Mwet Sruokyac ke Kahlwem luhn Kuhsrao
Ke sie mwet sruok pristut luhn God ac ke sie mwet tuhma lutlut luhn Jisus Kraist, kom pa mwet sruok kahlwem an.
Mukul mahtuh se el tu ke lain ke post ohfohs in moli stacm ke kaunter sac. Muhtwacn fuhsr se el akihlen lah upac fahsr lal ac sang lah atac fuhkah in molwelah stacm ke misin ah in sef pacl. Mukul mahtuh sac fahk, “Kom kuloh, nga luhngse sano. Misin tiac kuh in siyuck sik ke ngalyak luhn mahno luhk.
Kuhtuh pacl kahsruh se in sramsram nuh sin sie mwet suc ke ma nuh ke ahkfohsye kuht uh.
Ngal, ahsor, ac mas pa ma kuht kwewa puhlakihn—puhluhn pacl in tahfonglac, suhpwacr, ac ongaiyac kuh in sie ip na yohk luhn nuhnak lasr.
Ke pacl ac tuhkuh nuh ke moul in mahno-wo lasr, kuht kuh in lwelah mahtuhlac ac mas in sie ip ke moul in fuhfahsryucsr lasr. Kuht suk mwet etuh kahsruh na pwacye suc etuh ke moul luhn mahno. Ke pacl kuht kweokkihn puhlakihn ngal ac muhnahs in nuhnak, kuht ac suk mwet ma kahsruh sin mwet etuh onwelah kain mas inge.
In oacna ma kuht etuh ke mahno ac mwe srihkasrak emtucng ke moul sukawihl se inge, kuht oacyacpac puhla srihkasrak luhn nguhn. Inkaiyacsr puhlakihn ke pacl fahkwack lasr fokokoi. Kuht oacyacpac fah puhlakihn ke pacl Pahpah tuhmasr Inkuhsrao El loes nuh yohrohsr. Puhs pacl wolacnaiyacn Nguhn oan insiyacsr kwewa. Oacyacpac oasr pacl ma elos tiacna sacohk kuh tiacna yohk srihpac.
Mihsenge nga finsrak in sramsramkihn moul wo in nguhn— kuht ac konwacack fuhkah onweyac luhn srihklac in kapkapwack ac fahsr ke inek wo moul in nguhn.
Maswack luhn Nguhn
Kuhtuh pacl maswack luhn nguhn uh tuhkuh sikyak ke koluk kuh mwe ahkngal. Kuhtuh pacl tahfonglac sa se ma oruh kuht in tiac kuht in akwucki wo ke moul in nguhn tuhkuh ke kain in atac oruh kuht kuh in tiac fahk meac sikyak. Oacna yot kuh se, kweok in nguhn ac ahsor kuh in kapwack pacl nuhkwewa, ahktoasrye nguhn lasr nekena arulacna upac in utuck. Ke mwe srihkasrak, ma inge kuh in sikyak ma se inge ke pacl kuht sesseslah ke ma kunacsr ke acn orekma, lohm ah, ac lohm alu na kuht tiac nuhnkuh ke engan luhn wosasuc. Sahp kuht ac puhla ma oacna in wacngihn ma kuht kuh in oruh kac, kuh masap luhn God ke moul el pa yohk likina kuh lasr.
Tuh ke srihpen mwe srihke luhn nguhn uh ma pwacye tiac kalmac pa elos tiac kuh in onweyuck.
Kuht kuh in onwelah nguhna.
Finne kweok loal in nguhn—ahok, fine nuh ke ma suc ma oacna in tiac kuh in onweyuck—kuh in onweyucklac.
Kawuck sacohk luhk, Ono kuh luhn Jisus Kraist tiac wacngihn ke pacl lasr uh.
Puhlakihnyacn onweyuck luhn Mwet Lahngo kuh in ekuhlah moul in pacl lasr oacna ke pacl se El oruh in moul Lal. Fin kuht fah luhlahlfongi muhkwena, El kuh in sruokyac pahosr, nwacklah nguhnasr ke kahlwem luhn inkuhsrao ac ono, ac sramsram nuh sesr ke kahs in ahkinsewowo, “Tuhkakek, sruhkak mwe oan kiom, ac fahsr.”1
Lohsr ac Kahlwem
Oacna sie ma ahkmas nguhnasr, oasr atac se fanna elos oacna sie kac: wacngihn ke kahlwem luhn wolacna.
Lohsr uh ahksrihkyelah kuh in liye kahlwem lasr uh. El ahksrihkyelah petsac se ma sie pacl ah nwacsnwacs ac kahlwem. Ke pacl kuht muhta in lohsr, kuht kwacna oruh sulwaclah muhnahs lasr mweyen kuht tiac kuh in liye ma upac inek lasr. Ke pacl kuht muhta in lohsr, kuht kwacna fuhlweack finsrak mweyen kuht tiac kuh in liye mihs ac engan se suc tuhpan kuht fin kuh sruokyac fahsr na nuh met.
Kahlwem, ke atac se sahyac an, lwelah nuh sesr in liye ma pwacye kwaclos an. El lwelah nuh sesr in akihlen inmahsrlon ma pwacye ac ma tahfonglac, inmahsrlon ma yohk srihpac ac tiac oasr srihpac. Ke pacl kuh oasr in kahlwem sac, kuht kuh in oruh sulaclah muhtahl fal nuh ke ip yohk pwacye. Ke pacl kuht oasr in kahlwem, oasr “kahlwem suwohs luhn finsrak”2 mweyen kuht kuh in liye moul upac ke atac se ne tok ma pahtpaht an.
Kuht fah konwacack onweyac luhn nguhna ke kuht som liki lohsr luhn facluh ac ilyak nuh ke kahlwem ma pahtpaht luhn Kraist.
Yohkiyacn etuh lasr ac orekmakihn ma suhmuhslah luhn nuhnak ke kahlwem, yohkiyacn kuh lasr in fungul muhnahs in nguhn ma ahkelyahye kuh ahkupacye kwewana inek, and ac yohkwelihk kuh lasr in kuhlwacnsap ke kuh, puhlaik, karihngihn, ac puhsisacl in sang ke nguhn luhn pristut—mwet kuhlwacnsap pwacye luhn Tohkohsrah ma pahtpaht ac sacohk lasr.
Nga Kahlwem luhn Facluh
Jisus Kraist El fahk, “Nga kalem luhn faclu: Kutena mwet suc fahsr tukuk fah oasr kalem luhn moul yohrohl ac fah tiana fasr [in] lohsr.”3
Meac kalmacn ma se inge?
Pa inge: Elos suc puhsisacl in ukwe Jisus Kraist fah puhlakihn ac akacsruhi ke kahlwem Lal. Ac kahlwem se ingacn fah kap ne ke na el kais kuhtuh ekuhlah lohsr upac.
Kalmac pa oasr kahlwem se, sie kuhlwacna, ma tuhkuh sin Mwet Lahngo. El tuhkuh yurin God me in nwacklah lohsr lasr.4 Mweyen kuh se inge moklweack, sruhkwack, ac se kahlwem ke moul lasr, ma suhmuhslah kwacna pahngon el sie kahlwem, tuh el oacyacpac fwackyuck muh el oacna sie nguhn ac ma pwacye.
Ke Doctrine ac Covenants kahs luhn God kuh pwacye, ac oacna sie ma pwacye kac El kahlwem nuh ke moul lasr ac kahlwem se ingacn pa Nguhn, finne in Nguhn luhn Jisus Kraist.5
Ahkuhtweyac loal se inge—suc kahlwem pa nguhn, pwacye ac kahlwem, se inge tohlwack kwewa nguhn suc tuhkuh nuh facluh—el yohk srihpac oacna ke el finsrak. Kahlwem luhn Kraist moklweack ac nwacklah nguhn luhn mwet nuhkwewa suc lohng puhsra luhn nguhn.6
Kahlwem luhn Kraist nwacklah fin facluh
El nwacklah facluh
Ac el kuh pac in nwacklah insiyacn mwet nuh kwewa.
“God el oruh mwet nukwewa oana sie.”7 Kahlwem lal mwesahs nuh sin mwet nuh kwewa—mwet kahsruhp kuh mwet suhkahsruhp, mwet puhsisacl kuh mwet fuhlwact, ma wo kuh ma koluk.
Fin kom ikacslah nuhnak lom ac insiyom in eis kahlwem luhn Kraist ac puhsisacl in ukwe Mwet Lahngo, kom ac eis kahlwem yohk. ip nuh ke ip, mwe luti se inge ac mwe luti se ngoh, kom fah eis kahlwem yohk ac ma pwacye ke nguhnum, ne ke na lohsr el wacngihnlac ke moul lom.8
God fah ikacslah motowos.
God El fah usot nuh suwos insiyac sasuc.
Luhngse, kahlwem, ac ma pwacye luhn God fah moklweack mwe muhnahs in tuhkuh nuh ke moul, ac kom fah sifil isuslac ke moul sasuc luhn Jisus Kraist.9
Mwet Lahngo el olwelah, Fin ahtron motom el oacna sie ke kahlwem luhk, monum nohfohn fah sesseslah ke kahlwem, ac fah wacngihnlac lohsr in kom; ac monum fah sesseslah ke kahlwem luhn etwacack ke ma nuh kwewa.10
Pa inge ono yohk emet nuh ke muhnahs luhn nguhn. Lohsr wacngihnlac ke oasr luhn kahlwem.
Sie Ahkuhtweyac ke Lohsr luhn Nguhn
Tuhsruhk, God El fah tiac kai kuht in eis kahlwem Lal.
Fin kuh puhla tiac wo ke lohsr, kalmac pa insiyacsr lasr fah tiac eklac.
In ekuhlah, kuht enenuh in lwelah kahlwem.
Ke nga ekihn kacptin se ke aksohk se ma liki facluh lasr, nga kwacna fwefwelac ke kahto ac wolacna ke oraclah luhn God. Yohk na nga konwacack inmahsrlon facluh ac faht uh. Nga nuhnkuh muh pa sie akucl kahlwem in luti lah fuhkah lohsr ac kahlwem el oasr.
Oacna kuht kwewa etuh, inmahsrlon ao 24 nuh kwewa fong eklac lwen ac lwen eklac nuh ke fong.
Na, na, meac kahlwem?
Fong sie ma wacngihn liki na sie lohsr.
Finne ke fong in lohsr, faht uh tiacna wacngihnlac in oruh in kahlwem. El kalweni na in kahlwem pacl nuh kwewa. Tuhsruhk tahfuh facluh nohfohn lohsrlah.
Wacngihn luhn kahlwem uh oruh lohsr.
Ke pacl se lohsr luhn fong uh sikme, kuht tiac elyah ac fuhlweack finsrak muh faht uh wacngihnlac. Kuht tiac nuhnkuh lah faht uh wacngihn ngoh kuh pa misac. Kuht etuh lah kuht oasr ke sie lohsr, ac facluh fah muhtwacack in for, ac lah tok kahlwem luhn faht uh fah sifil sun kuht.
Lohsr uh tiacna ma sihmlac se muh wacngihn kahlwem, Inkaiyacn pacl uh, kalmac kac pa kuht oasr ke acn na pwacye se in eis kahlwem. Ke solar eclipse tuhfahna sikyak ah, mwet pucspucs oruh ma yohk in fahsr nuh ke acn fototo in liyac lohsr oraclah ke mahlwem ah ke infulwacn lwen kahlwem sac.
In oacna atac sacn, kahlwem luhn nguhn kalweni in sahromrom fin ma oasr oraclah sin God nuhkwewa la kwewa. Satan el fah oruh kwewa in oruh losr kuh us kuhtlac nuh ke sie lohsr ke ma kuht sifacna oruh. El fah forsi kuht in tiacna kuh in eis kahlwem; el fah pahtok kuht nuh ke lohsr luhn ma koluk.
Lohsr luhn nguhn kuh in oruh kuht in muhlkuhnlah kahlwem finne elos suc fahsr in kahlwem ac kaksyakihn Mwet Lahngo. Ne ohinge, finne ke puhluhn pacl in lohsr luhlahp, God El lohng siyuck puhsisacl lasr ke kuht pruhe, “Leum, Nga lulalfongi kasreyu akyokye lulalfongi luhk.”11
Ke lwen lal Alma oasr pucs mwet ma upac nuh selos in eis ma luhn nguhn, ac “ke srihpen suhlahlahlfongi lalos,” kahlwem ac ma pwacye luhn God tiacna utyak nuh ke nguhnalos “ac insiaclos kwekwe.”12
Kuht Pa Mwet Sruokyac luhn Kahlwem
Tamuhlwel, ma nuh sesr in sulaclah lah kuht oasr ke ma pwacye in liye kahlwem wolacna ac ma pwacye ke wosasuc luhn Jisus Kraist. Fine ke pacl lohsr sikme ac facluh luhman lohsr, kuht kuh in sulaclah ke kahlwem luhn Kraist, sruokyac masap Lal, ac puhlaik in fahkwack ma pwacye Kacl ac fuhlwactlacna Lal.
Ma kunacsr in tahfwelah ke pristut luhn God ac in oacna mwet tuhmal lutlut luhn Kraist, kowos pa mwe tuhtahf luhn kahlwem. Oruh na ma suc fah ahkwoye kahlwem wolacna Lal. “sralwack kahlwem lowos”13 ac “lwelah [in] kuh in tohlwack facluh”—elos ac fah tiac liye komtacl ac mwel kowos na, tuh “elos in ku in liye orekma wo lowos, ac kaksakin Papa tomowos su pa inkusrao.”14
Tamuhlwel sacohk wiyuck, kom sie mwe kolyuck ke poun Mwet Lahngo ke srihpen in us kahlwem ac ono nuh ke nguhn luhn tuhlihk nuhtin Pahpah Lucng. Sahp kom tena puhla fal in onwelah elos suc muhnahs in nguhn— pwacye tiac oacna mwet orekma se ke post ohfohs ke el fal in kahsruh mwet ngal luhn mahno. Sahp kom sun srihkasrak luhn nguhn in moul lom. Pwacnwacng, Leum el pahngon kom. El usot nuh sum wal ac kunohkohn in kahsruh elos suc enenuh. El usot mwe sang nuh sum kuh luhn pristut muhtahl in use kahlwem liki lohsr ac sruhkwack ac ahkinsewowoye tuhlihk nuhtin God. God El sifil fohlohkohnwack alu Lal ac wosasuc Lal, “ma unwelah nguhna kihnetuh.”15 El ahkolah inkacnek nuh ke kahsruh luhn nguhn, in sokwack ono ke tui ac in fahsr nuh met ke kuh luhn nguhn.
Pacl nuh kwewa kowos forlah insiyowos nu sin God ke puhsisacl in pruhe, kowos ac puhlakihn kahlwem Lal. Pacl nuh kwewa kom suk kahs Lal ac olwelah ke ma suhmuhslah, kahlwem uh kapkapwack ke lahlmwetmwet. Pacl nuhkwewa kom akihlen enenuh luhn sie mwet ac kihsackuhnlah kuhiyom in kahsruh ke luhngse, kahlwem uh lahelihk ac yohklacna. Pacl nuh kwewa kom tulokihn mwe sruhf ac sulaclah ma wo, pacl nuh kwewa kom suk kuh ahkyohkye nuhnak muhnahs, pacl nuh kwewa kom puhlaik in fahkwack ma pwacye, na kahlwem ekuhlah lohsr ac kohlohlos suc suk pac ke kahlwem ac ma pwacye.
Nuhnkuh ke mwe srihke lom sifacna, puhluhn pacl in kahsruh nuh sin God ac mwet uh ke pacl se kahlwem wolacna el tohlwack moul lom, ke tempuhl muhtahl, ke pacl eis sackracmacn, ke sie pacl mihs in pruhe nuhnak, ke tuhkweni luhn sucu lom, kuh ke pacl orekma in kahsruh luhn pristut. Akacsruhi puhluhn pacl ingacn nuh sin sucu, kawuck, ac yohk na yurin mwet fuhsr, suc ma suk kahlwem. Elos enenuh in lohng suwos lah kahlwem se inge finsrak ac ahkkweye tuhkuh me, finne facluh an lohsr.
Kahlwem luhn Kraist use finsrak, engan, ac onweyac luhn kihnet kuh mas luhn nguhn.16 Elos suc puhlakihn orwaclah fokoko se inge sikyak kuhfwen mwe orekma ke po Kahlwem luhn facluh in sang kahlwem nu selos sahyac.17 Elos fah puhlah ma tohkohsrah Lamoni el puhla: “kahlwem se inge nwacklah nguhnal ke engan, puhkuhnyeng in lohsr sac lihsyucklac, ac ... kahlwem luhn moul ma pahtpaht tuh kahlmwelihk ke nguhnal.”18
Tamuhlwel sacohk wiyuck, kawuck sacohk luhk, mwe siyuck lasr in suk Mwet Lahngo ne ke na kahlwem nuh ke moul pahtpaht Lal fihrihr kahlwem in kuht ac fahkwack lasr luhlahlfongiyuck ac fokoko finne lohsr upac.
Mwe pruhe luhk ac ahkinsewowo tuh kom fah pahselah in nwacklah ahkfalyeyacn moul ke sruokyacn orekma luhn pristut luhn God kuhlwacna ac mwet tuhtahf enganlacna pacl nuhkwewa ke kahlwem inkuhsrao Lal. Ke inen muhtahl Jisus Kraist, Mwet Kol lasr, amen.