bednar, “Bear Up Their Burdens with Ease,” Liahona, Mei 2014, 87–90.

16. Mosiah 2:36.

17. Liye Jeffrey R. Holland, “An High Priest of Good Things to Come,” Liahona, Jacnweri. 2000, 45. Ke mwe fahkwack se inge, Elder Holland el fahk,” kuhtuh mwe insewowo uh tuhkuh sa, kuhtuh tuhkuh pahtlac ac kuhtuh tena tuhkuh inkuhsrao; tuhsruhk nuh selos suc sruokyacna ke wosasuc luhn Jisus Kraist, elos tuhkuh.”

18. Moroni 10:5.

19. Russell M. Nelson, “The Book of Mormon: What Would Your Life Be Like without It?” Liahona, Nohfuhmpuh 2017, 63.