Michan’, T’ufeg, Rrin’
Gadad be athapeg e yafos nib mangil nap’an ni ngad manged e pigachelpen nib riyul’ rok Yesus Kristus, udakaen e fol e rogon Rok nge rin’e muruwel’ Rok.
Pi walege, tha’bi mangil e ngiyal ni gadad u ta’abang ko biney e mo’olung ko general conference ni daba: ni rung’ag gad e mulwol nib thothup; ni runga’ag gad e choir nib tha’bi fel’ ko fapi missionary ni ba boed rogon e pi biyu’ e missionary u dekean e fayleng—pi fakdad nib ppin, pi fakdad nib pagal—nge chag gad u lane mich rodad ni daba’, nge ni sustain nag President nge profet rodad, President Russel M. Nelson, fare Bin Somm’on e Presidency, gne fare General Officers ko fare Galasia. Mang e rran nib falfalan’ ni gadad u ta’abang.
Fare Pilung i Solomon ni kakrom e reb e gidii’ ni tha’abi fal’ rogon ni kakrom.1 Boed ni gubin ban’en ma bay rok—salpiy, baga’ lungun, yiba adag dakean, fal’ab ni salpiy, yima tay fan. Machane nap’an nike yan bukun e duw nib cheag, ni bo’or ban’en ni bay rok, ma urogon nike weliy Solomon ni Pilung mornga’agen e yafas rok?
“Gubin ban’en ko biney e tamilang nrib m’ayfan,”2 e yoeg.
Re mo’on ney, ni gubin ma bay rok, e aw nike balyangan’, marwaer, kirbaen’, dariy’fan ni gubin ban’en nibe buch rok.3
Bay e thin u German, Weltschmerz. Be yup’ fan, e kirbaen’ nima yib ko tomal ko mornga’agen rogon dakir tafney nag e fayleng rogon ni gadaed be leam nag.
Sana bay boech’uw e Weltschmerz ulangin dad.
Nap’an ni ra yib e kirbaen’ nga lane yafas rodaed. Nap’an ni ra gel e kirbaen’ ko rran rodaed me paer e lumor u ko neap rodaed. Nap’an ni ma yib e mad’ad nge togpluw u fayleng ke liyeg daed, nib mu’un e yafas ko pi’in nib t’uf rodaed ngay. Nap’an ni gadaed ra yaen ko birodaed e kanawo’ ni go’ gadaed ni dariy ban’en ni bay, ma amith nike gel rodaed—rayog ni gadaed nge ta’aborogon e tafney rodaed ngak Solomon ni yafas e ba kirbaen’ nge dariy e ran riy.
Fare Athap nib Ga’
N’en nib mangil, e bay e athap. Bay kanawo’en ningan chuw ko yafas ni dariy fan, uf’uf’, kirbaen’, nge Weltschmerz. Bay kanawo’en ningan chuw ko kirbaen’ nib alamrin, athap ni dak’riy nge tomal ni gara thamiy.
Biney e athap e ran pir’eg u lane gelngin fare gospel rok Yesus Kristus nge gelngin e bayul rok fare Tathapeg ni nge gol nag daed ko ya’el rodaed nike kirbaen’.
“Me gag e kug gub,” Yesus ke ga’ar, “ni bochan e nge yag e yafos ngorad, ni yafos nike yan i mus ngarogon.”4
Gadaed ma thapeg e binem e yafas nib mangil ni gathi gadaed be sap ko tin nib t’uf rodaed fa tirodaed ban’en machane ngan mang gachalpen Yesus Kristus—ni ngan fol ko pi kanawo’ Rok man un ko murwel Rok. Gadaed ma pir’eg e yafas nib mangil ni gadaed be pagtilin daed ma gadaed un ko tirok Kristus.
Mang e tirok Kristus? Ngan michan’ Ngak, man t’ufeg e gidii’ ni boed nike t’ufeg, man rrin’ e n’en niki rrin’.
Yesus “e yaen nibe rrin’ e tin mangil.”5 Ke yaen u fithik e pi’in nib gafgow, pi’in ni dariy e gidii’ nibe sap ngoraed, pi’in nib m’ar, nge pi’in nib tamra’. Ke machib ko pi’in nib mo’owaer lungun raed, pi’in nib mo’owaer gelngin, nge pi’in ni dariy e tafagar roraed. Ke paer roraed; Ki non ngoraed. “Ke gol nag raed ni gubin.”6
Gubin yang nike yaen riy, make fil fare Tathapeg “e thin nib mangil”7 ko fare gospel. Ke weliy e tin riyul’ nib manemus nima thapeg e gidii’ ni ya’el nge rograed.
Pi’in nikar pi’ed raed ko biney e ra nang e n’en nib riyul’ ko micheg rok fare Tathapeg: “En nra thay e pogofan rok ni bochag e ra pir’eg.”8
Gathi soroek Solomon, o pi walageg—yafas e dani “m’ayfan.” Ya, rayog ni nge sug ko micheg, nibay fan, nge gapas.
Pa’ Yesus Kristus nima gol nigey e be ki’yag ngak urngin e pi’in nibe gay. Karug nang ni dariy e marwaer rog riy ni mich u wun’uy me t’uf Got rodaed man athamgil ni ngan fol Kristus e rayog ni nge thilyeg gumircha’en daed,9 munguy nag e amith rodaed, me suguy e ya’el rodaed ko “falfalen’ nib gel.”10
Michan’, T’ufeg, Rrin’
Arrogon, thingar rrin’ed ko bin ni yibe nang fan fare gospel ya ngeyog ni nge yib e biney e gol nga lane yafas rodaed. Ngarin uneged nga lane yafas rodaed—man tay ni nge mang bang rodaed nge n’en ni gadaed be rrin’.
Nggu weliy ni gachalpen e ma tabab ko dalip e thin:
Michan’, tu’ufeg, nge rrin’.
Michan’ ngak Got e ma n’angginey ngan michan’ Ngak man pagan’ ko thin Rok. Mich e ma n’anggin gumircha’en daed nge ga’ e t’ufeg rodaed ngak Got nge boech e gidii’. Nap’an ni ra gal’ e ra t’ufeg nem, ma gadaed ra adag ni ngad laked fare Tathapeg nap’an ni gadaed be ulul ko wo’ rodaed u dakean e wo’en e gachalpen.
“Machane,” gara yoeg, “ni badke ba moem. Magawon u lane yafas, riyul’ e magawon rog, e kaygi ga’ ko bin thin nib moem. Dabiyog ni ngam gol nag e Weltschmerz ko bin dalip e thin: Michan’, t’ufeg, rrin’”.
Gathi rogon e sap e ma gol nag. T’ufeg rok Got e ma thapeged, ma fulweg, me ayuwegey.
Got ma nangem. Gur e faak. Ir ba adagem.
Demtrug ni gama lemnag ni danum t’uf, ma gay rogon ni nge thap ngom.
Re rran ney—gubin e rran—ma gay rogon ni nge thap ngom, ni ba adag ni nge gol nigem, ni chubiyem, me yup’ loen e kirbaen’ u gumircha’em ko falfalen’. Ba adag ni nge chuweg e lumor nike upnguy e yafas rom me suguy ko thothup nge tamilang ko rir Rok nib machalbog.
Gag rog ma ke buch e biney rog.
Gag ni gub Apostle rok Somoel ni Yesus Kristus e mich rog ni gubin e pi’in ni ra yib ngak Got—ni kari michan’ raed, t’ufeg gaed, ma kan rrin’—e ku rayog ni nge buch rok.
Mich u wan’ daed
Fapi chep nib thothup e ma fil ngodaed ni ra “dariy be’ nra fel’ u wan’ Got ni fa’anra de mich [Got] u wan’: ya en nra yib ngak Got e thingari mich u wan’.”11
Boech e gidii’, ma mithmith ni yib michan’ ngay e ba momaw’. Boech ngiyal’ uf’uf’ rodaed e ma yib ngay. Sana gadaed ma leam nag e binem ni bachane gadaed ba llowan’, ma gadaed ba skul, fa ke buch rodaed, dabiyog ni nge michan’ daed ngak Got. Ma gadaed be sap ko taliw ni i go’ bo’olungi baen.12
N’en nike buch rog, ma michan’ e gathi machaw ni gadaed be yaliy ma gadaed ba adag ya’an ma gadaed be weliy mornga’agen. Ir boed e talen e murwel ni gadaed be feek nga lane milaey’, ma athuw u thuwngin daed, ma gadaed fal’egggin e uney ngan yung e awoch ngay nge yib wa’amngin nima paer.13
Chugur ngak Got, ma Ra chuguy ngom.14 Biney e micheg ngak gubin e pi’in nibe gay ni nge michan’.
Ngad t’ufeged
Fapi chep nib thothup e be yoeg ni gelngin ni daed be t’ufegey, e gelngin ni gadaed be falfalen’.15 Machane, t’ufeg ni weliy Yesus, e gathi ba gift-card, ban’en nikan n’ag, pin’en ni yibe adag man n’ag. Gathi ba t’ufeg ni yibe weliy man pagtilin. Gathi miit e t’ufeg ni yima ga’ar “mog ngog fa’anra bay ban’en ni rayog ni nggu rrin’”.
T’ufeg nibe weliy Got e miit nima thap nga gum’ircha’daed nap’an ni gadaed ra od ni kadbul, me paer rodaed u lan fare rran, me suguy gum’ircha’daed nap’an ni gadaed ra meybil ko magar nike balayal’.
Biney e ba t’ufeg nibay rok e Chitamangdaed nu Tharmiy ngodaed.
Ba t’ufeg ni darma mus nima pag daed ngad guyed e gidii’ nib tamilang ko rogon raed. Sap ko t’ufeg nib machalbog, ma gadad be guyed—gidii’ nib manemus nibay fah raed nge pumo’on nge ppin ni fak Got ni Gubinfen.
Nap’an ni gadaed ra sap ni aram rogon, ma dabiyog ni ngad chuweg ned, siyeged, fa ni chuweg bee’.
Gadaed be rrin’
Lane murwel rok fare Tathapeg, ma baga’ ni dakaen e tin baʼachig mab moem banʼen e “yima muguʼuliy e tin nib gaaʼ banʼen riy.”16
Gadaed manang nib ga’fan ni ra un sulsul u dakaen ban’en ni ngan cheag ko ban’en. Boed ni ngan cheap i chubeg e clarinet, falig nag e baat nga lane nug, fal’eg e karo, fa changag nag e skuki, ma yima rrin’ ni yibe fil rogon ngeyog ni ngad cheag gaed riy.17
N’en nike yarmiy fare Tathapeg u dakean e fayleng—Fare Galasia rok Yesus Kristus ni fan ko Gidii’en Got ko Tin Tomur e Rran—e ma ayuweg daed ngad rrin’ed e biney. Baga’ ni gin’en ni ngan fil rogon i paer ko wo’ nike fil man fal’eg wa’athan boech e gidii’ ni boed nike rrin’.
Gadaed e chonggin e Galasia, ma kan pii’ e calling ngodaed, nge reb e rogon ni ngad machib gaed ko boech e gidii’ u fithik e t’ufeg.
Daowri n’uw nap’an, ma ke weliy e Galasia mornga’agen i machib, fa pigpig fa t’ufeg ngak e gidii’. Tafney e kan feek ni ngan leam nag ko mang e ngan tunguy ko biney.
Reb e thin ni kanoeg ngay e shepherding, thin nibe weliy e thin rok Kristus: “Duruw’iy e saaf rog.”18 Machane, bay ta’reb ban’en riy e ba mom’ow: murwel ko re thin nem e ra tay ni gag ni yib German Shepherd. Ere, gu ba adag fare thin ni machib.
Biney e Murwel e Fan ko Gubin e Gidii’
Arrogon, biney e thin e dani bi’ech. Kemus nibe pi’ e kanawo’ nib bi’ech nikan sul u dakean ni fan ngodaed ni ngad rrin’ e motochiyel rok fare Tathapeg ni ngad “t’ufegney”,19 e kanawo’ nib bi’ech ni ngan rrin’ fare fan ko fare Galasia.
Aygum tafney nag marunga’agen e muruwel rok pi missionary; fare athamgil, sobutan’, nge pagawn’ i weliy fare gospel e wo’ nib falel’ i machib ko tin nib t’uf rok boech e gidii’, dariy fan ni mini’.
Fa murwel ko temple ni yibe rrin’—gay e ngochol ko gidii’ rodaed ni kakrom man pi’ e tawa’ath nib manemus ngoraed. Ba kanawo’ nib thothup ni ngan machib!
Leam nag e pi’in nib t’uf e ayuw roraed ni yaed ba gafgow ni ngan gay raed, chubiy pa’ay nike aw nga but, fa ni yibliy e m’ar nge gafgow. Gathi iraray e pi mithmith ko machib rok Somoel ni rrin’ napan ni bay u faylen?
Fa’anra danum chonggin e Galasia, gube piningem ni “ngam mub nge sap.”20 Muy nge un ngomad. Fa’anra gab chonggin e Galasia machane damur un, Gu ba pinning ngom: wenig mu wul. Gab t’uf romaed!
Moey, uneg e gelngim ko tiromaed.
Bachane tirom ban’en ni gab cheag riy, tin ni gab salap riy, nge rogom, ma gara ayuweg daed ngad mangil gaed man falfalen’. N’en ni ra sul riy, e gamaed ra ayuweg nem ngam mangil mag falfalen’ boech.
Moey, ayuweg maed man gel nag e gol, munguy, nge murnguy ngak gubin e bitir rok Got. Bachane gadad gubin be guyrogon ni ngad manged e gidii’ nib bi’ech nap’an e “tin ni kakarom ra yaen” nge “gubin pi’nen … ra mang nig bi’ech,”21 Ke dag fare Taathepg ngodaed e kanawo’ ni ngan sar ngay—m’on nge lang. Ke ga’ar, “Fa’anra gub t’uf rom, ma fol ko pi motochiyel rog.”22 Ngad murwel gaed u ta’abang ngad manged e gidii’ ni ba adag Got ni ngad manged.
Iraray miit e gospel ni gadaed ba adag ni ngad ayuwegned u lane Galasia rok Yesus Kristus. Gadad ma ba’adag ni ngad gelnag fare Galasia nap’an ni ngad n’agfan ngodad. Gin ni gadaed be siyeg e lumel ni dabin sap ko kireb, nonnon, ni gerngiy bee’ nga buut’. Gin, ni dabin sap ko kireb rok bee’, ma gadaed be chubiy daed ngalang ma yibe ayuweg gadaed ngad mangil gaed.
Soen nggu piningem biyay. Muy nge sap. Mub un ngomad. Gab tu’uf roamed.
Gidii’ nib gathi mangil
Gara pir’eg ni re Galasia ney e ba sug ko boech e gidi’ ni rib mangil u lane re fayleng ney. Yaed ba munguy, sug ko tu’ufeg, gol, ni yib yul’yul’. Kar maligach ba’nen, yaed ba alamrin ko murwel, ma kiyaed ba cheag nag.
Nge ku dar mangil gaed.
Kar oloboch gaed.
Boech ngiyal’ ma yaed ma yoeg e thin ni susun e dabir yoeged.
Machane bay e biney roraed ni ta’aborogon—Yaed ba adag ni ngad mangil gaed mar chugur gaed ngak Somoel, ni Tathapeg rodaed e Yesus Kristus.
Yaed be gay rogon ni ngad rrin’ nib mangil.
Michan’ raed. Yaedba t’ufeged. Yaedba rrin’ed.
Yaed ba adag ni ngan gol, sug ko tu’uf, mangil, ni kan boed Yesus.
Fare Kanawo’en e Falfalen’
Aarogon, yafas e ba momaw’ boch e ngiyal’. Riyul’ ni bay e ngiyal’ ni gadaed ma kirbaen’ fa ke mulan’ daed.
Machane fare gospel rok Yesus Kristus e ma pi’ e athap. Ma, lane Galasia rok Yesus Kristus, ma gadaed be un ko pi’in nibe gay e gin ni fen ni ngad thamiy ni boed ulan e na’un—gin ni ngan gel riy, u ta’abang, ni rayog ngad michan’ gaed, t’ufeg gad, man rrin’.
Demtrug ni gadaed ba thil, ma gadaed be gay rogon ni ngad tayed fan gadaed ni pifaak e Chitamangdaed nu Tharmiy.
Ri gub falfalen’ ni gub chonggin Fare Galasia rok Yesus Kristus ni fan ko Gidii’en Got ko Tin Tomur e Rran ni ku nang nib t’uf pifaak Got Rok ni nge pi’ kanawo’en e falfalen’ ngoraed nge fan raed u lane biney e yafas nge kanawo’ ni ngan nang e falfalen’ nib machalbog u lane rir ko yafas ni bayib.
Gub falfalen’ nike pi’ Got e kanawo’ ngodaed ni ngad gol nniged e ya’el nike m’ar nge Weltschmerz ko yafas.
Gube micheg nge pi ngomed e to’owath rog ni nap’an ni gadaed ra Michan’ ngak Got, nap’an ni Ra t’uf rodaed nge t’uf kuboech e gidii’ ni polo’ i gum’ircha’daed, man athamgil gad ni ngan rrin’ed rogon nike yoeg Got ngodaed, ma gaded ra pir’eg e gol nge gapas, falfalen’ nge fan. U dakean fithngan nib thothup Yesus Kristus, amen.