En Chitamangiy

Keb rok Brian K. Ashton

Bin La’agruw e Counselor ulan fare Sunday School General Presidency

Ra bagdaed ma rayog rok ni nge boed e Chitamangiy. Ra ngan rrin’, e ngarin liyoer gaed ngak e Chitamangiy u dakean fithngan fare Faak.

Ko urngin e yafas rok, ppin rog, Melinda, e gay rogon ko gelngin ni rayog rok ninge mang gachalpen nib yul’yul’ rok Yesus Kristus. Machane, nap’an ni kab fel’ yangren, me thamiy ni dabki mat’aw ninge thapeg e t’ufeg nge taw’ath rok e Chitamangdaed nu Tharmiy ni bachane daworiy nang fan ko Ir mini. Machane, Melinda ke athamgily ninge fol fapi motochiyel dariy’ fan e kirebaen’. Tomuren boech e d’uw, ke yib boech e ban’en ngak ni ke pinning nang fan ngak marung’agen e tirok Got, arragon e t’ufeg Rok ni fan e bitir Rok nge magaer Rok ni fan e rayog rodad nib dabki machalboeg ko muruwel Rok.

Ke weliy’ e pinn’ey ni kan ayuweg ngak: “Chiney e gube thamiy ni fare turnom rok e Chitamangiy e ba mangil, Ba adag ningad gel niged, Ir e ma gay e mafil nge tirodaed ningad suloed nga to’oben Rok. Gube guy ya’ag nge ya’ang e gidii’ woed Got ma guydaed. Rayog ninge mang glabthir, sensei, ngu tapigpig ko e t’ufeg nge gathi ko rus. Gube thamiy e gapas nge gel’bugwaeg ma gathi e rus fa tamra’. Dabkug thamiy e pufthin, Gube thamiy e ayuweg. Michaen’ug ba fel’ rogon. Gube thamiy e t’ufeg ko Chitamag urngin e ningyal’ nib to’orngin.”¹

E “nang fan nib riyul’ marunga’agen [Chitamangdaed nu Tharmiy] rogon, tin machalboeg, nge tirok” e ba gaa’fan ningan ngongoliy e mich ningad gayed e tayfan ngalang.² E nang fan nib riyul’ ko e rogon Chitamangdaed nu Tharmiy ra thilyeg e laniyaen’ daed ngodaed nge reb e gidii’ ma ayuweg daed ningad nanged fan e t’ufeg rok Got ni fan e bitir Rok nge Laniyaen’ nib ga’ ninge ayuweg daed ningad ta’abrogon gaed Ngak. E nang fan nib baen ko Rogon ra gay e thamtham nib kirebaen’ ngodaed ni dad suloed nga To’ben bayay.

E fan ko welthin rog daba’ ningu fil boech i mafil marunga’gen en Chitmangiy ninge yoeg ningad, arragon e gidii’ nima laemnag fa’an Got ba’adag raed, ningad nangd fan e Rogon nib riyul’ mag ngongoliyed e mich nib ga’ Ngak, Fak Rok, nge kanawo’ Rok ni fan dad.

Bin Somm’on e Yafas

Ulane bin somm’on e yafas, kan gargeleg daed ni gadaed e ya’el ni pifaak e Galabthir nu Tharmiy ni ku un pired Rorow ni gadaed ba tabinaew. ⁴ Yow ma nang daed, kar filew ngodaed, yow ba’adag daed.⁴ Gadadb a’adag ningad manged woed rogon e Chitamangdaed nu Tharmiy. Machane, ningad rrin’ed, thingar ningad nanged fan ni t’uf ningad:

1. Thapeg e fel’ngin, yafas nib manemus, dowef;⁵

2. Ngad mabgolgaed ngad fi’leg e tabinaew rodad udakaen e gelngin ko m’ag paa’ ko priesthood;⁶ma

3. Thapeg urngin e lowaen’, gelngiy, nge tin ko tharmiy.⁷

Aram fan, en Chitamangiy ke yarmiy e kanawo’ nira bing e wo’en ngodaed ningad⁸thapeg e dowef nira paer ko manemus ngad thapeged e fel’ngin udakaen e Fas ko Yam’; mabgol ngad fi’leged e tabinaew u yafas ney fa, ngak e gidii’ nib michaen’ ni dawur thapeged riy’, tomuren e yafas ney;⁹ manged chuchugur ko machaelboeg; ma tomuren ngad suloed nga Galibthir nu Tharmiy ngad paered Ngorow ko tabinaew rodad u rogon ko tayfan ngalang ufithik e falflaen’ ko manemus.¹⁰

Fapi babyor nib thothup ba yoeg i’ir fare kanawo’ ko thap.¹¹ Kad falflaen’ gaed ni fan re kanawo’ ney ni nap’an kug filed marunga’gen, kad tolul gaed ko falflaen’¹² Gadad gubin kug thapeged e chiylen riy, arragon e nang fan nge sikeng ko yafas u fayleng ninge yoeg ningad gayed e rogon ko tharmiy.¹³

Yafas u Fayleng

Napan e paer u fayleng, Chitmangdaed nu Tharmiy e pii’ e chiylen nib t’uf ngodaed ningad mon’og ko kanawo’ Rok. En Chitamangiy ke fak Yesus Kristus ko downgin¹⁴ ma ke pii’ e ayuw ko tharmiy Ngak ninge mugu’uliy e muruwel Rok u fayleng. Woed rogon Chitamangdaed nu Tharmiy ra ayuwgaed ningad gayed rogon ningaed folgaed fapi motochiyel Rok.¹⁵ En Chitamangiy na pii’ e gelngin ko me’leg ngodad.¹⁶ Bayi gelngin ko yafas rodad u Pa’angin, ma ma nang pi rran ma dabki matheg nib chigchig.¹⁷ Ma guy ni gubin ban’en ma ra mangil ni fan ngak e pi’in nib tu’uf roraed. ¹⁸

Chitamangdaed nu Tharmiy ba pii’ e flowa ko urngin e rran ngodaed,¹⁹ arragon e gaan ningad kay’ed nge gelingdaed ningad folgaed fapi motochiyel Rok.²⁰ En Chitamangiy ba pii’ e taw’ath nib fel’ ngodaed.²¹ Irma rung’ag ma fulweg pi meybil rodad.²² Chitamangaed nu Tharmiy ba thapdaed ko tin mo’oniyaen’ nap’an ngad pii’ mat’awaen Ninge rrin’.²³ Irma yoer ni fan daed nap’an bay e gafgow rodad.²⁴ Arragon, urngin e taw’ath rodad bay yib ku en Chitamangiy.²⁵

Chitamangdaed nu Tharmiy e be powi’iy daed ma pii’ e ban’en nib t’uf rodad ko gelingdaed, mo’owaer rodad, nge me’leg rodad ningad gayed e wa’amngin niv fel’.²⁶ En Chitamangiy be gechig nagdaed nap’an nib t’uf bachan Irba’adag daed.²⁷ I’ir e Mo’on ko Fanow ko Gonop,²⁸ nira pii’ e gonop ngodaed fa’an ngad fithed riy’.²⁹

Chitamangdaed nu Tharmiy ba pii’ ayuweg nge taw’ath ko fare Kan Thothup nga yafas rodad.³⁰ Udakaen fare taw’ath ko fare Kan ni Thothup, e fel’ngin—fa llowaen’, magael, nge gel’ngin—rok Chitamangdaed nira paer u fithik daed.³¹ Fa’an ra ngad gel nag e magal nge riyul ni nap’an gadad ba lem nag ni ta’ab rogon Got, Chitamangdaed nu Tharmiy e ra pii’ fare Kan ni Thothup ko Micheg ninge tay daed ngalang ngak e yafas ni manemus ma dag Owchen ngodaed—fa’an u fayleng ney fa bin magid.³²

Yafas ko Tomuren e Fayleng

Ulan fare yafas ko tomuren e fayleng, Chitamangdaed nu Tharmiy bathamgiliy ninge pii’ fare Kan ni Thothup nge pi missionary ngak e gidii’ e yaed ba t’uf e gospel. Irma fulweg e meybil ma ayuweg e gidii’ nib t’uf ningar thapeged e gam’ing nib t’uf udakaen e maligach.³³

En Chitmangiy ke chibiy’ Yesus Kristus ma Ke pii’ gelngin ninge yoeg e Fas ko Yam’,³⁴ amrogon ningad thapeged e dowef nib manemus. Bayuliy rok Tathapeg nge Fas ko Yam’ ra pinning daed nga gil’ rok Chitamangdaed, aram ninge pufthin nag daed Yesus Kristus.³⁵

E gidii’ nira ngongoliy e “e ngongol nib mat’aw, nge wurengaen’, nge murnguy rok’ fare Messiah nib Thothup”³⁶Ran thapeg e downgin nib fel’ngin woedrogon e Chitamangiy³⁷ mar paered Rok “u fithik’ e falfalaen’ ni dariy n’umngin i nap’an.”³⁸Aram, en Chitamangiy ra fi’leg riyoer rodad³⁹ma ayuweg dad ningad athamgily ko milekag rodad ningad manged ta’abrogon Ngak.

Rayog ningam nang fan, Chitamangdaed nu Tharmiy e bay rodaed ni gubin ngiyal’.⁴⁰

Rogon e Chitamangiy

Ningad manged woed rogon en Chitamangiy, ngarin boeded Ir. Rogon ngefel’ngin e Chitamangdaed nu Tharmiy e:

• En Chitamangiy “Dabi Tungun ma Ke Manemus.”⁴¹

• Ke machaelboeg ko pufthin, murnguy, gol, pagaen’, ma ba’adag e tin ni thabi fel’ ngodaed.⁴²

• Chitamangdaed nu Tharmiy e ba t’ufeg.⁴³

• Ma fol ko fapi m’ag Rok.⁴⁴

• Darma thilyeg.⁴⁵

• Dabiyoeg ninge baen.⁴⁶

• En Chitamangiy darma liyoer ngak bee’.⁴⁷

• Irma nang urngin e ban’en—kafaram, chiney, nge tin nga m’on—mada’ ko somm’on.⁴⁸

• Chitamangdaed nu Tharmiy s ba gel e lowaen’ rok⁴⁹ ngodaed ni gubin.⁵⁰

• Bayi urngin e gelngin rok Chitamangiy⁵¹ ma Ir e ma ngongoliy urngin e ban’en u lan gumiracha’en.⁵²

Pi walageg nib mo’on nge ppin, rayog ningad pagaen’gaed ngad thapeg e ayuw ko Chitamangdaed. Bachane bayi Sap rok ko tin manemus, Chitamangdaed nu Tharmiy e ra guy ban’en ni dabiyoeg ni ngaed guyed. E falfaleaen’ Rok, muruwel, nge fel’ngin ninge yoeg e yafas nib manemus nge tayfan ngalang ngodad.⁵³ Urngin e ngongol Rok irma rrin’ ni fan dad. Ir “ba’adag e falflaen’[dad] ko manemus nib gaa’ ko [laniyaen’daed].”⁵⁴ Ma dabki pii’ chingyal; ko tin momaw’ [ngodaed] nib gaa’ ko tin t’uf [rodad] fa ngak e gidii’ ni t’uf [rodad].”⁵⁵ Aram fan, Irma ayuwegdaed ningad ilalgaed, dabki pufthinag fa gechignagdaed ni dariy’ fan.⁵⁶

Ngad Boeded e Chitamangdaed

Gadaed e pifaak nib ya’el ku Got, bayi gelingdaed ningad manged rogon en Chitamangiy. Ninge yoeg, thingar ningad liyoergaed ngak en Chitmangiy udakaen e fithingan en Fak.⁵⁷ Ngad rrin’ed nap’an ngad gayed e rayog rodad ningad folgaed e laniyaen’ Chitamangiy, woed rogon en Tathapeg, ⁵⁸ ngad kalngan’ gaed ni gubin ningyal’.⁵⁹ Nap’an ngad rrin’ed pinn’ey, ngad thapeged urngin e pap’ngin mada’ ko ngad thapeged tirok Chitamangiy⁶⁰ngad thapeged e “pap’ngin, tin machaelboeg, nge tin salap rol.”⁶¹

Bayi gaa’ palogen ko e birodad u fayleng nge birok Chitamangdaed nu Tharmiy, boech e gidii’ ra thamiy ningar manged woed rogon e Chitamangiy ni dabiyog. Machane, fapi babyor nib thothup ba weliy’ nib fel’ rogon. Fa’an ngad athamgilyed ko mich ngak Kristus, kal’ngaen’, ngan gay e murnguy rok Got udakaen e mafol, ninge yoeg ningad manged woed rogon en Chitamangiy. Gube fel’ laniyaen’ug ni urngin e gidii’ nira gayrogon ko mafol ra thapeg murnguy ko murnguy ninge yoeg ningar thapeg e birok. ⁶²U reb e thin, dabiyoeg ningad manged woed rogon en Chitamangiy ni go’ dad. ⁶³ Machane, nira yig udakaen fapi taw’ath ko murgnuy, boech e ba gaa’ machane bo’or e ba achig, nira matheg mada’ ko polo’. Machane, o pi walageg, rra yib!

Gube pinning med ningam pagaen’med ngak e Chitamangdaed nu Tharmiy ni manang rogon ni nge tawa’ath nigem; mu gay e ayuw Rok ni gubin ngiyal’, ngam athamgiliy nga somm’on ufithik e michaen’med ngak Krsitus mus ko nap’an ni damur thamiyed e t’ufeg rok Got.

Bay bo’or e ban’en ni dawur nanged fan ko milekag rodad ningad manged woed rogon en Chitamangiy.⁶⁴Machane gube pii’ e m’ag ufithik e lowaen’ ningan gay rogon ningan mang woed rogon en Chitamangiy e ba fel’ puluwon ko maligach riy’.⁶⁵ Fapi maligach rodad u fayleng ney, dariy’ fan e ga’angin riy’, ba chigchig ko e falflaen’ nib gaa’, fel’, nge t’ufeg gara thamiy u gil’ rok Got.⁶⁶ Fa’an gaba waer ningam leamnag e maligach nib fel’ ni kan fith ngom, En Tathapeg ke yoeg ni dabiyoeg ningad nanged fan fapi ta’awth nib gaa’ kan ta’ermedliy en Chitamangiy ni fan dad. Dabiyoeg ningad nanged fan urngin e ban’en chiney machane ngad falfalaen’gaed bachane Ir e ma powi’iy daed nga tomur.⁶⁷

Gube micheg ni gab tu’uf rok e Chitamangdaed nu Tharmiyma ba adag ningam paer Rok bayay. U dakaen fithingan Yesus Kristus, amen.

Babyorene Ayuw

1. Babyoren ni kan fanay e tayoloey riy’; kumguy ko D. Melinda Ashton, “The Holy Ghost: Direction, Correction, and Warning” (Brigham Young University Women’s Conference, Apr. 28, 2016), byutv.org.

2. Lectures on Faith (1985), 38.

3. Muguy ko “The Family: A Proclamation to the World,” Liahona, May 2017, 145; “Mother in Heaven,” Gospel Topics, topics.lds.org.

4. Fare Apostle Paul ke fil ni gumanang e Chitamangdaed nib fel’ rogon ninge yoeg e ya’el ba pinning e Abba, ngak, ba yip fan “Papa’,” e thin ningam pinning ngak e chitamangiy ni gamanang (muguy koRoma 8:15).

5. Muguy ko Doctrine and Covenants 130:22.

6. Muguy ko Doctrine and Covenants 132:19–20.

7. Muguy ko Matthew 5:48; kumguy ko2 Peter 1:3–8.

8. Tin t’uf ney ba un ningad fel’rogon e bin somm’on e yafas rodad (muguy ko Abraham 3:26) ma nap’an e yafas ney ngad gayed e michaen’daed ngak Yesus Kristus nge Bayuliy Rok, kalngan’ gaed, ngad tawfe gaed u ni ngan lithegey nga fithik e raen rokbee’ ni bay mat’won ko gelngin e priesthood rok Got, ngad thapeged fare taw’ath ko fare Kan ni Thothup, ngad athamgil gaed nge taw tomur (muguy ko 3 Nephi 27:16–20).

9. President Dallin H. Oaks ke fil: “Boech e gidii’ nibe motoyil nga milwol ney ba yoeg, “Machane marunga’ag?” Gamad manang ni bo’or e Gidii’en Got ko Tin Tomur e Rran nib mat’aw ni dawur gayed e ban’en nib t’uf ko mon’og roraed. Dariy’ mabgol, dariy’ e bitir, yam’, fa divorce ba gay e kirebaen’ ko machib ma soenag e mugu’uliy ko fapi taw’ath nib micheg.  … Machane pi kirebaen’ ney e ba chingyal’. En Somoel ke micheg ni nap’an e manemus bayi urngin e taw’ath nira yaen ngak fapi fak nib mo’on nge ppin kar folgaed fapi motochiyel, fa’an kar folgaed e michmicheg rorad, mar ba’adag ningar mat’aw gaed” (“The Great Plan of Happiness,” Ensign, Nov. 1993, 75).

10. Muguy ko Mosiah 2:41.

11. Muguy ko Alma 42:5; ni kanoeg fare kanawo’ ko bayul (muguy ko, boed ni, Jacob 6:8) nge fare wo’en e falfalen’ (muguy ko Alma 42:8, 16).

12. Muguy ko Job 38:4–7.

13. Muguy ko, boed ni, Hebrews 5:8; 12:11; Ether 12:27. Arragon u somm’on, boech e sikeng rodad ra ya’an nigar ta’legdaed ningad thapeged e taw’ath kan micheg. Machane dariy’ fan, ra pi’ Got gubin e taw’ath nike micheg fa’anra gadaed ra paer ni gadaed ba yul’yul’ ni fan e gidii’ nib michaen’.

14. Muguy ko Luke 1:31–35; John 1:14; 1 Nephi 11:18–21; Guide to the Scriptures, “Jesus Christ,” scriptures.lds.org.

15. Muguy ko Doctrine and Covenants 93:4–5, 16–17, 19–20.

16. Muguy ko Moses 7:32.

17. Doctrine and Covenants 122:9.

18. Muguy ko Roma 8:28.

19. Muguy ko Matthew 6:11.

20. Muguy ko N. Eldon Tanner, “The Importance of Prayer,” Ensign, May 1974, 50–53.

21. Muguy ko Luke 11:10–13; James 1:17.

22. Muguy ko Luke 11:5–10; Joseph Smith Translation, Luke 11:5–6 (lane Luke 11:5, footnote a); 3 Nephi 13:6.

23. Muguy ko Matthew 6:13.

24. Muguy ko Moses 7:31–40.

25. Muguy ko James 1:17.

26. Muguy ko John 15:1–2; Doctrine and Covenants 122:6–7.

27. Muguy ko Hebrews 12:5–11; Doctrine and Covenants 95:1.

28. Moses 7:35.

29. Muguy ko Alma 37:12, 37.

30. Muguy ko John 14:26; 2 Nephi 31:12.

31. Muguy ko John 17:21–23, 26; Doctrine and Covenants 93:36.

32. Muguy ko Doctrine and Covenants 76:53; 88:67–68.

33. Muguy ko 1 Peter 4:6. Elder Melvin J. Ballard, ba non marunga’gen mang fan e mo’on ke tawfe ke un fare Galasia, ke yoeg, “Kug fil ni bay likngin’ rok u lane tafen e ya’el kar thapeged fare Gospel boech e duw u faram kar meybil gaed ni ra yib e chongin e tabinaew roraed u fayleng ninge bing e maab ngoraed, ma ke fulweg fapi meybil roraed ma Somoel ke loeg fapi missionary nga maab ko mo’on nem” (lane Melvin R. Ballard, Melvin J. Ballard, Crusader for Righteousness [1966], 250).

34. Muguy ko Mormon 7:5–6; kumguy ko John 5:21, 26; 1 Korinth 6:14; 2 Nephi 9:11–12; Alma 40:2–3; 3 Nephi 27:14.

35. Muguy ko John 5:22; Jacob 6:9; Alma 11:44; Helaman 14:15–18. Fare Bayul rok Kristus ma gelong e tin tagan’ ko Mul rok Adam, arragon e yam’ ko downgin nge ya’el, thingari gel nog pin’nem ningaed suloeg nga gil’ ko Chitamangdaed nu Tharmiy. Gidii’ kar kal’gaed’ngaeddaed ko denen roraed ra paer rok Chitamangdaed nge Fak ko numpngin e nap’an. Machane e gidii’ dabkar kalngan’ gaed ko denen ra maed’ bin la’agruw e yam’, ni ra yib udakaen e denen roraed. (Muguy ko Helaman 14:15–18).

36. 2 Nephi 2:8.

37. Muguy ko Doctrine and Covenants 76:56; 88:28–29.

38. Mosiah 2:41.

39. See Revelation 7:17.

40. Muguy ko Moses 7:30. Chitamangdaed nu tharmiy ba matangiy e gidii’ ni gubin yal’ ulan fare gil’lungun ko terrestrial udakaen e machib ko Yesus Kristus nge reb e gidii’ ko tharmiy (muguy ko Doctrine and Covenants 76:77, 87) ma ngak e gidii’ ulan fare gil’lungun ni telestial udakaen e machib ko fare Kan ni Thothup nge pi angel (muguy ko Doctrine and Covenants 76:86, 88).

41. Moses 7:35; kumguy ko Psalm 90:2.

42. Muguy ko Psalm 103:6–8; Luke 6:36; Moses 7:30.

43. Muguy ko 1 John 4:16.

44. Muguy ko Doctrine and Covenants 84:40.

45. Muguy ko James 1:17.

46. Muguy ko Numbers 23:19.

47. Muguy ko Acts 10:34–35.

48. Muguy ko 1 Nephi 9:6; Doctrine and Covenants 130:7.

49. Dictionary.com e be weliy llowan’ nib “rogon ni ngan fil ban’en, fan ban’en, gonop, nge rogoy, rogon e n’en nib riyul’, tha’, n’en nib riyul’, mornga’agen, nge kuboech.” Nge “gonop.”

50. Muguy ko Abraham 3:19. Yesus Kristus i’ir e bee’ nib fel’gnin, ma machalboeg nib gaa’ e llowan’ rok ngodaed.

51. Muguy ko Revelation 21:22.

52. Muguy ko Abraham 3:17.

53. Muguy ko Moses 1:39.

54. Richard G. Scott, “Trust in the Lord,” Ensign, Nov. 1995, 17.

55. Richard G. Scott, “Trust in the Lord,” 17.

56. Muguy ko John 5:22; Moses 1:39. I’ir Mo’oniyaen nge gadad gubing e ba gechignagdaed (muguy ko Revelation 12:10; Alma 12:14).

57. Muguy ko John 4:23; Doctrine and Covenants 18:40; 20:29.

58. Muguy ko 3 Nephi 11:11; Doctrine and Covenants 93:11–19.

59. Kalngaen’ i’ir e rogon ningad thilyeg e pap’ngindaed ningad manged woed rogon Got. Aram fan, thingar ningad kalngan’ urngin e ningyal’, gathi nap’an ngad “rrin’ed e tin tagan’.”

60. Muguy ko Doctrine and Covenants 93:19–20.

61. Lectures on Faith, 38; kumguy ko Moroni 7:48; 10:32–33; Doctrine and Covenants 76:56, 94–95; 84:33–38.

62. Doctrine and Covenants 93:20; bang nikan uneg ngay.

63. Muguy ko Moroni 10:32–33; Doctrine and Covenants 76:69, 94–95.

64. Mang fan dabiyoeg Got ninge upngiy e rogon ningad manged woedrogon Ngak? Dagu nang urngin e fan. Machane guma la’agruw e fan. Bin somm’on i’ir e rogon ko yafas u fayelng rodad (muguy ko Doctrine and Covenants 78:17).Sana ta’abrogon ningam weliy’ ngak e gidii’ ke paer u Middle Ages. Dabiyoeg ningam weliy’ nib fel’rogon. Ma bin la’agruw boech e ningyal’ e taw’ath ko murgnuy ba yib ngodaed udakaen e gafgow nge sikeng ndariy’ lowaen’.

65. Fapi maligach kan fithdaed nib t’uf ningad thapeged e machalboeg rodad (muguy ko Joseph Smith Translation, Hebrews 11:40 [lane Hebrews 11:40, footnote a]).

66. Muguy ko Roma 8:18.

67. Doctrine and Covenants 78:17–18.