Mad’ad
U lane magawon ko tin u fayleng, ma yaen u fithik e gapas, nge fare gelingin nib gol rok fare Taathepeg ra yib magal, nangfan, gapas, nge athap.
Ulan e March 22, 2016, um’on ni nge meruk e clock ni kadbul, la’agruw ni’ nib tagan e ke donmach nag fare Airport u Brussels. Elder Richard Norby, Elder Mason Wells, nge Elder Joseph Empey e kar feked Sister Fanny Clain ko fare airport u Brussels ni ke yan ko murwel ko machib u Cleveland, Ohio. Dalip i ragag nge l’agruw e gidii’ ni kar m’aed, ma urngin e pi tamachib e kar mad’ad gaed.
Elder Richard Norby e cha’ ni mad’ad nib alamrin u fithik raed, 66 e duw rok, ni yow e bpin rok ni yow ma pigpig, i Sister Pam Norby.
Elder Richar Norby e weliy mornga’agen e ngiyal’ nem:
“Chingyal’ nem, mug nang ko mang e ke buch.
“Kug gay rogon ni nggu miil, machane mug aw nga buut. … Rayog ni ngguy e bani gilay’ i eg nike mad’ad. Mug [tiyan’ug] ko tilmar, awat nibe wagay u lan pa’ag, ni boed tafen e gonoew. Mug sag’al nggu tel, machane mug nang ni gathi awat ya yilach rog e ir e ke mo’ruf. Kenggin rog nib wechwech e ke rowrow ko mad’ad u ker’ug.
“Nap’an ni sug lanin’ug ko n’en nike buch, [mug] lem nib gil: … ni fare Tathapeg e manang e gin ni gubay riy, n’en ni kaffin buch, nge [n’en] nibe buch rog ko ngiyal’ nem.”1
Bay boch e rran nga m’on nib momaw’ ngak Richard Norby nge bpin rok, i Pam. Kan pi’ e falay ngak ninge mol, min taflay nag, adaw’, ni de nang ko ra yim’ fa danga’.
I fos Richard Norby, machane ke thil e yafos rok. L’agruw nge boch e duw nga m’on, ma kube gol e mad’ad rok; wasay e kan n’oen nga barba i ay ni dariy; gubin ngiyal’ ma ba thil ko ngiyal’ nem u lane Airport u Brussels.
Mang fan ni ke buch e binem ngak Richard nge pam Norby?2 Yow ba yul’yul’ ko m’ag rorow, ma ur pigpig gow u Ivory Coast me yow chugliy e tabinaew rorow. Bea’ ni rayog ni di nang fan e ra ga’ar, “Dani fel’! Gathi arrogon nib mangil! Ni kar pe’ew e yafos rorow ko fare gospel rok Yesus Kristus; urogon ni ke buch e biney?”
Biney e Yafos u Fayleng
Mus nib thil rogon, ma gafgow, fare sikeng nge gafgow ni dan nang, l’agruw ni duwef nge ya’el, e ke yib ngodad bachane, iraray e yafas u dakean e fayleng.
Nap’an ni gube leam nag e pi’in ni nge non u lane biney mo’olung, ma gu nang ni palog l’agruw e bitir rog ni palog dalip e bitir rorow nike sul nga tabinaew roraed u tharmiy. Dariy bee’ nikan chuweg ko m’ar nge kirbaen’, nge boed ni ke yoeg u biney e wiik, ma ba angel u dakean e fayleng nib tu’uf rodaed, Sister Barbara Ballard, e ke yim’. President Ballard, gadad dabin pagtilined e mich rom ko re kadbul ney.
Gadaed be gay e falfalaen’. Gadaed be athapeg e gapas. Gadaed be athapeg e t’ufeg. Ma fare Somoel e ra maluk nag daed ko tawa’ath nib fel’. Machane palag ko mangil nge falfalaen, ta’areb e n’en ni gaed manang: bay boch e ngiyal’, awa, rran, boch i ngiyal’ ma duw nap’an e ya’el rom e ra thamiy e amith.
Fare babyor nib thothup e ke fil ni gadaed ra ri’ lamen e mugnin nge athibthib3 ma bay e tagopuluw ko gubin ban’en.”4 Yesus e ga’ar,” [Chitamangim] ya be mategram’en e yal’ rok nga daken e girdi’ nib tagan nge girdi’ ni bfel’ nta’reb rogon, ma be pi’ e n’uw ngak e pi’in yad be rin e tin nib kireb.”5
Mad’ad ko fare ya’el e dani thil ko pi’in nib fal’ab fa pi’in nib gafgow, yilen, ta’reb e naam, fa ta’areb mfen. Karbaed ni yad gubin ma bang ko pin’en ni gadaed be fil u roy u donop.
Ban’en nib Kireb ra Yib Ngad Gidii’ nib fel’
Mulwol rog e daba’ e fan ngak e picha’an ni yad be fol ko motochiyel rok Got, ni yaed be fol ko m’ag rorad ngak Got, ni, boed Norbys nge boech e reb e mo’on, ppin, nge bitir u fithik udakaen e feylang, ni ke nang e magawon nge pan’uw ni dan ninged nibe amith.
Mad’ad rodaed e rayog ni nge yib ko pin’en ni ma buch ara ba kireb e wol. Rayog ni nge yib ko pumo’on fa bpin nib mabgol ni dan yul’yul’, nibe kireb nag e yafos ko mabgol nge bitir. Mad’ad e rayog ni ke yib u fithik e lumar nge kirbaen’; ko gafgow nike yim’ bea’ nib t’uf rodad; rayog ni nge yib ko pi mar ni dani ninged; fare kirbaen’ ngak bee’ u tabinaew ni ke chuw ko mich rok; ko pi kirban’ ni go’gur ni dariy bee’ gara la’ngiy ni manemus; ara ko kubukun ra’ay boech e kirbaen’, amith ko pi lumel [kirbaen’] ni dabiyog ni nge guy owchey.”6
Gadaed manang e pi gafgow ni bang ko yafos rodad, machane nap’an ni ra yib ngodad ni go’ gadad, ma rayog ni nge fek e pogfan rodaed. Ni dan ninged, ma ba t’uf ni ngad fal’eg rogdad. Fare Apostle Peter e ga’ar, “Ma fa’anra bagadad ma ba t’uf rok bagadad. Ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.”7 Ke yib u fithik ram’an e tamilang ko sobut’aen nge falfalaen’, fare ram’en nib tilmar e bagay e gafgow nge lumel ni ngan lafith nib to’ar ko tanam ko chitamangdad. Pi gafgow, nibe momaw, e ma mang sensey rodad.8
Nap’an ni kar ruged e pi yaat rorad nib ma’ng’ang ni mornga’agen fare 2,060 e salthaw rok Heleman, magmaed adag e biney e chep nib thothup: U rogon fal’ngin Got me gin owchmaed ngay ma kug falfalaen’ gaed ko salthaw romad ni gubin, ya dariy bagyaed ni ke yim’.”
Machane ke ulul e yol: “ku dariy bugyaed u fithik’raed nib lich e mad’ad u doew.”9 Ra reb fapi 2,060 e salthaw ma ke mad’ad, ma ra bagdaed ma ra mad’ad ko mael u lane yafas, demtrug ko dowef, ya’el, fa l’agruw.
Yesus Kristus e Samaritan nib Mangil Rodad
Dabi mul an’um—machane, demtrug nib to’ar fare mad’ad ko ya’el rom, demtrug ko mang, demtrug ko gin ara demtrug ko mang e ke buch, nge chin’umngin ara n’umngin nap’an, dam gafgow ko ya’el, gara fos ko ya’el ni ngam paer mag pilal’ ko mich rom nge yul’yul’ rok Got.
Got e dani faleg e yael rodad ni nge gagiyeg nag, fare Somoel nge Tathapeg, Yesus Kristus, dan nang fan fare tawa’ath ko Tabiyul Rok, e gathi kemus ra ayuweg daed ko yam’ nge pi ngodaed, u dakaen e kalngan’, n’ag fan e denen rodaed, machane ke sak’iy ni ke fal’eg rogon ni nge ayuweg daed ko gafgow nge amith ko mad’ad ko ya’el rodaed.10
Fare Somoel e fare Samaritan nib Mangil11 rodaed nikan pi’ ni nge “gol nag gumircha’daed nike kirbaen’”.12 Ke yib ngodaed nap’an ni dariy bee’ nibe yib. Fithik e t’ufeg, ma ke tay pa’ nima gol nigey nga dakean e mad’ad rodaed me m’ag. Be chubiy daed. Ma t’ufeg daed. Ke pi ngodad, “Mured ngog… mug fasag [med].”13
“Nge [Yesus] e bay [gafgow] ko amith nge gafgow nge lumel ku gubin ban’en;… ni...ri [chey] me fek e amith nge fare m’ar ko girdii nga dakean. ... [bay fek nga dakean e pi m’ar roraed, ni [bay] sug ko murnguy.”14
Moy, kirabean’ romed, bu’uw e mulan’ roraed;
Moy ko fare mat’ riy, pasig ko rugbug.
Ba’ray mufek e mada’d u gumircha’em; bara mog e damumuw rom.
Fayleng e dariy e gafgow riy ndabiyog ni nge fasag u tharmiy.15
Ngiyal’ nibe gafgow nib alamrin, me yoeg Somoel ngak Profet Joseph ni ga’ar, “Urngin e piney e bay pi e ningan, nge paer nib mangil.’16 Bu’uw rogon ni nge amith e mad’ad ni ke fil rogon daed? Ni fare munog u fayleng ko lumel, nap’an ni gadaed ra athamgil, ma fare gelngin Somoel ni ma fasag e fekmed e tamilang, gonop, gapas, nge athapeg.17
Dam Taleg e athamgil Rom
Meybil ulan gumircha’em. Mugil nag e mich rom ngak Yesus Kristus, nge machalbog rok, nge murunguy Rok. Mag leam nag e thin Rok: “Wurnga’en rog e bagafan ngak: ma gilngeg e kan faleg ni fel ko mowar.”18
Tafneyem ni, kalngan’ e falay nib gil ko ya’el.19 Fol ko motochiyel mag be’ech ko “fare Powi’iy, leam nag e n’en nike micheg nag Someol ni ga’ar,” Dabiyog digeyem dariy e powiy rom: bay gub ngom.”20
Fare gapas ko fare temple e ma faseg e mad’ad ko ya’el. Masul ko fare na’un rok Somoel ko e gum’ircha’raed nib amith ni gimed chonngin e tabinaew rom ni gubin ngiyal’ ni rayog rom. Fare temple e ra ayuweg daed ni ngad ninged fan ko mang e be buch rodad u roy u donop nge galilngun ni manichabog.21
Musap nga tumor, mag nang ni kam dag ni gab be’ech ko yafos um’on ko biney e yafos. Gur e batir ku Got nib mangil, nge ayuw rok, rayog ni ngam monog ko fare mael ko re fayleng ney. Kam rrin’ umon, ma ku rayog ni ngam rrin’ biyay.
Musap nga m’on. Pi magawon rom nge gafgow e ba riyul, machane dabi paer nib manemus.22 Fare neap rom nib lumor e ra thimur, bachane “[ke lane e lang] fare Fak nibay ni bay gelingin nra gol nigey.”23
Fare Norby’s e yog ngog, “Pi puwan’ e ma yib ko pi mulung machane dabi paer.”24Fare Apostle paul e ga’ar, “Pire’ yay nike ingmad e gafgow … machane da gu masengsengad; yu ngiyal e bay n’en ma da ku gunanged e n’en ni nguu rin’ed, machane der mulan’mad.”25 Gara magaf, machane dabi mul an’um.26
Demtrug ko mad’ad rom nib amith, ma gara ayuweg boch e girdii’ ni kar mad’ad gaed ma yad be gafgow. Yesus e ga’ar, “Ma en nra thay e pogofan rok ni bochag e ra pir’eg.”27 Cha’an nike mad’ad nibe gol nag e mad’ad rok boech e gidii’ e angel rok Got u dakean e fayleng.
De n’uw nap’an, ma gadaed motoyil ngak e profet rodaed nib t’uf rodaed, i President Russell M. Nelson, ba mo’on nib gel e mich rok ngak Yesus Kristus, ba mo’on nib sug ko athap nge gapas, nib t’uf rok Got machane darini chuweg ko mad’ad ko ya’el.
Lane 1995 me Emily ni bitir rok, e nap’an nib diyen, me m’ar ko cancer. Bay boch e rran ko athap nge falfalen’ nap’an nikan gargeleg e bitir rok nib fal’ rogon. Machane sul fare cancer, me Emily nib t’uf e chuw ko biney e yafos ni kaffini gaman l’agruw e wik ko tomuren nike ke 37th e duw rok, ke chuw ko pumo’on rok nge laal e bitir rok.
Lane General Conference, tumran ni ke yim’, me ga’ar President Nelson: “Lu’ rog ko amith e ke yib ko pi athapeg nra yag ni buch banen ko bitir rog. … Fa’an e bay gelngig ni gu faseg e yam, Ma ra yib e lumel ngog ni [gu] faseg ko yam biyay. … [Machane] Yesus Kristus e ke kol e gelngin ni bay fana’ ngak Emily … nge ku urngin e girdii ko ngiyal’ ko fare Somoel.”27
Fa bin tumur e pol, ni kug waen ni gu’ girdii’ u Puerto Rico mug nang tomuren e duw ni aw fare yiko’ nib gel, President Nelson yog u fithik e t’ufeg nge murnguy:
“[Iraray] e bang ko biney e yafos, arfan ni gadaed bay u roy. Gadaed bay u roy ni nge yag e dowef min sikeng nag daed. Bay boch e pi sikeng nem na fan e dowef, bay boch ni fan ya’el, ma lumel rom u roy e fan l’agruw ni dowef nge ya’el.29
“Dawor mu dugey. Ka [rug] falfalaen gaed ngom. Ke yan e gin gayang ko mich romed, machane urgin ni gubin, bay gelngem mich romed ngak u lan Somoel Yesus Kristus.29
“Fol ko pi motochiyel rok Got, ma rayog ni ngad pir’eged e falfalaen’ ko tin nib momaw’ ban’en.”30
Gubin e Luuq ra Faley
Pi walageg, Iraray e micheg rog ngom ni ngam gel nag e mich rom ngak Somoel ni Yesus Kristus ni bay pi’ gelngim nge athap nib mangil. Me gur, pi’in nib mat’aw, Cha’an nima Gol nag e ya’el rodaed e, ngiyal’ nge kanawo’en, e ra faseg e mada’d rom.32 Dariy e pufthin, dariy e kireb, dariy e lumel, dariy e kirbaen’, dariy e amith, dariy e gafgow, dariy mad’ad—demturug nib to’ar demturug nib gaa’ demturug nib amith—ma rayog e fal lanyan’, gapas, nge bin tomur e athapeg rok ni ma bing pa’ nge pa’ nib mad’ad ni nge pining daed biyag nga galelngun, ko ra rran nem, fare Apostle John e ke micheg, fare mangil “e ra [yib] kirabaen,”33 bay sak’iy “karon’ed e mad nib wechwech … um’on u gil’ilungun Got.” Fare saf e bay “paer u fithik [dad] … nge Got e bay n’ag e lo’ u owchean[med].”34 Re rran ney e ra yib. Gube micheg u dakaen fithngan Yesus Kristus, amen